John 10:8 - Syin Chin Bible

⁸ Kei mai a hong pai sa theampo sia ngutate le phalakte ahi uh hi, ahihang tuute in, amate aw a ngai bua uh hi.

John 10:8 Iomraidhean Croise

Jeremiah 23:1

Ama mite suksiatsak a, a thethaangsak ngam uk uliante tungah Topa ii thukhenna in bangza in lauhuai tu ziam!

Ezekiel 34:2

Ama in, “A thithei mihing awng, Israel ngam ukte sonsia in, kamsaanna taw, Keima, Vaanglianpipa Topa ii kong ci teng amate munah son in: No Israel ii tuucingte awng a lal na hi uh hi: Noma le noma na kikeam cing uh a, ahihang na tuute na keamcing ngei bua uh hi.

Zephaniah 3:3

A uliante sia tawpi hawk bang hi a; a thukhenmangte sia, duhop leih kisa in a zing ciang dong sangu khat zongh a khe ngam ngawl ngiapui ngilkialte bang ahi uh hi.

Zechariah 11:16

Ka tuuhonte uk tu in tuucing khat ka koi hi, ahihang ama in lalna a thuak tu tuute le huu ngawl a; a bote le zong ngawl, a liamte le bawl ngawl, a ciidamte zongh anvaak ngawl hi. Tuabang a sep tu luangin ama in tuu a thaubelte ii sa ne in a peangcinte khok keak hi.

John 10:1

Jesus in, “A tatakin kong ci hi: tuukhawk sungah a kongpi pan tum ngawlin leidang pan kaato a, a tum sia nguta le ngualsuam phalakte ahi hi.

John 10:27

Ka tuute in ka aw hong ngai hi; amate ka he a, amate in ka nung hong zui uh hi.

John 10:5

A tuute in ngualdang khat zui ngawl tu uh hi; tuabang mihing dang khat ii kung panin a tuute taikeak zaw tu hi, banghang ziam cile tuute in tua pa aw a tel bua uh hi,” ci hi.

Sawltakte 5:36

Tu nung hiat in, Theudas kici khat hong piang a, ama le ama sia a nasia mama mi khat in kison a, tuaciang pasal zali bang in ama pawm uh hi. Ahihang ama sia kithat a, a nungzuite kithethaang in, a vai teng a bona thu na he nginge uh hi.