John 1:43 - Syin Chin Bible

⁴³ A zing ciangin Jesus in, Galilee ngam ah pai tu in, khensat hi. Ama in Philip mu a, “Hong zui ta'n,” ci hi.

John 1:43 Iomraidhean Croise

Isaiah 65:1

Topa in, “Keima in ka mite ii thu ngetnate zo tu in a kinging sa in om zo napi, amate in thu ngen ngawl uh hi. Amate ii hong mu thei tu in om zo napi, amate in zon tu zongh hong sawm bua uh hi. ‘Hi lai ah om khi hi; hong hu tu khi hi!’ ci in a zo paih tu in om nginge zo napi, ka mite in ka tungah thu hong ngen bua uh hi.

Matthew 10:3

Philip le Bartholomew; Thomas le shiadongpa Matthew; Alphaeus ii tapa James le Thaddaeus;

Matthew 4:12

Jesus in John thong sungah kikhum hi, ci in a zaak ciang, ama Galilee ah pai hi.

Matthew 8:22

Jesus in, “Hong zui ta'n, mithite in amate ii mithi vui tahen,” ci hi.

Matthew 9:9

Jesus in tua mun nusia in lamdung zui in a pai laitak Matthew a kici shiadong khat a zum sungah a to mu hi. Tua pa munah, “Hong zui ta'n,” ci hi. Matthew zongh dingin zui hi.

Luke 19:10

Mihing Tapa sia a bo a mangte zong tu le a ngum tu in hong pai hi,” ci hi.

John 1:28

Hi thu theampo sia John ii tui a phumna Jordan Ngun ii nisuana sangah a om Bethany khua ah piang hi.

John 1:29

A zing ciangin John in ama kungah Jesus hong pai a mu ciangin, “Leitung buppi mawna a lakhia Pathian Tuuno, zialai ah om hi!

John 1:35

A zing ciangin John sia tua munah ama ii nungzuite nii taw a dinkhop kik laitakin,

John 1:37

Nungzuite nii in tu a bangin a son za uh a, tuaciangin Jesus taw ton uh hi.

John 1:44

(Philip sia Andrew le Peter te ii teenna Bethsaida khua pan ahi hi.)

John 12:21

Amate in Philip (Galilee ngam Bethsaida khua mi) kungah pai in, “Syapa awng, ko Jesus mu nuam khu hi,” ci uh hi.

John 14:8

Philip in, “Topa awng, Pa hong lak ta'n; tuasia ka kisap uh a vekpi hi,” ci hi.

John 2:11

Jesus in hi a masabel nalamdang lakna sia Galilee ngam Cana khua ah vawt hi; tua munah ama ii minthanna kilanghsak a, a nungzuite in ama um uh hi.

John 6:5

Jesus in a kiimkot a et ciangin, mi honpi khat ama kungah hong zuan mu a, tua ahikom Philip munah, “Koisung pan hi mihingte theampo ih vaak khom natu an lei thei tu hi ziam,” ci hi.

John 6:7

Philip in, “Mihing sim ii tawmno tek a neak khom tu bek zongh ngun dangka zanii vaal taw anluum lei kul tu hi,” ci in zo hi.

Philippi te 3:12

Ka nasepna taangtun zo ing, tua ahibuale cialcing zo ing ci ngawl khi hi. Jesus Christ in ama atu in kei hong sungsuam zo a hina tel sia ka nga zawk natu in ka hanciam tan lai hi.

1 John 4:19

Pathian in ei hong it masa ahikom eite in ama ih it hi.