John 1:15 - Syin Chin Bible

¹⁵ John in ama huvau son hi. Ama in, “Hisia pa sia a thu ka sawson pa hi a, ‘Kei nung pan hong pai hi, ahihang kei sangin lianzaw hi, banghang ziam cile kei ii pian ma in ama om zo hi,’ ka ci sia ahi hi,” ci in au hi.

John 1:15 Iomraidhean Croise

Paunakte 8:22

“Topa in a masa phitbel in kei hong bitphua a, khuangeipi lai in a nasep phitbel ka hi hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Mark 1:7

Mihingte ii munah, ama in, “Kei nung pan hong pai lai tu pa sia kei sangin lianzaw pek hi. Kunin a peangdap khau suut tu zongh in ka kilawm bua hi.

Luke 3:16

Tua ahikom John in amate tungah, “Kei ka hile tui taw tui kong phum hi, ahihang kei sangin a lian zaw pek khat hong pai lai tu hi. Ama ii peangdap khau suut tu zongh in ka kilawm bua hi. Ama in Thaa Thiangtho le meikuang taw hong baptize tu hi.

John 1:27

Ama sia kei nung panin hong pai ahihang ama peangdap suut tu zong ka kilawm bua hi,” ci in John in zo hi.

John 17:5

Pa awng! simlei pian ma a nangma taw a kibangin ih nei khop tua minthanna sia, tu in na mai ah kei hong pia ta'n.

John 8:58

A maan takin kong ci hi, “Abraham pian ma in, ‘Keima’ ka om zo hi,” ci in Jesus in zo kik hi.

Colossae te 1:17

Christ sia tuate theampo om ma in om a, ama taw kikopin a omna mun tu tek ah om uh hi.

Hebrew te 13:8

Jesus Christ sia zeini, tuni le a tawntungin a kibang ahi hi.

Thupualaakna 1:11

Tuasia in, “Na mu teng at in a, a laibu sia hi pawlpite omna khuapi sali ahi: Ephesus, Smyrna, Pergamum, Thyatira, Sardis, Philadelphia, Laodicea te tungah thaak in,” ci hi.

Thupualaakna 2:8

“Smyrna khua pawlpi ii kamtai vantunglalang tungah hi bangin at in: “Hisia in a masa phitbel le a khakbel ahi, a thisa a nungta kikpa tung pan kam hong vaithak hi.