John 14:3 - Syin Chin Bible

³ No atu pai in, omna ka pua khol zawkciang kong heak kik tu a, keima omna ah na om thei natu in ka kungah kong la tu hi.

John 14:3 Iomraidhean Croise

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

John 14:28

‘Hong nusia tu khi hi, ahihang no kung hong pai kik tu khi hi, ka ci sia na za zo uh hi.’ Nong it uh le Pa kung ka zot tu sia na lungdam tu uh hi; banghang ziam cile ama kei sangin lianzaw hi.

John 14:4

Ka pai natu mun hong then thei lampi sia na he uh hi,” ci hi.

John 17:24

“Pa awng! Amate nong piaksa hi a, nong piaksa ka minthanna sia a mu thei natu in, ka omna munah hong om tek tu ka dei hi; banghang ziam cile, simlei a kipiansak ma in, nong it zo hi.

Sawltakte 1:11

amate in, “Galilee mite awng, van ento in banghangin tua munah ding top nu ziam? Hi Jesus sia note kung pan vantung ah a kilaak to na mu uh bang tatak ma in hong pai kik tu hi,” ci uh hi.

Romete 8:17

A tate ih hi zawk nungsang a mite atu a khealsia thuphate ih lua tu a, Christ atu a Pathian ii a koi nate zongh ih lua tu hi; banghang ziam cile Christ ii thuakna ih thuakpui le a minthanna zongh ih lua tu hi.

Philippi te 1:23

Kei sia ka lang le ka lang panin hong kikang hi. Hi nuntakna nusia in Christ taw ka omkhawm nuam mama a, tua in a phazaw kan thu ahi hi;

2 Thessalonica te 1:12

Hi bangin ih Pathian le Topa Jesus Christ ii thuthiamna taw ih Topa Jesus min in, note tung pan minthanna saang tu a, note zongh in ama tung pan minthanna na saang tu uh hi.

2 Timothy 2:12

Thuakna ih zom to suak le ama taw ih maangkhawm tu hi. Ama ih nial le, ama zongh in hong nial tu hi.

Hebrew te 9:28

Tuasia bangma in, Christ zongh mihing tampite mawna a laaksak tu in, a nuntakna khatvei lian a kipia ahi hi. Ama sia a nii veina hong kilangh tu a, mawna taw kipekan tu hi nawn ngawlin, ama ngak nginge in a omte hun tu ahi hi.

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.