Joel 3:6 - Syin Chin Bible

⁶ Judah le Jerusalem mite sia amate ngam pan a khuala mamana ah paipui in Greek te tungah na zuak uh hi.

Joel 3:6 Iomraidhean Croise

Ezekiel 27:13

Greece, Tubal le Meshech ah sum na vawt a, na vanh zuakte sia silate le taau vanhte thena in na nei hi.

Joel 3:3

Amate in a ngalmatte akua teng in nga tu ziam ci in, nuangtang lawnin khensat uh hi. Amate in pumpi zuakte a thapna le sapittui leina in, patangno le numeinote salin zuak uh hi.

Joel 3:8

Na tapate le na tanute Judah mite tungah ka zuaksak tu a; amate in a khualana Sabean te tungah zuaksawn tu hi. Keima Topa in ka ci zo hi.

Zechariah 9:13

Keima in Judah sia ngalkap khat ii thal bangin, Israel sia thaltangte bangin ka zangh tu hi. Greece mite do tu in Zion pasalte sia namsau khat bangin ka zangh tu hi,” ci hi.

Thuhil kikna 28:32

“Na tapate le na tanute na mu tangin ngamdang mite tungah salin kipia tu hi. Na tate hong cia kik tu en in ni simin na mit zung na liang ahihang a luithawthong hi tu hi.

Thuhil kikna 28:68

Ama in tua munah na pai kik ngei nawn buatu uh hi, hong cisa hikale Topa in teambawte taw Egypt ah hong puak kik tu hi. Tua munah sila in na ngalte tungah noma le noma na kizuak tu uh a, ahizong kuama in no hong lei nuam buatu hi,” ci hi.