John 1:34 - Syin Chin Bible

³⁴ Tuasia mu zo khi hi, tuaciangin ama sia Pathian Tapa hi ci in hong son khi hi,” John in ci hi.

John 1:34 Iomraidhean Croise

Psalm Late 2:7

Kumpipa in “Topa thu khensatna son tu khi hi,” ci hi. Ama in kei tungah hi bangin hong ci hi, “Nang sia ka tapa na hi hi, tuni in na pa ka suak zo hi.”

Matthew 11:27

“Ka Pa in na theampo kei hong pia zo hi. Pa simngawl kuama in Tapa a tel zo bua a, Tapa le Tapa ii a telsak nop a teal mihingte simngawl kuama in Pa a tel bua hi.

Matthew 16:16

Simon Peter in zo a, “Nang sia Messiah, a nungta Pathian Tapa na hi hi,” ci hi.

Matthew 17:5

Tuabangin a pau laitakin, a taang meeikaai khat in amate teng tuam a tuaciangin meeikaai sung panin awnging khat in, “Hi sia in ka it ka Tapa hi a, ama tungah ka lungkim hi; a thu na ngai tavun,” ci hi.

Matthew 26:63

Ahihang Jesus a huthe bua hi. Khatvei ma Thiampi Lianbelpa in ama tungah, “A nungta Pathian min taw nang sia kiciamna hong vawtsak khi hi: Pathian Tapa Messiah na hi ziam, hong son ta'n,” ci hi.

Matthew 27:40

“Biakinn baltham in ni thum zawkciang a sa kik tu pa, Pathian Tapa na hile, nangma le nangma kihun in! Thinglamtee tung pan hong tuaksuk ta'n,” ci uh hi.

Matthew 27:43

Ama in Pathian muang a, Pathian Tapa ka hi ci hi. Tua ahile Pathian in tu in a hunnuam ziam en tawng!” ci uh hi.

Matthew 27:54

Ngalkap hon ukpa le Jesus a cing ngalkapte in zinliing le thupiang dang theampo a mu uh ciang, lau mama a, “Ama sia Pathian Tapa tatak hi!” ci uh hi.

Matthew 3:17

Tuaciang van panin aw khat in, “Hisia in ka it ka Tapa hi a, ama tungah ka lungkim hi,” ci hi.

Matthew 4:3

Tuasia ciang Doaimangpa hong pai a, “Pathian Tapa na hi le suang hite anluum suaksak in,” ci hi.

Matthew 4:6

“Pathian Tapa na hile nangma le nangma kitaaksuksak in, banghang ziam cile laithiangtho in ci hi, ‘Pathian in a vantunglalangte nang huvau in sawl tu a, na peang beak zongh suang taw a kisutha ngawl natu in, a khut taw hong domto tu hi.’ ” ci hi.

Matthew 8:29

Thakhatin amate cik-au uh a, “Nang Pathian Tapa awng, ko bang hong law nuam ni ziam? A hun hong thet ma in, daan pia tu in hong pai ni ziam?” ci uh hi.

Mark 1:1

Hi thu in Pathian Tapa Jesus Christ Lungdamna Thupha ahi hi.

Mark 1:11

Vantung panin aw khat nging a, “Nang sia ka it ka Tapa na hi hi. Nang tungah ka lungkim hi,” ci hi.

Luke 1:35

Vantunglalang in, “Nang tungah Thaa Thiangtho hong om tu a, Pathian ii vaangletna in nang hong uap tu hi. Hi thu hu in, patang thiangtho sia Pathian Tapa kici tu hi.

Luke 3:22

Thaa Thiangtho sia a kimu thei pumpi taw ngam vakhu bangin a tungah hong tu hi. Tuaciang aw khat van panin hong nging a, “Nang sia ka it ka Tapa na hi hi. Nang tungah ka lungkim hi,” ci hi.

John 1:18

Kuama in Pathian mu ngeingawl hi. Pa kungah a om, Pathian ma ahi, Tapa khat bek in Pathian hong hesak hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

John 10:30

Pa le keima in pumkhat ka hi uh hi,” ci in zo hi.

John 10:36

Kei ka hile Pa in hong teal a, leitung ah hong paisak hi. Tua ahile, Pathian Tapa khi hi ka ci ciang, bangbangin Pathian zawnsakna kam pau hi hong ci thei nu ziam?

John 11:27

Ama in, “Um khi hi, Topa awng! Leitung ah hong pai tu, Pathian Tapa Messiah na hi sia hong um khi hi,” ci in zo hi.

John 19:7

Mihon in zo kik a, “Ama in Pathian Tapa ka hi ci ahikom thidaan piak tu in kilawm hi a ci thukham khat nei khu hi,” ci uh hi.

John 20:28

Thomas in, “Ka Topa le ka Pathian awng!” ci in zo hi.

John 20:31

Ahihang hite hong ki atna sia Jesus in Pathian Tapa Messiah a hina thu, na up natu uh le ama na upna uh tungtawnin, nuntakna na nga thei natu uh ahi hi.

John 6:69

Tuaciangin nang sia Pathian kung pan hong pai, a Thiangtho Pa na hi hunlam tu in kong he uh a, kong um uh hi,” ci in zo hi.

Romete 1:4

Pathian pianzia taw ci leang thina panin a lian vaangletna taw a kithawsak kikna in Pathian Tapa a hina kilanghsak hi.

2 Corinth te 1:19

Banghang ziam cile Silas, Timothy le keima ii kong hil Pathian Tapa Jesus Christ sia “hi” le “hi bo” ci khop tu hi ngawl hi; ama sia Pathian ii “Hi” a cisia pa ahi zaw hi;

Hebrew te 7:3

Melchizedek ii pa ahizong a nu ahizong a taanghpupite min ahizong a kiciamtee mun om ngawl hi. A suana ahizong a thina ahizong tepteena om ngawl hi. Ama sia Pathian Tapa bang ahi hi. Ama in a tawntungin thiampi hi top hi.

1 John 2:23

Banghang ziam cile Tapa a nial pawpo in Pa zongh nial hi. Tapa a saang pawpo in Pa zongh nei hi.

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.

1 John 4:9

Tuaciang ama tungtawnin nuntakna ih nga thei natu in Tapa khat bek a nei sia leitung ah hong paisakna taw, Pathian in eite hong itna hong lak hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.

2 John 1:9

Christ ii hilcianna sungah om nuam ngawlin, a pai khial pawpo in Pathian a nei bua hi. Hilcianna sungah a kip peuma in Pa le Tapa nei khawm uh hi.

Thupualaakna 2:18

“Thyatira pawlpi ii kamtai vantunglalang tungah hi bangin at in: “Hisia in, a mittangte meikuang bang hi a, a peangte taau nawtthiang bang ahi Pathian Tapa ii hong kam vaithak ahi hi.