John 15:12 - Syin Chin Bible

¹² Kong thupiak in hi thu ahi hi: keima ii kong it bangma in, khat le khat na ki it vun.

John 15:12 Iomraidhean Croise

Malachi 1:2

Topa in a mite tungah, “No kong it tawntung hi,” ci hi. Ahihang amate in, “Bangbangin nong itna hong lak kana ni ziam?” ci in zo kik hi. Topa in, “Esau le Jacob te sia unau laipee ahihang Jacob le a suan a paalte ka it a,

John 13:34

Tuaciang, tu in thupiak thak khat kong pia hi: Khat le khat na ki it vun. Note kong it bangma in, khat le khat na ki it hamtang vun.

John 15:17

Tua hi a, hi thu in note tungah kong thupiak ahi hi: khat le khat na ki it tavun.

Romete 12:10

Khat le khat Tapidaw unau khat bangin ki it in, khat le khat kizatak vawt vun.

Ephesus te 5:2

Christ in hong it a, Pathian diksak ngimnamtui biakpiakna le sangaw biakpiakna bangin, a nuntakna hong piak bangma, itna in na nuntakna uh uksak vun.

1 Thessalonica te 3:12

Khat le khat na ki itna uh le mihing theampo na itna sungah khangto vaialin, noma kong itna a lian za ma in na ki it natu uh, Topa in hong siam tahen.

1 Thessalonica te 4:9

Noma thu up puite itna tu huvau lai at tu kul ka sa bua uh hi. Khat le khat na ki it natu in Pathian in no tung mama ah hong hil zo hi.

2 Thessalonica te 1:3

Suapuite awng, note atu in hun theampo ah Pathian ka pok uh kul hi. Tuabang ka ngamtat tu uh sia maan hi, banghang ziam cile na upna uh nasia khan mama a, tuaciang note khat sim ii midangte na itna uh lian vaial hi.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 3:8

A tawpna ah: note theampo in a kibang ngaisutna le khuaheakna nei tavun; tuaciang khat le khat unau bangin ki it vun. Khat le khat tungah dikin, kiniamkhiak tavun.

1 Peter 4:8

Khat le khat thinsung takpi taw na ki it tu sia thupi ngaisutbel tavun, banghang ziam cile ki itna in mawna tam mama sincip hi.

1 John 3:23

Ama hong thupiak sia bang ziam cile a Tapa Jesus Christ ih up tu le Christ ii hong thupiak bangma khat le khat ih ki it natu ahi hi.

1 John 4:21

Christ ii eite hong thupiakna in hi sia hi: Pathian a it peuma in a suapuite zongh a it kul tu hi.

2 John 1:5

Tua ahikom, ka it Nupi nu awng, nang tungah kong nget nop sia: eite khat le khat ki it tawng ci thu hi. Hi kong at thu sia thupiak thak hi ngawl a; a kipatciil pan ih nei thupiak sia ma ahi hi.