John 1:3 - Syin Chin Bible

³ Ama tungtawnin Pathian in na theampo piangsak hi; a kibitphua theampo ama ngawl taw a kipiangsak na khat beak a om bua hi.

John 1:3 Iomraidhean Croise

Pianciilna 1:1

A kipatciilin Pathian in vaannuai bup bitphua hi,

Pianciilna 1:26

Tua zawkciang Pathian in, “Tu in eite in mihing ih vawt tu hi, amate sia eima taw kibang tu a hong suun tu hi. Amate in, ngasa, vacim le innsa ngamsa, a lian a note tungah vaang nei tu hi,” ci hi.

Psalm Late 102:25

khuangeipi lai in nangma in leitung na bitphua a, nangma khut mama taw vantungte na vawt hi.

Psalm Late 33:6

Topa in a thupiakna taw vantungte bitphua hi, ni, tha le aksite a kammal taw piangsak hi.

Paunakte 8:30

Keima in ama kungah inn limsuaithiamte bangin ka om hi, kei sia ni simin ama ii lungdamna naak ka hi hi, tuaciang ama taw ka om sia nuam ka sa tawntung hi,

Isaiah 45:12

Keima in leitung a vawtpa le tua tungah a teang tu minam a bitphuapa ka hi hi. Ka vaangletna taw vantungte ka phalhkeak a; ni, tha le aksite ka uk hi.

Isaiah 45:18

Topa in vantungte bitphua a — ama sia Pathian ahi hi! Ama in leitung lemh in vawt a — a kip a kho suaksak hi. Ama in leitung a awngthong ngamkol khatin vawt ngawl a, mihing teenna mun tu in piangsak hi. “Keima in Topa ka hi a, Pathian dang om ngawl hi,

John 1:10

Kammal in leitung ah om a, Pathian in leitung sia ama tungtawnin piangsak hi napi, leitung in ama a he bua hi.

John 1:2

A kipatciil lai mama panin Kammal in Pathian taw a omsa ahi hi.

1 Corinth te 8:6

eite atu in Pa ahi Pathian khat bek om hi, ama sia na theampo a Bitphuapa hi a, ama atu in eite a nungta ih hi hi; tuaciangin Topa khat bek ahi Jesus Christ om a, ama tungtawnin na theampo kibitphua a, ama tungtawnin eite ih nungta hi.

Ephesus te 3:9

tuaciang mihing theampo in, koi bangin Pathian thuku sia kiseam thei tu ziam ci in a mu thei natu in hong seamsak hi. Vantung ngam ah vantunglalang a ukte le vaangletna a neite ii, Pathian ii ciimna a tuatuamte, tu hun sungah pawlpi tungtawnin a heak thei natu in, na theampo a bitphua Pathian in a thuku sia a bosa khang hunte sungah seal top hi.

Hebrew te 11:3

Vaannuai bup sia Pathian kammal taw kibitphua a, a kimu thei nate sia a kimu thei ngawl nate panin, kivawt hi ci in upna taw ih tel hi.

1 John 5:1

Jesus sia Messiah hi ci a, a um pawpo sia Pathian ii ta khat ahi hi; tuaciang pa a it khat in a tapa zongh a it hi.

Thupualaakna 3:14

“Laodicea pawlpi ii vantunglalang tungah hi bangin lai at in: “Hisia in Pathian ii bitphua sa theampo ii pian kipatna, a maan tetti, a thumaan Amen ii hong kam vaithak ahi hi.

Thupualaakna 4:11

“Ka Topa le ka Pathian! Minthanna, upatna le vaangletna saang tu in na kilawm hi. Banghang ziam cile nangma in na theampo na bitphua hi, tuaciangin nangma deina taw amate tungah pianna le nuntakna na pia hi,” ci uh hi.