Joel 3:9 - Syin Chin Bible

⁹ “Minamte sungah hi thu thangsak vun: ‘Ngalsim tu in kithoai vun; na ngalhangte sam vun; na ngalkapte khawm vun a, kuan vun!

Joel 3:9 Iomraidhean Croise

Psalm Late 96:10

Minam theampo munah “Topa in kumpipa hi! Simlei sia kho takin kiphut a kikhiin thei ngawl hi; ama in mihingte thukhaikim taw thu tan tu hi” ci vun.

Isaiah 34:1

Minam theampo te awng, hong pai tavun! Hong kikhawm tavun a hong ngai tavun. Leitung buppi le leitung ah a teang mihingte theampo hi lai ah hong pai in thu ngai hen.

Jeremiah 31:10

Topa in, “Minamte awng, hong ngai tavun a, ka kammalte a khuala na tuipi vaalbo ah thangsak vun. Ka mite ka thethaang hi, ahihang amate ka kaikhawm tu a, tuucing pa in a tuuhon a cin bangin ka keam tu hi.

Jeremiah 50:2

“Minamte tungah hi thu son in! Hi thu thangsak in! Limlakna pia in a, a thu taangko in! Thuku in koi heak in! Babylon taak zo hi! A pathian Marduk kisemtham zo hi! Babylon ii milimte kimaizumsak zo hi; a kiihuai a milimte kisutham hi!

Jeremiah 51:11

Topa in Babylon suksiat tu a sawm hu in Media kumpite thawn zo hi. A Biakinnpi a suksiat hu in ama in hi bangin phulam tu ahi hi. Ngal a sim ngalkapmangte in, “Na thaltang hiamsak vun! Na lum uh la in kithoai vun!

Jeremiah 51:27

“Ngalsim natu in heaksakna lim pia vun! Minamte ii zaak thei tu in lemle tum vun! Babylon sim tu in minamte kithoaisak vun! Ngalsim tu in Ararat ngam, Minni ngam le Ashkenaz ngamte son vun. Ngalsim lampui tu in ngalkap mang khat see vun. Khaumaw honkhat bangin siphute keng vun.

Jeremiah 6:4

Amate in, “Jerusalem sim tu in kithoai vun! Kinging vun! Sunkim laitakin ih sim tu hi!” ci tu uh hi. Ahihang amate ma in, “Hai lei zo hing, ni tum dektak zo a, nitak limhte sau zo hi.

Ezekiel 38:17

Ka naseam Israel kamsaangte tungtawnin, a ni a hun hong thet ciang Israel te a sim tu khat kong puak tu hi ci a nidang pek pan ka taangko sia nangma na hi hi.” Vaanglianpipa Topa in son zo hi.

Ezekiel 38:7

Ama a kingin khol natu son in a, a thupiak bangin, a ngalkapte theampo kinging kholsa in omsak hen.

Micah 3:5

Sum a pia zote tungah kilemna om tu hi ci in kamciam pia a, ahihang a pia zo ngawlte tungah ngal om tu hi ci in a tawng kamsaangte ii theamna sia ka mite in thuak hi. Hi kamsaangte tungah Topa in,

Haggai 2:7

Minam theampo ka lawnthal tu a, amate sumngum theampo hi lai ah hong kipuak tu hi, tuaciang Biakinnpi in hauna taw kidim tu hi.

Zechariah 14:2

Topa in Jerusalem sim tu in minam theampo khawmtua tu hi. Khuapi kila in, innte kiphuul tu a, numeite buan in khialpui tu hi. Khua mite a lang sia sal in kipaipui tu a, a taanglai teng ahile khuapi pan kipaipui ngawl tu hi.

Zechariah 14:3

Tua zawkciang, nidang lai in a sim ngei bangma in Topa kuanin tua minamte sim tu hi.