John 12:8 - Syin Chin Bible

⁸ Mizawngte sia no taw hong omkhawm tawntung tu hi, ahihang kei sia no taw hong omkhawm tawntung ngawl tu khi hi,” ci hi.

John 12:8 Iomraidhean Croise

Solomon ii La 5:6

Ka ngaino kongkha ka hon hi, ahihang ama om nawn ngawl hi. Ama aw za nuam lawlawm ing! Ka zon hang ama ka mu zo bua a, ka biapui hang ama in hong zo ngawl hi.

Matthew 26:11

Mihing a zawngte sia note taw hong om tawntung tu ahihang kei sia, note taw hong omkhawm tawntung ngawl tu khi hi.

Mark 14:7

Mizawngte note taw hong omkhawm tawntung tu a, na hu nop uh simin na hu thei tu uh hi. Ahihang kei note taw hong omkhawm tawntung ngawl tu khi hi.

John 12:35

Jesus in zo kik a, “Khuavak sia no sungah tawmvei hong om lai tu hi. Khuazing sia no tungah hong thet man ngawl natu in, khuavak na nei uh laitakin, na paina lampi ah paisuak tavun; banghang ziam cile khuazing sungah a pai khat in a zot natu mun a he bua hi.

John 13:33

Ka tate awng, kei sia no taw ngei hong omkhawm nawn ngawl tu khi hi. Note in kei nong zong tu uh hi; ahihang, Jew thunei mihingte munah ka ci sa bangin, ‘Kei pai natu munah note nong pai thei buatu hi,’ ci sia tu in kong son hi.

John 8:21

Tuaciang Jesus in, “Kei ka pai tu hi; nong zong tu uh a, ahizong na mawnate sungah na thi tu uh hi. Ka pai natu munah, na pai thei buatu uh hi,” ci hi.

Thuhil kikna 15:11

Israel te sungah a zawng le a cimaw pawlkhat om tawntung tu ahiciang, tuate tungah ngo takin na piak natu uh in thu kong pia hi.