John 13:10 - Syin Chin Bible

¹⁰ Jesus in, “A kibual sa pawpo sia thiang siat a, a peang simngawl sil a kul bua hi. No teng sungah khat simngawl thiangtho nu hi,” ci hi.

John 13:10 Iomraidhean Croise

Thuhilsya 7:20

Leitung ah a maan bek seam tawntung in, khialna khat a vawt ngeingawl kuama om ngawl hi.

Solomon ii La 4:7

Ka ngaino awng, na mealpha lawlawm a; Paubanna na nei bua hi!

Jeremiah 50:20

Tua hun a thet ciang, Israel ngam ah mawna khialna kimu ngawl tu a, Judah ngam ah seksolna om ngawl tu hi, banghang ziam cile a nuntakna ka kheet lai mihingte ii mawna ka maisak tu hi. Keima, Topa in ka son zo hi,” ci hi.

Thiampite 16:26

Sennealngam sung Azazel kungah keal a beng pa in ngiaphual ah hong cia kik ma in a puante sawp in kibual nanak tu hi.

Thiampite 16:28

A hal pa ngiaphual hong heak kik ma in a puante sawp in kibual nanak tu hi.

Matthew 6:12

Ko tungah hong khialte ka maisak uh bangma, Kote khialna zongh hong maisak ta in.

John 13:18

“Na vekpi atu ka sonna hi ngawl hi; ka teal sate keima in ka he hi. Ahihang laithiangtho sungah, ‘Kei taw ankuang uumkhawmpa in kei hong langpan hi,’ a ci sia a tun kul tu hi.

John 13:9

Simon Peter in, “Tua ahile Topa awng, ka peang bek hong silsak heak in! Ka khut le ka lu zongh hong silsak ta'n!” ci hi.

John 15:3

Note sia hilcianna kong piakte hangin hong kithiangthosak zo hi.

2 Corinth te 5:17

Mihing khat pawpo in Christ taw a kizom le ama in mihing thak ahi hi; a nuntakna lui sia bo in a thak hong piang zo hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

1 Thessalonica te 5:23

Eite thinnopna hong pia Pathian in note a nanam in hong thiangthosak tahen, na nuntakna buppi - na thaa, na thinsung le na pumpi — hong keam tahen, Topa Jesus Christ hong pai ciangin sepkhial vawtkhial theampo taw hong kipealsak tahen.

Hebrew te 9:10

banghang ziam cile tuate in anneak, tuidawn le kithiansuana tuatuamte taw kisai bek hi. Hite sia a puatham zui tu ngeinate hi a, Pathian ngeina thak a piak sia a kipsak mateng atu hi bek hi.

James 3:2

Ih vekpi in, sep khial ih nei bul hi. Ahihang mihing khat in, pau khialna a nei ngei buale ama sia a cialcing hi a, a pumpi bup zongh, a uk thei mi ahi hi.