John 15:10 - Syin Chin Bible

¹⁰ Ka Pa thupiakte ni a, ama ii itna sungah ka kip bangmain, kong thupiakte na ni uh le kong itna sungah na kip tu uh hi.

John 15:10 Iomraidhean Croise

2 Samuel 22:22

Topa thukham ka ni a; ka Pathian kung pan ka puapial bua hi.

2 Kumpite 18:6

Ama in Topa tungah thumaan in, bangma hunin a thu ni ngawlin a om ngei bua hi, Topa ii Moses tungah a piak thupiakna te phinciing takin keamcing hi.

Pusuana 7:6

Topa thupiak bangin Moses le Aaron in seam uh hi.

Isaiah 50:5

Topa in thu tel theina kei hong pia zo a, keima in ama langpan ngawlin ka nungngat bua hi.

John 10:18

Kuama in kei kung pan ka nuntakna hong laaksak bua hi. Keima uuk thu in ka piak ahi hi. Ka piak tu le ka laak kik tu sia keima thu ahi hi. Hisia in ka Pa ii ka sep tu hong thupiak ahi hi,” ci hi.

John 12:49

Hi thu in thumaan hi, banghang ziam cile keima aituam thuneina taw ka pau bua hi, ahihang kei hong sawl Pa in ka son tu le ka pau tu thu hong pia hi.

John 14:15

“Nong it uh le ka thupiakte na ni tu uh hi.

John 14:21

“A kuama po ka thupiakte saangin, thu a nite sia kei hong it ahi hi. Ka Pa in kei hong it pawpo a it tu hi; kei zongh in ama ka it tu a, ama tungah keima le keima ka kilaak tu hi,” ci hi.

John 14:23

Jesus in, “A kuama po kei hong it sia in ka hilcianna a zui tu hi. Ka Pa in tua pa it tu a, ka Pa le keima in ama kungah pai in, ama taw ka teang tu uh hi.

John 14:31

ahihang Pa ka itna sia, leitung in a heak kul tu hi; tua hu in ama ii thu hong piak babangin, na theampo ka vawt hi. “Hong pai tavun, hi mun panin pai tawng.

John 17:4

Na minthanna leitung ah ka lak zo hi; sep tu a nong piak nasep sia ka man zo hi.

John 4:34

Jesus in, “Kei ii an sia, kei hong sawlpa ii deina ka zui tu le hong piak nasep ka zaw tu ahi hi.

John 8:29

Tuaciangin kei hong sawlpa in kei hong ompui hi; kei nguak hong nusia bua hi. Banghang ziam cile, ama diksakte ka vawt tawntung hi,” ci hi.

John 8:55

No sia ama na he ngei bua uh hi, ahihang kei in ka he hi. Ama he ngawl khi hi, ci tu hi leng, noma bangma in a leilot ka suak tu hi. Ahihang ama ka heak hi a, tuaciangin ama ii thu ka ni hi.

1 Corinth te 7:19

Banghang ziam cile pasal khat vunteap at le at ngawl sia bangma thupi ngawl hi; Pathian thupiakte zui tu sia a thupi ahi hi.

1 Thessalonica te 4:1

A khakbelin suapuite awng, Pathian ii diksak nuntakzia sia, ko tung panin na sin sa uh ahi hi. Hisia in note nuntakzia sia ma ahi hi. Tu in tua sang zong a nasia zaw in na nuntak natu uh Topa Jesus min taw kong ngen uh a, kong thawn uh hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.

2 Peter 2:21

Amate tungah a kipia a thiangtho thupiakna pan a pial uh sangin, a heak uh thutang lampi sia he ngei phot buazaw le, amate atu phazaw lai tu hi.

1 John 2:3

Pathian thupiakte ih zui le tuasia ciangin ama a he ih hi hunlam ih tel hi.

1 John 2:5

Ahihang a kuama po a kammal a zui sia in Pathian a itna kicingtaaksak takpi zo hi. Pathian taw pumkhat ih hina hi thu in hong telsak thei hi:

1 John 2:6

Pathian taw pumkhatin nungta ing a cite in Jesus Christ ii nuntak bangin a nuntak kul hi.

1 John 5:3

Banghang ziam cile Pathian ih itna ii khiakna sia ama thupiakte ih zui hi cinopna ahi hi. Tuaciang ama thupiakte sia ei atu in a haksa lei bua hi,

Thupualaakna 22:14

Nuntakna thingnga neak thei natu le khuapi sungah kongkha kaantan in pai thei natu in a puantual a sawp thiangte in mihing hamphate ahi uh hi.