John 10:1 - Syin Chin Bible

¹ Jesus in, “A tatakin kong ci hi: tuukhawk sungah a kongpi pan tum ngawlin leidang pan kaato a, a tum sia nguta le ngualsuam phalakte ahi hi.

John 10:1 Iomraidhean Croise

Jeremiah 14:15

Keima, Topa in ka sawl ngawl bulin ka min suangin hi ngam ah ngal kidona le kial tung ngawl tu hi ci a, a son kamsaangte tungah bang law tu khi ziam ci sia no tungah kong son hi — ngal kidona le kialpi taw amate ka thatlum tu hi.

Jeremiah 23:21

Topa in, “Hi kamsaangte ka puak bua hi, ahihang amate pai veve uh hi. A son tu thu ka piak ngawl ahihang ka min suangin thuson veve uh hi.

Jeremiah 23:32

Keima, Topa ii ka ci sia ngai vun! Leilot thu nguaktang ahi amate ii mangte a son kamsaangte ka langpan hi. Amate in hi mangte sonin a leilotnate le a kisaktheina uh taw in ka mite lam khialpui uh hi. Amate ka paisak bua a, thu zongh ka pia bua hi, mihingte atu in amate kimanna nei vet ngawl hi. Keima Topa in ka son zo hi,” ci hi.

Joel 2:9

Tuate in khuapi bulu a; a luphungte kaantan uh hi; tuate inn tungah kaato in ngutate bangin khelkite pan tum uh hi.

Matthew 7:15

“Leilot kamsaangte na up ngawl natu kidawm vun; amate a puatham ah tuu bangin hong pai tu a, a sungsang uh sia ngia hangsan bang hi tu hi.

John 10:7

Tua ahikom Jesus in hi bangin ci kik hi. “A tatakin kong ci hi: Kei sia tuute ii kongpi ka hi hi.

John 3:3

Jesus in, “Thumaan hong son khi hi: niivei a suak kik buale, kuama in Pathian Ngam mu thei ngawl tu hi,” ci in zo hi.

Romete 10:15

Thuhil tute a kipaisak buale a thupha bangbangin kithangsak thei tu ziam? Laithiangtho ci bangma in, “Lungdamna thupha puak a hong paite peang sia bangza in etlawm ziam?”

Romete 16:18

Banghang ziam cile tuabangin a ngamtate in ih Topa Christ atu in a seamte hi ngawl a, amate ngilpi atu in a seamte ahi uh hi. Amate in kamneal le kisialpoknate taw bangma a he ngawl mihing pawlkhat a theam uh hi.

Titus 1:11

Maizum maw in sum nga nopna bek taw, a kilawm ngawl thute a hilna uh taw, innkuan bubup buaisak ahikom, a thuson ih khaktan kul tu hi.

Hebrew te 5:4

Thiampi lianbelpa za sia ama le ama kiteal a, a kipia kuama om ngeingawl hi. Aaron tungah a kipiak bangin — mihing khat sia Pathian ii samna bek taw thiampi lianbel kisuaksak hi.

1 Peter 1:10

Kamsaangte ii pha tak a zon le a kat sia hi ngupna thu hi a, Pathian ii no tung hong piak tu hi letsong huvau amate in sonkhol zo hi.

2 Peter 2:1

A bosa hun in mihingte sungah kamsaang maan ngawlte piang hi, tuasia bangma in no sung zongh sya maan ngawlte hong piang tu hi. Amate in hong lalsak thei upna thubul maan ngawlte hong keng tu a, amate a tan Topa nial tu hi, tuasia ciang thakhat thu in, amate le amate kilalsua tu hi.

2 Peter 2:3

Hi sya maan ngawlte sia duhop ahikom amate phuatawm taanghthute hong sonna taw no tung pan a meet hong vawt tu hi. Amate ii Thukhen pa sia a kingin zawk ngei zo a, amate a Lalsak pa khanglo zo hi!

1 John 4:1

Ka it lawmte awng, Thaa ka nei a ci theampo na um heak vun, ahihang amate nei thaa sia Pathian kung pan hong pai ahile ahi ngawl na sittel tavun. Banghang ziam cile mun theampo ah kamsaang maan ngawlte pai kawkoai zo uh hi.