John 10:10 - Syin Chin Bible

¹⁰ Ngutapa ahile a ngu tu, a that tu le a susia tu bekma in hong pai hi. Kei kong paina sia, nuntakna na nga natu uh le a kicing nuntakna na nga thei natu uh ahi hi.

John 10:10 Iomraidhean Croise

Isaiah 56:11

Amate sia a deiza a nga ngeingawl, a duhop uite taw kibang uh hi. Hi lampuite in telthiamna bangma nei ngawl uh hi. Amate uuk bang tekin ngamta in a phattuam natu tek zong uh hi.

Hosea 7:1

“Israel ka mite a ciidam in a nopsak, a khanto kik tu ka vawtsak nop simin, amate seksolna le a ngamtatsiatna te bebek ka mu thei bek hi. Amate khat le khat kitheam a; inn phuulin vanh ngu hi, tuaciang lampi ah ngual neisa suttol uh hi.

Matthew 18:10

“Hi patang khat po na zawnsak ngawl natu in, na kidawm vun. Amate ii vantunglalangte sia ka Pa omna munah om tek nginge hi, ci in hong son ka hi hi.

Matthew 18:11

Banghang ziam cile Mihing Tapa sia a bote hun tu in hong pai ahi hi.

Matthew 20:28

Mihing Tapa in ngual na sawl tu in hong pai ngawl a, naseam tu le a nuntakna pia in, mihing tam mamate tan tu in hong pai hi,” ci hi.

Matthew 21:13

tuaciang, “Laithiangtho sungah Pathian in, ‘Ka Biakinn sia thungetna inn’ kici tu hi, ci hi, ahihang note in ngutate bukna na suaksak uh hi!” ci hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Mark 11:17

Mihingte hi bangin hil hi: “ ‘Ka innpi sia minam theampo atu in thungetna inn kici tu hi,’ ci in Pathian in a sonna Laithiangtho sungah ki at hi ngawl ziam? Ahizong note in, ngutate bukna phual na suaksak uh hi!” ci hi.

Luke 19:10

Mihing Tapa sia a bo a mangte zong tu le a ngum tu in hong pai hi,” ci hi.

John 10:1

Jesus in, “A tatakin kong ci hi: tuukhawk sungah a kongpi pan tum ngawlin leidang pan kaato a, a tum sia nguta le ngualsuam phalakte ahi hi.

John 10:11

“Keima in tuute atu in a nuntakna a pia ngam tuucing pha ka hi hi.

John 12:47

Kong thupuak sia za napi a ni ngawlte tungah thu ka khen buatu hi. Leitung ngum tu in kong pai a, a tungah thukhen tu in kong pai bua hi.

John 12:6

Ama ii hi bang a paute sia a zawngte awlmaw takpi hi ngawl a, ngutapa khat ahihang ahi hi. Ama in sum ip keam a, sumte ama atu in a la ku tawntung pa ahi hi.

John 3:17

Banghang ziam cile Pathian in a Tapa sia leitung ii a thukhenpa tu hi ngawl a, a hunpa tu in leitung ah hong paisak hi.

John 5:40

Tua hi napi nuntakna na nga natu in kei kungah nong pai nuam bua uh hi.

John 6:33

Banghang ziam cile, Pathian hong piak anluum sia in, hi leitung ah nuntakna a pia tu in, vantung pan hong paisuk pa ahi hi,” ci hi.

John 6:51

Keima in vantung pan hong pai a nungta anluum ka hi hi. Khat po in hi anluum a ne le nungta tawntung tu hi. Ama ka piak tu anluum in, leitung mite nuntak thei natu a, ka piak ka taksa ahi hi,” ci in zo hi.

Romete 2:21

Ngual zongh hil thei na hi uh le noma le noma banghangin kihil ngawl nu ziam? “Nguta heak vun,” ci in na hil uh hi. Ahihang noma mama in na ngu uh ziam?

1 Timothy 1:15

Jesus Christ in mawneite hun tu in leitung ah hong pai hi: ci sia thumaan hi a, a cing takin up tu le saan tu ahi hi. Tua a mawte sung pan keima in a mawbelpa ka hi hi,

Hebrew te 6:17

Ama ii kamciam a piakte, a saang tute tungah, Pathian in a tup a sawmna peal ngeingawl hi, ci in thiang takin telsak nuam ahikom a kamciamte sia, kiciamna taw in belap hi.

Hebrew te 7:25

Tua ahikom ama in, tu le a tawntungin, ama tungtawn a, Pathian kung a zuante sia hun thei hi, banghang ziam cile ama in amate atu Pathian munah thu ngetsak tu in, a nungta tawntung hi.

2 Peter 1:11

Hisia tungtawnin ih Topa le Hunpa Jesus Christ ii tawntung Kumpi ngam sungah tum thei natu thu a cingin no hong kipia tu hi.