John 10:4 - Syin Chin Bible

⁴ A tuute a pusuasak zawkciang, ama in a mai ah pai in, tuute in a nung zui uh hi, banghang ziam cile a tuute in a aw tel uh hi.

John 10:4 Iomraidhean Croise

Solomon ii La 2:8

Ka ngaino ii aw ka za hi. Ama sia mualpi tungah tai kawmin hong pai a, mualnote kaantan in ka kung hong zuan hi.

Solomon ii La 5:2

Ka mut lanin ka thin ciim hi. Ka mang in ka ngaino in kongkha hong king hi. Kong it ngaino, ka vakhu awng, hong tumsak ta'n, ka lu sia daaitui taw kawt a ka sam sia meeizunh taw tuamh hi.

Matthew 16:24

Tua zawkciang Jesus in a nungzuite munah, “Khat po in kei hong zui nuam le ama le ama kinial in, a thinglamtee pua in, ka nung hong zui tahen.

John 10:16

Hi tuukhawk sung a om ngawl keima neisa tuu dangte zongh om lai hi. Tuate zongh ka paipui kul hi; amate in ka aw hong ngai tu a, tuucingpa khat ii a cin tuuhon khat suak tu uh hi.

John 10:27

Ka tuute in ka aw hong ngai hi; amate ka he a, amate in ka nung hong zui uh hi.

John 10:3

Kongkhacingpa in ama atu kongkha honsak hi; ama ii neisa tuute a min taw a sam ciangin a tuute in ama aw a za uh hi, tuaciang ama in, a tuute lampui in pusua pui hi.

John 10:5

A tuute in ngualdang khat zui ngawl tu uh hi; tuabang mihing dang khat ii kung panin a tuute taikeak zaw tu hi, banghang ziam cile tuute in tua pa aw a tel bua uh hi,” ci hi.

John 10:8

Kei mai a hong pai sa theampo sia ngutate le phalakte ahi uh hi, ahihang tuute in, amate aw a ngai bua uh hi.

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

John 13:15

No ii ettee tu ngamtatna khat kong koisak hi, tua hi a kei ii no tungah kong hi bang tatakin, no zongh khat le khat tungah na ngamta tavun.

John 18:37

Pilate in, “Tua ahile kumpipa khat na hi ziam?” ci in dongh hi. Jesus in, “Kumpipa hong ci sia nangma na hi hi. Hi leitung ah suak a, thumaan thutak sia ii thu son tu tupna khat taw in kong pai hi. Thumaan thutak ii neisa ahite peuma in kei thu hong ngai hi,” ci in zo hi.

John 3:29

Mo ahile zineipa ii neisa hi. Ahihang a kungah a ding thu ngai in a om zineipa ii lawmpa in zineipa aw a zaak ciangin a lungdam hi. Hisia in keima lungdamna a pawlcinna ahi hi.

1 Corinth te 11:1

Christ ii zia le tong ka zui bangin, kei ii zia le tong hong zui tavun.

Ephesus te 5:1

Note sia Pathian ii it a tate na hi uh komin, ama bang na hi natu hanciam vun.

Thuhil kikna 1:30

Topa na Pathian in no lam hong pui tu a, Egypt le sennealngam ah a vawt na mu uh bangin, noma atu ngal hong simsak tu hi.

Hebrew te 12:2

A kipatna pan a tawp dong upna a piangsak pa, a kicingsakpa Jesus mitsuan tawng. Ama sia thinglamtee hangin thinkiam ngawl hi! Ama a ngak nginge lungdamna hangin, thinglamtee tungah maizum thina sia pha maw sa ngawl zaw a, tu in Pathian tokhum ziatsang ah to hi.

Hebrew te 6:20

Ei taangin, Jesus in eite mai tua munah paikhol zo hi. Tuaciang, Melchizedek thiampi sia taw a kinguizui, a tawntung atu in, thiampi lianbel hong suak hi.

1 Peter 2:21

Pathian in no hong sapna sia hi thu hang ahi hi, banghang ziam cile Christ ama mama in, no atu in thuak a, ama khuani na zui thei natu in ettee tu hong nusiat hi.

1 Peter 4:1

Christ in a pumpi ngim thuak ahikom in, note zongh ama khua ngaisutna bangma nei in noma le noma na kithahatsak nanak vun; banghang ziam cile a kuama po pumpi taw a thuak sate sia, mawna sungah a tualta nawn bua hi.

1 Peter 5:3

Noma ii kep tu a hong ki aapte tungah zawthawkna taw uk tu hanciam ngawlin, tuuhon atu in a ettee pha na hizaw vun.