John 10:16 - Syin Chin Bible

¹⁶ Hi tuukhawk sung a om ngawl keima neisa tuu dangte zongh om lai hi. Tuate zongh ka paipui kul hi; amate in ka aw hong ngai tu a, tuucingpa khat ii a cin tuuhon khat suak tu uh hi.

John 10:16 Iomraidhean Croise

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Psalm Late 86:9

Na bitphua sa minam theampo hong pai in na mai ah kun tu hi; amate in na letna hong pok tu hi.

Thuhilsya 12:11

Mihing ciimte ii paunakte sia tuucingte ii tuute a cinna tu a, a zak ciangzumte bang hi a, a khoptua paunakte sia kho takin a kikhen thikpimte bang ahi hi. Tuate sia eite theampo hong cing ih tuucingpa Pathian ii hong piak ahi hi.

Isaiah 11:10

David kumpi suan pan kumpi thak khat sia minam tam mama te atu in lim khat ahi natu ni khat hong theng tu hi. Amate sia a kumpi khuapi sungah kikhawm in ama zatakna pia tu uh hi.

Isaiah 43:6

Saksangte tungah amate paisak vun ka ci tu a; thangsang te tungah amate khaktan heak vun ka ci tu hi. Ngam khuala na pan le leitung mun theampo panin ka mite heak kik tahen.

Isaiah 49:6

Topa in kei tungah, “Ka naseampa awng, nangma sep tu in nasep lian zaw khat ka nei hi, a suakta lai Israel mite a lian in lapto kik tu bek hi ngawlin, minamte tungah khuavak ahi tu zonghin nang kong vawt tu hi — tuabangin leitung theampo in ngupna a nga thei natu ahi hi,” hong ci hi.

Isaiah 52:10

Topa in ama ii a thiangtho vaangletna zangh tu hi; ama in a mite ngum tu a, leitung theampo in mu tu uh hi.

Isaiah 56:8

Ngamdang a saltanna pan ama mihing Israel te inn ah a ciapui pa, Vaanglianpipa Topa in, amate taw kikop tu in midangte kong paipui lai tu hi ci in kamciam pia zo hi.

Ezekiel 34:12

tuucing khat in a kithethaang tuute kaikhawm in a kep bangma in ka tuute ka keam tu hi. Tua khuazing le a lauhuai tuasiatna ni in, a kithethaang na mun theampo panin amate ka khawm kik tu hi.

Ezekiel 34:23

Ka naseampa David bang ahi kumpi khat amate ii khat bek ahi tuucing pa tu in ka pia tu a; amate a keam tu hi.

Ezekiel 34:6

Ka tuute mualtung le mual bawk saang na munte ah a vakvai uh hi. Leitung theampo ah peakkeak a, kuama in amate zong ngawlin a kan bua uh hi.

Ezekiel 37:22

Israel ngam mualte tungah amate, minam khat in ka ngawm tu hi. Kumpi khat bek in amate uk tu a, minam nii ahizong, kumpi ngam nii ahizong kikhen nawn ngawl tu hi.

Ezekiel 37:24

Ka naseampa David taw a kibang kumpi khat sia amate kumpi hi tu hi. Ngamuk khat ii khutnuai ah amate teng kilomkhat tu a, thumaan takin ka thukhamte a zui tu uh hi.

Hosea 1:10

Israel mite a kisim zo ngawl, a kitee zo ngawl tuipi sen za bang suak tu hi. Tu in Pathian in amate mun ah, “Note ka mite hi ngawl nu hi,” ci hi, ahihang, “Note sia a nungta Pathian ii tate hi nu hi!” a ci ni hong theng tu hi.

Zechariah 2:11

Tua hun ciang minam tam mama Topa kungah pai tu a, ama mite suak tu uh hi. Ama in note sungah hong teang tu a, no kungah kei hong puak hunlam na he tu uh hi.

Matthew 17:5

Tuabangin a pau laitakin, a taang meeikaai khat in amate teng tuam a tuaciangin meeikaai sung panin awnging khat in, “Hi sia in ka it ka Tapa hi a, ama tungah ka lungkim hi; a thu na ngai tavun,” ci hi.

Luke 15:8

“Tua ahibuale numei khat in dangkatang sawm a nei sung pan, khat bosua le — bang law tu ziam? Ama in mei de tu a, a inn sung phiat in, a mu mateng mun theampo ah pha takin zong tu hi.

