Joel 3:19 - Syin Chin Bible

¹⁹ “Egypt ngam sia sennealngam khat suak tu a, Edom kisia in dui suak tu hi. Banghang ziam cile amate in Judah ngam simin mawbaang ngawl, a mite thatlum uh hi.

Joel 3:19 Iomraidhean Croise

Psalm Late 137:7

Topa awng, Jerusalem a kilaak ni in Edom te ngamtatna na phawk in. “A bul dongin sutham vun” a ci kikik uh sia na phawk in.

Isaiah 11:14

Amate in nitumna sangah a teang Philistine mite sim khawm tu a, nisuana sangah a teang mite do khawmin suttol tu uh hi. Amate in Edom le Moab mite zothal tu a, Ammon mite in amate thu ni tu uh hi.

Isaiah 11:15

Topa in Suez Tuidok kangsak tu a, tuaciang Euphrates ngun tui a kan natu in vuisa vasak hi, mi theampo ii a kaantan zawk tu in luino sali bek khe lai tu hi.

Jeremiah 49:17

Topa in, “Edom tungah a theng tu suksiatna sia nasia mama tu a, a kaantan theampo lau in ingh tu uh hi.

Jeremiah 51:35

Zion mite in, “Hong ngoltol vawtna hangin Babylon in mawpu tahen!” ci ta uh hen. Jerusalem mite in, “Koma ii thuakna hu in Babylon in mawsiat thuak tahen!” ci ta uh hen.

Kaa late 4:21

Edom le Uz mite awng, nui vun; na lungdam thei uh lai teng lungdam vun. Na tuasiat natu uh zongh hong tung tu hi; note zongh maizumna taw na pumnguakin na hoi vacit tu uh hi.

Obadiah 1:1

Hi sia in Obadiah ii kamsaanna — Edom ngam taw kisai Vaanglianpipa, Topa ii thusonte ahi hi. Topa in a kamtaipa minam tuatuamte kungah paisak zo a, tuaciang eite in ama ii thupiakna ih za zo hi: “Kithoai vun! Edom sim tu in kuan tek tawng!” ci hi.

Habakkuk 2:17

Lebanon taamthing na phuktham zo a; tu in nang hong kiphuk vawk tu hi. A ngamsate na that a, tu in tua ngamsate in hong lausak tu hi. Leitung le a khuapite tungah na ngongtatnate hang le tual na tha uh hang in tuabang in piang tu hi.

Zechariah 10:10

Egypt le Assyria panin amate inn ah ka ciapui tu a, amate ii mun le ngam ah ka teangsak tu hi. Amate Gilead le Lebanon zongh ah ka teangsak tu hi; ngam bup sia mihing taw kidim tu hi.

2 Thessalonica te 1:6

Pathian in a maan bangin seam tu hi: note hong thuaksakte tungah thuakna tungsak tu a,