John 1:4 - Syin Chin Bible

⁴ Tua Kammal in nuntakna ii naak ahi hi. Tuaciang hi nuntakna in mihing a minpiang atu in khuavak hong puak hi.

John 1:4 Iomraidhean Croise

Psalm Late 49:6

A hauna uh muangin a neisate uh a kiphatsakpui mihing ngilote in hong kiim uum hangin ka kiita buatu hi.

Psalm Late 84:11

Topa in ei hong sungsia pa le a minthang kumpipa hi a, ama in cikna le minphatna taw eite thupha hong pia hi. A maan a seamte tungah ama in naphate khat zongh a haza bua hi.

Isaiah 42:16

“Mittaw ka mite sia amate tot ngeingawl lampite ah lam ka pui tu hi. Amate khuazing sia khuavak suaksakin a hamna mun sia amate mai ah ka nealsak tu hi. Hite sia ka kamciamte hi a, peal ngawlin ka taangtungsak tu hi.

Malachi 4:2

Ahihang kei thu hong ni note tungah kong ngupna vaangletna sia ni bangin hong suak tu a, nizangte bangin damna hong puak tu hi. Ngankhawk khat sung pan a kitha khuinote bangin suakta in lungdam tu nu hi.

Matthew 4:16

Khuazing sungah a teang mihingte in, Khuavak taang lian mama khat mu tu hi. Thina khuazing ngamsung a teangte tungah khuavak a taang tu hi.”

Luke 2:32

Gentile te tungah na deina a kipualaak natu le na minam Israel mite tungah minthanna a puak khuavak khat na hi hi.” ci hi.

John 11:25

Tua nu munah Jesus in, “Keima in thawkikna le nuntakna ka hi hi. Kei hong um peuma a thi zongin a nungta tu hi;

John 12:35

Jesus in zo kik a, “Khuavak sia no sungah tawmvei hong om lai tu hi. Khuazing sia no tungah hong thet man ngawl natu in, khuavak na nei uh laitakin, na paina lampi ah paisuak tavun; banghang ziam cile khuazing sungah a pai khat in a zot natu mun a he bua hi.

John 12:46

Kei hong um peuma khuazing sungah a omcip ngawl natu in leitung ah khuavak bangin kong pai zo hi.

John 14:6

Jesus in, “Keima in lampi ka hi hi, thumaan thutak ka hi hi, nuntakna ka hi hi; kei taw ngawlin kuama in Pa kung a theng buatu hi.

John 3:19

Hisia in thukhenzia hi: khuavak sia leitung ah hong pai zo hi, ahihang mihingte in, khuavak sangin khuazing deizaw uh hi, banghang ziam cile amate ii ngamtatnate sia hi.

John 5:21

Pa in mithite thosak a, nuntakna a piak bangma Tapa in a piak nopte tungah nuntakna pia hi.

John 5:26

Pa mama in nuntakna ii naak ahi bangma ama Tapa zongh nuntakna ii naak suaksak zo hi.

John 8:12

Jesus in Phariseete tungah, “Keima in leitung khuavak ka hi hi. Kei hong zuite peuma in nuntakna khuavak nei tu a, khuazing sungah a vak ngei buatu hi,” ci hi.

John 9:5

Leitung ah ka om laiteng, leitung atu in khuavak ka hi hi,” ci in zo hi.

Sawltakte 26:23

Jew te le Gentile te tungah ngupna khuavak thu thangsak tu in, Messiah in hong thuak kul tu a, thina panin a tho kik phitbel ahi tu hi, ci sia thu ahi hi,” ci hi.

1 Corinth te 15:45

Banghang ziam cile laithiangtho in “Mihing masabel Adam sia nuntakna a nei mihing in kibitphua hi,” ci hi; ahihang a khakbel Adam sia nuntakna a pia Thaa ahi hi.

Ephesus te 5:14

banghang ziam cile a thiang takin a kilangh na khat pawpo sia khuavak suak hi. Tua hu in hi bangin kici hi; “A mutthippa awng, khanglo in, tuaciang thina pan tho in, tua hile Christ sia nang tungah hong taang tu hi.”

Colossae te 3:4

Na nuntakna tatak uh sia Christ hi a, tuaciang ama hong kilangh ciangin note zongh ama taw na kilangh khawm tu uh a, ama ii vaangletna na siim tu uh hi!

1 John 1:1

A kipatciil pan a omsa, nuntakna Kammal huvau note tungah lai kong thaak hi. Tua thu ka za zo uh a, ka mit taw ka mu zo uh hi; hi hi, mu zo khu hi, ka khut uh taw tham zo khu hi.

1 John 1:2

Hi nuntakna sia a kimu thei in hong kilangh ciang, kote in ka mu uh hi; tua ahikom tua thu ka son uh hi, tuaciang koma hong heaksak ahi, Pa taw a omkhawm, tua tawntung nuntakna thu sia no tung zongh ah kong son uh hi.

1 John 5:11

Tua tetti in hi sia hi: Pathian in eite tawntung nuntakna hong pia zo a, hi nuntakna ii a naak sia a Tapa ahi hi.

Thupualaakna 22:1

Vantunglalang in, Pathian le Tuuno kumpi tokhum kung pan hong luang suk, crystal suang bangin a tee vakil nuntakna nguntui sia hong lak a,

Thupualaakna 22:16

“Keima Jesus in, hi thute pawlpi sung note tungah a thangsak tu in ka vantunglalang kong paisak zo hi. Kei sia David ii zung le a suan ka hi hi; keima in nikonghong aksi taang sia ka hi hi,” ci hi.