John 1:16 - Syin Chin Bible

¹⁶ A kidimin a om, ama ii thuthiamna sung panin, ei theampo thupha hong pia zo a, thupha khat zawkciang khat hong piak ahi hi.

John 1:16 Iomraidhean Croise

Psalm Late 84:7

Amate a papai uh ciang, hat vaial a, amate in pathiante ii Pathian sia Zion mual tungah a mu tu uh hi.

Zechariah 4:7

Mualte za in a lian hong khak hong hal haksatnate na mai panin mang tu hi. Biakinnpi na sa kik tu hi, tuaciang suang khakbel sia a om natu sanah na cian ciang mite in ‘Hoi hi, Hoi hi!’ ci in au tu uh hi,” ama in ci hi.

Matthew 13:12

Banghang ziam cile neisa khat po a nei kholte tungah kipia thua tu hi, tam seseam a nei natu in, kipia thua tu hi; ahihang bangma a nei ngawl khat tung panin a nei sun teng zongh, kilaaksak tu hi.

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Matthew 3:14

Ahihang John in ama tho tu in kithoai a, “Kei sia nangma ii nong tuiphum tu hizaw napi, kei kungah nang hong paizaw ni ziam?” ci hi.

Luke 21:15

banghang ziam cile na ngalte ii hong nial thei ngawl natu le hong nalh thei ngawl natu in, kammalte le ciimnate kong pia tu hi.

John 3:34

Pathian ii sawlpa in, Pathian ii kammalte pau hi, banghang ziam cile Pathian in ama Thaa taw kidimsak hi.

Romete 5:17

Mihing khat ii mawna tungtawnin thina in hong uk hi. Ahihang Jesus Christ a kici mihing khat ii sepna taw kizui in bangza in a lianzaw thu piang ziam! Pathian ii a kicing thuthiamna le man nei ngawl a hong piak thutang suana a saangte in Christ tungtawnin a ngualzo nuntakna nga tu hi.

Romete 5:2

Tu laitak a ih dinmun ahi Pathian ii thuthiamna sung a theng tu in upna tungtawnin ama in tua munah hong then hi. Tua ahikom eite in Pathian minthanna ih siim natu lametna ih nei hu in ih kisuangtaak hi!

Romete 5:20

Mawna ngamtatna a khanto vaial natu in thukham kipia hi, ahihang mawna a khantona munah, Pathian ii thuthiamna khangto seseam hi.

Romete 8:9

Ahihang note in mihing pianzia ii hong sawl bangin na nungta bua uh hi; Pathian Thaa note sungah hong nungta takpi ma ahi nale — Thaa ii sawl bangin na nungta uh hi. A kuama po Christ ii Thaa a nei ngawl sia in, Christ ii neisa ahi bua hi.

Ephesus te 1:23

Pawlpi in Christ ii pumpi hi a, kicinna ahi ama mama in mun theampo ah na theampo khuangkhim hi.

Ephesus te 3:19

Christ hong itna a kicing takin, kihe thei ngeingawl tu ahitazong, ama hong itna he thei in, Pathianzia mama taw na kidim sitset natu in, thu ka ngen hi.

Colossae te 1:19

Banghang ziam cile Pathian ii khensatna om bangin Tapa in Pathian ii zia theampo nei hi.

Colossae te 2:3

Pathian ciimna le heakna a kiphualseal sumngum theampo a kihonna tawtang sia ama ahi hi.

1 Peter 1:11

Amate in tua thu sia bang hun ciang tung tu a, bangbang hong pai tu ziam cisia, heak tu in hanciam uh hi. Tua hun sia Christ in ngim thuak tu a, tua zawkciang minthanna taw kizom tu hi ci in amate sung a, a om Christ Thaa ii a sonkholna taw a lak hun sia ahi hi.

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.