John 1:42 - Syin Chin Bible

⁴² Tua zawkciang ama in Jesus kungah Simon paipui hi. Jesus in ama en in, “Na min sia Simon hi a, John ii tapa ni hi, ahihang nang sia Cephas hong kina tu hi,” ci hi. (Cephas ii khiakna sia Peter ma hi a, “suangpi khat” a cinopna hi.)

John 1:42 Iomraidhean Croise

2 Kumpite 5:4

Naaman in hi thu a zaak ciang kumpipa kungah pai in, numeino ii pauna teng son hi.

Matthew 10:2

Nungzui sawm le nii teng sia hi teng ahi hi; a masa phit in Simon (Peter zongh kici) le a suapuipa Andrew, Zebedee ii tate James le a suapuipa John;

Mark 3:16

Sawm le nii a teal teng sia hi teng ahi hi, Simon (Jesus in Peter ci in min a piak sia),

Luke 5:8

Simon Peter in bang thu teng piang, ci in a mu ciangin, Jesus mai ah, ama khupdin in, “Topa awng, kei kung pan kiheam in! Kei sia mimawpa khi hi!” ci hi.

Luke 6:14

Simon (Peter ci in min vaw hi) le a suapuipa Andrew; James le John, Philip le Bartholomew,

John 13:18

“Na vekpi atu ka sonna hi ngawl hi; ka teal sate keima in ka he hi. Ahihang laithiangtho sungah, ‘Kei taw ankuang uumkhawmpa in kei hong langpan hi,’ a ci sia a tun kul tu hi.

John 21:2

Simon Peter, Thomas (apeang a kici), Nathanael (Galilee ngam Cana khua mi) Zebedee ii tapate, Jesus ii nungzui dangte nii sia kikhawmtua uh hi.

John 4:16

Jesus in, “Pai in, na pasal sam ta'n, tuaciang hong pai kik ta'n,” ci hi.

1 Corinth te 1:12

Kong cinopna pan, note khat simin thu tuatuam son nu hi. Khat in “Kei sia Paul ii nungzui ka hi hi,” ci a; a dang khat in, “Kei sia Apollos ii nungzui ka hi hi,” ci a; a dangkhat in, “Kei sia Peter ii nungzui ka hi hi,” ci a; tuaciang a dangkhat in, “Keima sia Christ ii nungzui ka hi hi,” na ci uh hi.

1 Corinth te 15:5

ama in Peter kungah kilak a, tua zawkciang sawltak sawm le nii teng kungah kilak hi.

1 Corinth te 3:22

Paul, Apollos le Peter; hi leitung, nuntakna le thina, tu hun le maisang hun — hite theampo noma aa ahi hi,

1 Corinth te 9:5

Sawltak dangte, Topa suapuite le Peter ettee in, ka khualhaw ciang ka kitholpui tu Tapidaw zi khat nei thei natu thu om hi ngawl ziam?

Galatia te 1:18

Tua zawk kum thum ciangin Peter tung pan thu za tu in Jerusalem ah ka pai a, nipi nii sung, ama kungah ka taam hi.

Galatia te 2:11

Ahihang Antioch ah Peter hong pai ciangin, mihon mai ah ama ka nalh hi, banghang ziam cile ama in khial citak ma in khial hi.

Galatia te 2:9

Lampui ahi tuak James, Peter le John te in Pathian ii hi nasep tuam hong piakna hong heakpui hi; tua ahikom amate in Barnabas le kei hong nukset a, tuasia in ei teng maapang khawm tek tu ci in limlakna ahi hi. Barnabas le kei sia Gentile te sungah seam tu a, amate sia Jew te sungah seam tu in ka thukim uh hi.