Joel 3:17 - Syin Chin Bible

¹⁷ “Tuasia ciang Israel awng, keima in Topa na Pathian ka hi hunlam nong he tu uh hi. Ka mual thiangtho Zion tungah ka teang hi. Jerusalem sia khuapi thiangtho khat hi tu a; ngamdangte in tuasia zothal kik ngeingawl tu uh hi.

Joel 3:17 Iomraidhean Croise

Job 15:19

A ngam sungah ngamdangmi om ngawl hi; Pathian taw amate a kikhualasak tu kuama om ngawl hi.

Psalm Late 76:2

Jerusalem ah ama ii inn om hi; Zion Mual tungah teang hi.

Psalm Late 9:11

Zion pan a uk Topa tungah pokna lasa vun! Ama nasepnate minam theampo tungah son vun!

Pusuana 16:12

“Israel te hong phutsatna ka za zo hi. Khuangial ciang a neak tu sa a nga natu, zingsang ciang anluum a deiza a nga natu son in. Tuasia ciang Keima sia Topa, amate ii Pathian ka hina thu he tu uh hi,” ci hi.

Isaiah 11:9

Pathian ii mual thiangtho Zion tungah liamna baina, a sia a kha bangma om ngawl tu hi. Tuipite sia tui taw a kidim bangma in leitung sia Topa thu heakna taw kidim tu hi.

Isaiah 12:6

Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”

Isaiah 35:8

Tua munah, “Thianthona ii lampi” a kici lampi lian khat om tu hi. Mawneite kuama in tua lampi tawn nawn ngawl tu hi; tua lampi a tawnte sia a mawmawte zongh lam pial ngawl tu hi.

Isaiah 4:3

Jerusalem ah a taanglai, Pathian ii a nungta lai tu a tealsa theampo sia, a thiangtho kici tu hi.

Isaiah 46:13

Zaw natu ni, kong thengsak pal tu a — khuala nawn ngawl het tu hi. Zawna ka mualsuana kihaisaangsak ngawl tu hi. Jerusalem ka ngum tu a Israel te tua munah minphatna ka pia tu hi,” ci hi.

Isaiah 52:1

Jerusalem awng, thahat in a, lian kik in! Pathian ii a thiangtho khuapi awng, puan et hoi silh in! Pathian um ngawl mite na kongpite sungah tum kik ngei nawn ngawl tu uh hi.

Isaiah 56:7

“Biakna taw kisai ka mual thiangtho Zion ah kong paipui tu a, ka thungetna inn sungah kong thinnuamsak tu hi, ka biaknatau tungah nong piak biakpiaknate kong saang tu hi. Ka Biakinnpi sia minam theampo atu in thungetna inn kici tu hi,” ci hi.

Jeremiah 31:23

Vaanglianbelpa Topa Israel ii Pathian in, “Mihingte a ngam ka piak kik ciang, Judah ngamsung le a khuate sungah amate in, ‘Topa in Jerusalem mual thiangtho, ama teenna mun thiangtho sia, thupha pia tahen’ khatvei ma ci kik tu uh hi.

Jeremiah 31:40

Mithi phumna le ninteak vawkna leikuam buppi le Kidron lui tungsia ah lote theampo, nisuana sang Siphu Kongpi ciang dong, keima a tu in mun thiangtho hi tu hi. Khuapi sia kipheltham, kisusia kik ngei nawn ngawl tu hi,” ci hi.

Ezekiel 20:40

Tua ngamsung ka mual thiangtho Israel mual saang tungah no Israel mite theampo in kei nong bia tu uh hi. No tungah ka lungkim tu a, tuaciang sangaw biakpiakna a phabelte le a thiangtho letsongte nong paipui tu ka muangmaw tu hi.

Ezekiel 37:6

Thangui le sazangte ka pia tu a, vun taw ka tuam tu hi. Hu ka mop tu a, ka nungtasak kik tu hi. Tua hun ciang Topa ka hi hunlam na he tu uh hi,” ci hi.

Ezekiel 43:12

Hi thu sia Biakinnpi thukham ahi hi: Biakinnpi omna mualdawn le a kiimkot mun theampo sia ciliaphuai in thiangtho hi,” ci hi.

Ezekiel 44:9

“Keima, Vaanglianpipa Topa in vunteap at ngawl ngamdangmi, ka thu hong ni ngawl peuma, Israel mite taw a teang khawm ngamdangmi khat ngawngawn ka Biakinnpi sungah tum thei ngawl tu hi, ci thu ka thangsak hi,” hong ci hi.

Ezekiel 48:35

Khuapi ii pangh li teng a kiim uum pang sia ii sauna kingawm sia metre 9,000 pha hi. Tu pan kipan tua khuapi ii min sia, ‘Hi munah Topa om hi!’ “Jehovah Shammah” hi tu hi.

Daniel 11:45

Ama in a kumpi puanbuk liante ngawngawn sia Biakinnpi dinna mual le tuipi kilaklaw ah sa tu hi. Ahihang tua mun ah ama a hu tu om ngawlin thi tu hi,” ci hi.

Daniel 9:16

Nidang in kote nong huu zo hi, tua ahikom Jerusalem tungah hong thin uuk nawn heak in. Tua in na khuapi, na mual thiangtho ahi hi. Kote ii mawna khialnate le ka taanghpupite ii tatsiatna hangin ka kiim ka paam ngamte theampo in Jerusalem le na mite hong nomu uh hi.

Joel 2:27

Tuasia ciang Israel awng, note sungah ka om hunlam na he tu uh hi, keima in Topa, noma ii Pathian ka hi a, Pathian dang om ngawl hi. Ka mite kizawngsak kik ngei nawn ngawl tu hi.

Micah 4:7

Amate liamin bai a, inn panin kikhuala hi, ahihang a taanglaite atu kipat kikna thak khat ka vawtsak tu a, amate minam lian khat suak tu hi. Amate tua hun pan kipan Zion Mual tung pan a tawntungin ka uk tu hi,” ci hi.

Nahum 1:15

En vun, thupha puak kamtai khat mualtung tawnin hong pai hi! Ama in zawna taangko tu in hong pai ahi hi! Judah mite awng, na poaipi khaam vun a, Pathian tungah ciliap huai takin, na kamciam sate pia vun. Mi ngilote in na ngam uh hong sim ngei nawn ngawl tu hi. Amate kisusia diipdeap zo hi!

Zechariah 8:3

Ka khuapi thiangtho Jerusalem ah ka cia kik tu a, tualai ah ka teang tu hi. Tua khuapi sia a citak khuapi kici tu a, Vaanglianbelpa Topa mual sia a thiangtho mual kici tu hi.

Thupualaakna 21:27

Ahihang a thiangtho ngawl, a maizumhuai a ngamtate le leilot theite kuama tua khuapi sungah a tum thei buatu uh hi. Tuuno nuntakna laibu sungah a min a kikhumte bek tua khuapi sungah tum thei tu uh hi.