John 1:11 - Syin Chin Bible

¹¹ Ama in ama ii ngamsung ma a hong pai ahihang a mite in ama a saang bua uh hi.

John 1:11 Iomraidhean Croise

Matthew 15:24

Tuaciang Jesus in, “Kei sia tuu mangthang Israel mite mun bek ah hong kipaisak hi,” ci hi.

Luke 19:14

Tu in a ngammite in ama ensan uh a, kamtaite in delsak a, ‘Ko hisia pa ka kumpi tu in dei ngawl khu hi,’ cisak uh hi.

John 1:10

Kammal in leitung ah om a, Pathian in leitung sia ama tungtawnin piangsak hi napi, leitung in ama a he bua hi.

John 1:12

Ahizong pawlkhat in ama saangin um uh hi; tua ahikom ama in tuate tungah Pathian ii tate sua thei natu thupia hi.

John 19:27

Tua zawkciang a nungzuipa munah, “Ama sia na nu hi,” ci hi. Tua hun pan kipan nungzuipa in, a inn ah teang tu in, ama la in ciapui hi.

John 3:32

Ama in a mu sate le a zaaksate son hi, ahihang ama ii thu hong puak sia kuama in saang ngawl hi.

Sawltakte 13:26

“Abraham suan Israel ka mipuite le, hi sungah Pathian a bia Gentile te theampo awng, hi ngupna thu ei tungah hong kipuak zo ahi hi!

Sawltakte 13:46

Ahihang Paul le Barnabas in, hang seseam in thuson uh hi: “Pathian thu, no kungah hong kihil maksak tu kisamh hi. Ahihang tuasia nialin tawntung nuntakna taw noma le noma kiphu na kisak ngawl uh hu in, no hong nusia in, Gentile te kungah pai tu khu hi,” ci hi.

Sawltakte 21:6

Tua zawkciang, khat le khat kivaitha in teambaw tungah ko ka kaa uh a, amate inn ah a cia kik uh hi.

Romete 15:8

Banghang ziam cile Pathian in thumaan a, amate ii pute pate tungah a kamciamte tungsak tu ahikom,

Romete 9:1

Thumaan ka son hi; Christ neisa ka hi a, ka leilot bua hi. Thaa Thiangtho ii a uk ka thinsung zongh in leilot ngawl ka hina hong telthiangsak hi.

Romete 9:5

Amate in khanglui Hebrew minthangte ii suan le paal te hi uh a, Christ ii mihing a hina taw amate ii minampui ahi hi. Na theampo a uk Pathian sia a tawntungin kipok tahen! Amen.

Galatia te 4:4

Ahihang a hun hong cin pepeet ciang, Pathian in a Tapa hong paisak hi. Ama sia mihing ahi leitung nu khat ii tapa bangin hong pai a, Jew te Thukham nuai ah nungta hi,