John 1:51 - Syin Chin Bible

⁵¹ Tuaciang in amate tungah, “Thumaan hong son khi hi: vantung kihong na mu tu a, Mihing Tapa tungah Pathian ii vantunglalangte a tuaksuk a kaato kithalee in a om na mu tu hi,” ci hi.

John 1:51 Iomraidhean Croise

Pianciilna 28:12

Ama in mangman a, keallei khat leitung pan vantung dong kidawto in, vantunglalangte tua keallei ah a tuaksuk a kaato mu hi.

Ezekiel 1:1

Kum sawmthum kum a tha li na a ni nga ni in Babylon ngam Chebar ngunhui ah keima Buzi ii tapa thiampi Ezekiel in Judah mi saltaangte taw ka teang khawm hi. Van kihong a, tuaciang Pathian ii lak mukholna khat ka mu hi. (

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Matthew 25:31

“Mihing Tapa sia Kumpi bangin vantunglalangte taw hong pai ciangin, a kumpi tokhum tungah to tu a,

Matthew 26:24

Mihing Tapa sia Laithiangtho in thi tu hi a ci bangma in thi tu a, ahihang Mihing Tapa a leeheak sia atu in, bangza in lauhuai ziam? Tua pa atu in pian awl zaw le phazaw hi,” ci in zo hi.

Matthew 3:16

Jesus tui a kiphum zawk po ciang tui sung pan hong pusuak to hi. Tuaciang ama atu van kihong a, Pathian ii Thaa ngam vakhu bangin hong tuaksuk in, ama tungah hong tusuk a mu hi.

Matthew 4:11

Tuasia ciang, Doaimangpa in Jesus nusia a, vantung mite hong pai in Jesus ou uh hi.

Matthew 8:20

Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

Matthew 9:6

Mihing Tapa in leitung ah mawmaisak theina thu nei hi, ci in kong lak tu hi,” ci hi. Pumzaw pa munah, “Tho in, Na luppha luakin, na inn ah cia ta'n,” ci hi.

Mark 1:10

Tuisung pan Jesus a thaw to po ciangin, van kihong a, Thaa sia ama tungah ngam vakhu bangin hong tuaksuk sia ama in mu hi.

Mark 14:62

“Hi khi hi, no theampo in, Mihing Tapa sia Vaanglianbelpa ziatsang ah to in, vantung ah meeikaaite taw hong pai na mu tu uh hi,” ci in Jesus in zo hi.

Luke 2:13

Thakhat thu in, vantunglalang honpi tua vantunglalang ii kungah kilangh a, Pathian pokna lasa uh hi.

Luke 2:9

Vantunglalang khat amate kungah kilangh a, tuaciang Topa vaang amate tungah taang hi. Amate lau mama uh hi.

Luke 22:43

Tuaciang vantung pan in, vantunglalang khat kilangh a, ama tha khosak hi.

Luke 22:69

Ahihang tu pan kipan Mihing Tapa sia Vaanglianbel Pathianziatsang ah hong to tu hi,” ci hi.

Luke 24:4

Hi thu lamdang sa in, tua munah a din laitakin, thakhat thu in mihing nii, a taang mama puansilh in, amate kungah ding uh hi.

Luke 3:21

Mihing a om theampo tui a kiphum zawk uh ciangin, Jesus zongh tui kiphum hi. A thunget laitak van kihong a,

John 1:50

Jesus in, “Theikung nuai ah na om lai in, kong mu zo hi kong ci hu bek in, um na hi bua ziam? Hisia sangin a lian zaw lai na tam mama na mu tu hi!” ci hi.

John 10:1

Jesus in, “A tatakin kong ci hi: tuukhawk sungah a kongpi pan tum ngawlin leidang pan kaato a, a tum sia nguta le ngualsuam phalakte ahi hi.

John 10:7

Tua ahikom Jesus in hi bangin ci kik hi. “A tatakin kong ci hi: Kei sia tuute ii kongpi ka hi hi.

John 13:16

A tatakin kong ci hi: sila khat sia a topa sangin lianzaw ngawl a, kamtaipa khat sia a sawlpa sangin lianzaw ngawl hi.

John 13:38

Jesus in, “Kei atu thi tu in kinging tatak ni ziam? A maan tak kong ci hi: ak khuan ma in ka he bua hi ci in thumvei hong nial tu ni hi,” ci in zo hi.

John 14:12

A maan takin kong ci hi; kei hong um peuma in, ka vawt teng a vawt tu hi — hi hi, a thupi zaw zongh vawt tu hi, banghang ziam cile kei Pa kung ka zuan tu hi.

