John 11:4 - Syin Chin Bible

⁴ Jesus in a zaak ciangin, “Hi natna sia Lazarus ii thi natu natna hi ngawl hi; hi thu in Pathian minthan natu a piang hi a, tuaciang, tua tungtawnin Pathian Tapa ii minthanna a nga natu ahi hi,” ci hi.

John 11:4 Iomraidhean Croise

Pusuana 16:7

Zingsang ciangin Topa ii ompuina khuavak taang velvol mu tu nu hi. Ama langpanin noma phutsatna thu hong za zo hi — hi hi, ama langpan nu hi, banghang ziam cile kote in ama hong sawlna teng a seam suak ka hi bek uh hi,” ci hi.

John 10:38

Ahihang tuate ma ka seam nale, Pa sia kei sungah om a, kei sia Pa sungah om ka hina thu na up thei natu in, kei nong um bua uh zong, ka septe beak na up tu uh ahi hi,” ci in zo hi.

John 11:40

Jesus in ama munah, “Na um le Pathian minthanna na mu tu hi ci in hong son hi ngawl khi ziam?” ci hi.

John 12:28

Pa awng, nangma min thangsak in!” ci hi. Tuaciang vantung pan aw nging khat in, “Minthangsak zo khi hi, tuaciang in minthangsak lai tu khi hi,” ci hi.

John 17:1

Jesus in hi teng a son zawkciang van ento in, “Pa awng, a hun hong theng zo hi. Tapa in nang tungah minthanna hong piak thei natu in, na Tapa tungah minthanna hong pia ta'n.

John 17:10

Keima neisa theampo nangma aa hi a, nang neisa theampo keima aa ahi hi; ka minthanna amate tungtawnin kilak hi.

John 17:5

Pa awng! simlei pian ma a nangma taw a kibangin ih nei khop tua minthanna sia, tu in na mai ah kei hong pia ta'n.

John 2:11

Jesus in hi a masabel nalamdang lakna sia Galilee ngam Cana khua ah vawt hi; tua munah ama ii minthanna kilanghsak a, a nungzuite in ama um uh hi.

John 5:23

tua thu sia mihing theampo in Pa a zatak bangma in, Tapa a zatak natu ahi hi. Tapa a zakta ngawl po in ama a sawl ahi Pa sia zakta ngawl hi.

John 8:54

Jesus in, “Keima le keima ki upat tu hi leng, tua ki upatna sia, bangma man nei ngawl tu hi. Kei hong upat sia in ka Pa hi a, ka Pathian uh hi, na ci sia pa ma ahi hi.

John 9:24

Mittaw sa a suakpa sia, a nii veina sam kik uh a, ama tungah, “Thumaan ka son tu hi, ci in Pathian mai ah kiciam in! Nang hong damsak pa sia, mimaw khat hi ci in he khu hi,” ci uh hi.

John 9:3

“Ama mawnate hang ahizong, a nu a pa mawnate hang ahizong, a mittaw hi ngawl hi. Pathian ii vaangletna ii nasepna ama sungah a kimu thei natu in a mittaw hi.

Romete 11:11

Tua ahile Jew te a lutu uh ciangin a lalcip tu in a liik ziam? ci in kong dongh hi. Hi ngawl hi! Amate maw ahikom ngupna sia Gentile te tungah theng a Jew te ii een tu in kivawt ahi hi.

Philippi te 1:11

Pathian minthan natu le ama pok natu in Jesus Christ bek ii piansak thei a maan pilna thiamnate taw na nuntakna uh hong kidim tu hi.

Philippi te 1:20

Ka deina tatak le ka lametna sia bang ziam cile ka thi zong ka nung zong ka nuntakna buppi taw Christ vaang ka piak thei natu, hun theampo sung, a tuanin tu hun sung teng seseamin, hangsan takin ka panmun ka lel ngeingawl natu thu ahi hi.

1 Peter 1:21

Ama thina pan a thosak, minthanna a pia Pathian sia ama tungtawnin na um uh hi; tuaciang note upna le lametna sia Pathian tungah kibul hi.

1 Peter 4:11

Thuhil pawpo in Pathian ii ngupna thute hil nanak tahen a; na theampo ah Jesus Christ tungtawnin Pathian tungah pokna a kipiak thei natu in, na a seam pawpo in Pathian piak thangui thatang taw seam nanak tahen, tua Pathian tungah minthanna le vaangletna a tawntung a tawntungin om tahen. Amen.

1 Peter 4:14

Christ ii nungzui na hi uh hu in hong kizawngsak ahile, na lungdam tu uh hi; tua in a vaanglian Thaa ahi Pathian Thaa Thiangtho in no tungah a om hang ahi hi.