John 1:13 - Syin Chin Bible

¹³ Amate leitung pianziate taw Pathian ii tate a suak hi ngawl hi, cinopna in, pa khat ii hin tate bangin a piang ahi bua hi; Pathian mama sia amate ii Pa ahi hi.

John 1:13 Iomraidhean Croise

Pianciilna 25:22

Ama in naupeang nei tu a, a sua ma in a naubu sungah amate khat le khat kihau hi. Ama in, “Banghangin kei tungah hi bang thu hong piang thong ziam?” ci hi. Tua ahiciang ama in Topa kungah pai in, ahang dongh hi.

Pianciilna 25:28

Isaac in Esau ii a samatte ii sa nene ahikom Esau diksa zaw a, ahizong Rebecca in Jacob diksa zaw hi.

Pianciilna 27:33

Tuaciang Isaac a ci liing ngawpin, a pumpi bup ngawk a, ama in, “Tua ahile, ngamsa khat kaplumin kei kungah hong paipui sia akua ziam? Nang nong thet mahiat in ka ne hi. Ama tungah ka thupha khakbel ka pia zo a, tua ahikom a tawntungin ama aa hi zo hi,” ci hi.

Pianciilna 27:4

Ka du ngei anlim tawm hong huan ta'n a, hong paipui ta'n. Tuasia ka neak zawkciang, ka thi ma in, ka thupha khakbel nang kong pia tu hi,” ci hi.

Psalm Late 110:3

Na ngalte na sim ni ciangin na mite in amate uuk thu in nang hong pawm tu hi. Zingsang tuung daaitui bangin na khangnote in nang kung mual thiangthote tungah hong pai tu hi.

Matthew 3:9

Na taanghpupi Abraham suan le paalte na hi uh hu in, daan thuak natu pan suakta tu in, kimuangmaw heak vun. No tungah hong ci khi hi, Pathian in hi suangte zongh la in Abraham suan le paalte suaksak thei hi!

John 3:3

Jesus in, “Thumaan hong son khi hi: niivei a suak kik buale, kuama in Pathian Ngam mu thei ngawl tu hi,” ci in zo hi.

1 Corinth te 3:6

Kei in thaicii ka poai a, Apollos in a kung tuibuak in, ahihang a khangtosak sia Pathian ahi hi.

Philippi te 2:13

banghang ziam cile ama deina na zui thei natu le na uuk natu in Pathian sia a tawntung na sung uh ah na hong seam hi.

Titus 3:5

ama in ei hong ngum hi. Tua in eite ii naphate ih sep hang hi ngawl a, pianthakna le nuntakna thak hong pia Thaa Thiangtho tungtawnin, ama hong hesuakna taw hong ngup ahi hi.

James 1:18

Ama ii piansaknate theampo sung pan a thupibel ih sua thei natu in, thumaan kammal tungtawnin, ama ii deina om babangin eite hong piangsak hi.

1 Peter 1:23

Banghang ziam cile a nungta tawntung Pathian kammal tungtawnin, a thi maw a nungta tawntung nu le pa khat ii tate bangin, na piangthak zo uh hi.

1 Peter 1:3

Topa Jesus Christ ii Pa le Pathian tungah lungdamko tawng! Hong hesuakna lian ahikomin, Jesus Christ sia thina pan a thawsak kikna taw nuntakna thak eite hong pia hi. Hi sia in a nungta lametna taw hong dimh hi,

1 Peter 2:2

Nausen suaktuungte bangin a thiangtho thaa noaitui tatak du tawntung tavun, tuabang a na neakna taw in na khangto tu uh a, ngupna na nga tu uh hi.

1 John 3:9

Pathian ta ahi peuma sia mawna vawt a zom suak bua hi, banghang ziam cile Pathian pianzia mama ama sungah om hi; tuaciangin Pathian sia ama Pa hi zo ahikom mawna vawt a zomsuak thei bua hi.

1 John 4:7

Ka it lawmte awng, eite khat le khat ki it tawng, banghang ziam cile itna in Pathian kung pan hong pai hi. Ngual a it thei pawpo sia Pathian ta hi a, Pathian he hi.

1 John 5:1

Jesus sia Messiah hi ci a, a um pawpo sia Pathian ii ta khat ahi hi; tuaciang pa a it khat in a tapa zongh a it hi.

1 John 5:18

Pathian ii tate kuama in mawna vawt tan viuveu ngawl hi ci in ih he hi, banghang ziam cile Pathian ii Tapa in ama keamcing a, Ngilopa in a susia thei bua hi.

1 John 5:4

banghang ziam cile Pathian ii tate khat simin leitung zothal thei hi. Tuaciang ih upna taw leitung zawna ih nga hi.