John 10:11

“Keima in tuute atu in a nuntakna a pia ngam tuucing pha ka hi hi.

John 10:2

Kongpi pan a tum sia in, tuucingpa ahi hi.

John 10:27

Ka tuute in ka aw hong ngai hi; amate ka he a, amate in ka nung hong zui uh hi.

John 10:3

Kongkhacingpa in ama atu kongkha honsak hi; ama ii neisa tuute a min taw a sam ciangin a tuute in ama aw a za uh hi, tuaciang ama in, a tuute lampui in pusua pui hi.

John 10:4

A tuute a pusuasak zawkciang, ama in a mai ah pai in, tuute in a nung zui uh hi, banghang ziam cile a tuute in a aw tel uh hi.

John 10:5

A tuute in ngualdang khat zui ngawl tu uh hi; tuabang mihing dang khat ii kung panin a tuute taikeak zaw tu hi, banghang ziam cile tuute in tua pa aw a tel bua uh hi,” ci hi.

John 11:52

tuaciang, amate atu bek hi ngawlin, Pathian mihing a kithethaang theampo pumkhat suak tu in kaikhop natu zongh a sonkhol ahi hi.

John 17:20

“Amate atu bek ngen ngawlin, amate ii thupuak hangin, kei hong um teng atu zongh kong ngen hi.

John 6:37

Ka pa hong piak mihing theampo kei kungah hong pai tu hi. Kei kung hong zuan peuma ka nial ngei buatu hi,

Sawltakte 15:14

Amate sung panin, ama atu minam tuam khat a laakna taw Pathian in Gentile te a thinbotna a lak phitna thu sia, Simon in a son zawk bek ahi hi.

Sawltakte 18:10

banghang ziam cile keima in nang hong ompui ka hikom, kuama in nang hong susia thei ngawl tu hi. Hi khuapi sung a om mihing tam mamate sia keima mi ahi hi,” ci hi.

Sawltakte 22:14

Ama in, ‘Ih taanghpupite ii Pathian in, ama deina a tel tu, a thutang a Naseampa a mu tu le ama aw taw a pau a za tu in nang hong teal zo hi.

Romete 11:25

Suapuite awng, thumaan thutak ahi thuku khat a om sia na heak tu uh ka dei hi. Tua in noma le noma ciim na kisakna uh hong khaam tu hi. Hi thu ahi hi. Israel mite thinpuina sia a tawntungin a om tu hi ngawl hi. Ahihang Pathian kungah Gentile mite a theng tu in a kisee za a cin dong bek hi tu hi.

2 Thessalonica te 2:13

Topa hong it suapuite awng, note atu in Pathian tungah a tawntungin lungdam ka ko hamtang tu uh hi. Banghang ziam cile Thaa ii vaangletna taw ama mi thiangthote hong suasak natu le thumaan thutak na upna uh taw a kingum phitbelte na sua natu uh in Pathian ii tealte na hi uh hi.

Hebrew te 13:20

A nuntakna biakpiakna in a piak hu in Tuucing Lian ahi Topa Jesus sia Pathian in thina pan tho kiksak zo a, tuaciang a chisan hu in a tawntung thuciamna sia kikipsak zo hi. Kilemna Pathian in ama ii dei sia na vawt thei natu in na kisap uh vanh pha theampo hong pia tahen a, tuaciang ama diksak sia Jesus Christ tungtawnin ei sungah hong seam tahen. Christ tungah minthanna a tawntung a tawntungin om tahen! Amen.

1 Peter 2:10

Hun khat lai in, note sia Pathian mite na hi bua uh hi, ahihang tu in ama mite na hi uh hi; hun khat lai in, Pathian ii hesuakna na he bua uh hi, ahihang tu in ama ii hesuakna na saang zo uh hi.

1 Peter 2:25

Note sia lam amh tuute bang na hi uh hi, ahihang tu in na thaa uh hong Keampa le Tuucingpa zui tu in, hong kipui kik zo hi.

1 Peter 5:4

Tuaciang Tuucing Pipa hong kilangh ciangin, a taanna a bo ngeingawl tu minthanna lukhu na saang tu uh hi.

Thupualaakna 3:20

Ngai vun! Keima in kongkha kungah dingin ka king hi; khat pawpo in ka aw za in kongkha hong hon le, ama ii inn sungah tumin, ama taw an ka nekhawm tu a, ama zongh kei taw an nekhawm tu hi.