John 16:20

A tatakin kong ci hi: note au in kap tu nu hi, ahihang leitung lungdam tu hi; note hee tu nu hi, ahihang na heena uh sia lungdamna hong suak tu hi.

John 16:23

“Tua ni hong thet ciangin, kei tungah bangma nong ngen buatu uh hi. A maan tatak kong ci hi: Pa in kei min suangin na nget pawpo hong pia tu hi.

John 21:18

A maan takin kong ci hi: na khanmoi lai in, a kinging sa in na om bul a, na uukna theampo ah na pai bul hi, ahihang na khanhaam ciangin, na khutte na vaan tu a, tuaciang khat in khau hong khii in, na uuk ngawlna ah hong paipui tu hi,” ci hi.

John 3:3

Jesus in, “Thumaan hong son khi hi: niivei a suak kik buale, kuama in Pathian Ngam mu thei ngawl tu hi,” ci in zo hi.

John 3:5

Jesus in “Thumaan hong son khi hi. Tui le Thaa taw a suak buale, Pathian Ngam sungah kuama tum thei ngawl tu hi.

John 5:19

Tua ahikom amate kungah Jesus in, “A tatakin kong ci hi: Tapa in ama thu taw bangma vawt thei ngawl hi; a Pa ii vawt a mu teng bekma vawt hi. Pa ii vawt teng Tapa zongh in vawt hi.

John 5:27

Tuaciang ama ii Tapa sia thukhen theina thupia zo hi, banghang ziam cile ama Mihing Tapa ahi hi.

John 6:26

Jesus in, “A tatakin kong ci ciang, kei nong zon uh sia, nalamdang ka laknate na tel uh hang hi ngawlin, anluum na du uh za a na neak uh hang ahi hi.

John 6:32

Jesus in “A tatakin ka ci hi: Moses ii no hong piak anluum sia vantung pan hi ngawl hi. Vantung pan no atu anluum tatak hong pia pa sia ka Pa ahi hi.

John 6:47

A maan takin kong ci hi: a um sia in tawntung nuntakna nga hi.

John 6:53

Jesus in amate munah, “A maan takin kong ci hi: Mihing Tapa ii taksa na ne bua uh a, a chi na dawn bua uh le, note sungah nuntakna na nei buatu uh hi.

John 8:34

Jesus in, “A maan takin kong ci ciang, a kuama po mawna a vawt theampo in mawna ii sila ahi hi.

John 8:51

A maan takin kong ci hi: a kuama po ka hilcianna a nite, a thi ngei buatu hi,” ci in zo hi.

John 8:58

A maan takin kong ci hi, “Abraham pian ma in, ‘Keima’ ka om zo hi,” ci in Jesus in zo kik hi.

Sawltakte 10:11

Van kihongin mu a, bang ziam maw puanzapui bang khat, king li panin kikhai in lei ah kikhiasuk khat mu hi.

Sawltakte 7:56

“En vun! Vantung kihong mu khi hi, tuaciang Mihing Tapa sia Pathianziatsang ah, dingin om hi!” ci hi.

2 Thessalonica te 1:7

tuaciang no a thuakte le ko zongh nopsakna hong pia tu hi. Topa Jesus in ama ii a thahat vantunglalangte taw

2 Thessalonica te 1:9

Ama ii mihing theampo le a thu um mihingte tung pan minthanna le vaang piakna a nga tu in, tua Ni Topa hong pai ciang, Topa mai le vaanglet minthan na pan amate kikhen tu a, tawntung lalcipna daan thuak tu hi. Note zongh, ko ii kong son thute um zo na hi uh ciangin tua thu um te sungah na kihel tu uh hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

Hebrew te 1:14

Tua ahile vantunglalangte sia bang ziam? Amate sia Pathian naseam thaa te hi a, ngupna a saang tute a hu tu in, a sawlte ahi uh hi.

Jude 1:14

Adam suan a khang salina, Enoch in hi bangin, amate huvau sonkhol hi. “Topa sia a vantunglalang thiangtho tul tam mama te taw hong pai tu a,

Thupualaakna 19:11

Tuaciang vantung a kihongin ka mu a, tua ii sungah siphu kaang khat om hi. A tung to pa sia Thumaan Thutang kici hi; ama in khaikim takin thukhen a, a ngalte do hi.

Thupualaakna 4:1

Hi santak ah mukholna dangkhat ka nei a, vantung ah kongkha khat kihong sa in a om ka mu hi. Tuaciang lemle aw taw a kibang ka zaak ngeisa ahi kei hong paupuina awnging in “Hi sungah hong paito ta'n, hisia zawkciang bang teng piang tu ziam, ci in kong lak tu hi,” hong ci hi.