John 1:18 - Syin Chin Bible

¹⁸ Kuama in Pathian mu ngeingawl hi. Pa kungah a om, Pathian ma ahi, Tapa khat bek in Pathian hong hesak hi.

John 1:18 Iomraidhean Croise

Pianciilna 16:13

Tuaciang Hagar in, “Pathian a mu tatak khi ziam, tua thu son tu in nungta lai khi ziam?,” ci in ama le ama kidongh hi. Tua ahikom ama a paupui Topa sia, “Hong Mu Pathian khat” ci hi

Pianciilna 18:33

Abraham taw a thu son tu teng a man zawkciang, Topa paisuak a, Abraham sia inn ah cia kik hi.

Pusuana 23:21

Ama thudon in, a thu ni tavun. Ama leedo heak vun, banghang ziam cile keima sawl hi a, tuabang leedona sia hong maisak ngawl tu hi.

Pusuana 24:10

amate in Israel te ii Pathian mu uh hi. A peang nuai ah vancii bang ahi, sapphire suangpheak khat taw a kibang om hi.

Paunakte 8:30

Keima in ama kungah inn limsuaithiamte bangin ka om hi, kei sia ni simin ama ii lungdamna naak ka hi hi, tuaciang ama taw ka om sia nuam ka sa tawntung hi,

Isaiah 40:11

Tuucing pa khat taw kibangin ama in a tuuhon keamcing tu hi; ama in tuunote kaikhawmin a baan ah toai a, tuate ii puite dam takin paipui tu hi.

Kaa late 2:12

Amate ngilkial dangtaak in a nute kaa uh hi. Amate sia a liamte bang phetin lampi ah puk uh a, Tuaciang a nute ii kaang sungah dadam in thi uh hi.

Mi Simna 12:8

Tua ahikom ama taw kimaingat in kam soaiheamte zangh ngawlin thiang takin ka paupui hi; a ma in ka pianlim ngawngawn hong mu hi! Ka naseampa Moses langpanin bangbang pau ngam nu ziam?” ci hi.

Matthew 11:27

“Ka Pa in na theampo kei hong pia zo hi. Pa simngawl kuama in Tapa a tel zo bua a, Tapa le Tapa ii a telsak nop a teal mihingte simngawl kuama in Pa a tel bua hi.

Luke 10:22

“Ka pa in na theampo kei hong pia zo hi. Tapa akua ziam ci sia Pa simngawl kuama in a he bua hi, tuaciang Pa akua ziam ci sia Tapa le Tapa ii heaksak tu in a tealte ngawl po in a he bua hi,” ci hi.

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

John 12:41

Isaiah ii hi bangin a ci sia Jesus ii vaangletna mu a, ama huvau a son hang ahi hi.

John 13:23

Jesus ii it nungzui khat sia Jesus taw a kicial in to hi.

John 14:9

Jesus in, “No teng taw khuangei mama hong omkhawm zo khi hi; tua hi napi Philip awng, hong he ngawl lai ni ziam? Kei hong mu po in Pa a mu zo hi. Tua ahile banghangin ‘Ko, Pa hong lak tan’ ci ni ziam?

John 17:26

Kei nong itna amate sungah a om thei natu le amate sungah kei zongh ka om thei natu in, nang sia amate in ka hesak zo a, tuabang ma in ka seam suak lai tu hi,” ci hi.

John 17:6

“Leitung pan a nong piaksa mite kungah nangma kong hesak zo hi. Amate nangma neisa hi a, amate kei nong pia zo hi. Amate in na kammal hong ni hi,

John 3:11

Keima in nang tungah thumaan hong son khi hi: ka heak uhte kong son a, ka mu uhte hong ko khu hi, tua hi napi kuama in ko ii thupuak sia saang nuam ngawl nu hi.

John 6:46

Hisia ka ci ciang, khat po in, Pa mu ngei hi, cinopna hi ngawl hi; Pathian kung panin, hong pai sia bek in Pa mu ngei hi.

2 Corinth te 4:4

Hi leitung pathian ngilopa in amate thinsung sia khuazing sungah keamcip ahikom um ngawl uh hi. Pathian taw a kibang linlian Christ ii minthanna huvau tua Lungdamna Thupha pan hong pai, amate tungah hong taang khuavak a mu thei ngawl natu in ama in vawt hi.

Thuhil kikna 4:12

Tua mei sung pan Topa in hong paupui ciang, a paunate za a, ahizong ama lim le meal na mu ngawlna thu zongh son tavun.

Colossae te 1:15

Christ sia mu thei ngawl Pathian ii pianzia muna ahi hi. Ama sia bitphua sa theampo sung pan Tapa upabel ahi hi.

1 Timothy 1:17

Ama bek Pathian ahi a thi thei ngawl, a kimu thei ngawl Tawntung Kumpipa tungah patoaina le minthanna a tawntung a tawntungin om tahen! Amen.

1 Timothy 6:16

Ama bek thi maw a; kuama in a nai a neak thei ngawlna khuavak sungah teang hi. Kuama in ama mu ngeingawl a; kuama in ama mu thei ngeingawl tu hi. Ama ii tungah zatakna le tawntung ukzawkna om tahen! Amen.

Joshua 5:13

Joshua sia Jericho nai ah a om lai in pasal khat namsau toai in ama mai ah a ding sia thakhat thu in mu hi. Joshua sia ama kungah paito a, “Nang sia ko ii ngalkap khat ni ziam maw ka ngal ni ziam?” ci in dongh hi.

1 John 4:12

Kuama in Pathian mu ngeingawl hi, ahihang eite khat le khat ih ki it le, Pathian sia ei taw pumkhat in hong omkhawm a, tuaciang ama ii itna ei sungah hong cialcingsak hi.

1 John 4:20

Khat po in Pathian ka it hi ci napi in a suapuite a ensan le ama sia leilot thusonpa ahi hi. Banghang ziam cile a mu thei a suapuite a it buale a mu thei ngawl Pathian a it thei buatu hi.

1 John 4:9

Tuaciang ama tungtawnin nuntakna ih nga thei natu in Tapa khat bek a nei sia leitung ah hong paisakna taw, Pathian in eite hong itna hong lak hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.