Joel 3:16 - Syin Chin Bible

¹⁶ Zion mual pan Topa hawk hi; Jerusalem pan a aw vanto bangin nging a; van le lei liing hi. Ahihang ama in a mite sungsia tu hi.

Joel 3:16 Iomraidhean Croise

Psalm Late 18:2

Topa in kei hong dal pa hi a, ama sia a kip a kho ka kulhpi `ahi hi. Ka Pathian in ka kidalna hi, ama taw ka kikop ciang kei ka ngammuang hi. Ama in lum bangin kei hong dal hi, ama in kei hong dal a, hong sungsia hi.

Psalm Late 29:11

Topa in a mite thahatna pia a, kilemna thupha zongh pia hi.

Psalm Late 61:3

banghang ziam cile nangma in ka kidalna na hi hi, ngalte ka nan natu a kho ngalnanna na hi hi.

Paunakte 18:10

Topa sia, tausaang kho taw kibang a, thutangte in zuanin ngammuanna nga thei hi.

Isaiah 33:16

Tua hile na ngammuang tu uh hi; a muanhuai kulh sungah om bangin thinmuang lungmuangin na om tu uh hi. Note in anneak tu le tuidawn tu na nei tu uh hi.

Isaiah 33:21

Topa in a vaangletna eite hong lak tu hi. Ngun zaite le lui zaite hui ah ih teang tu hi, ahihang ngal teambawte tuate tungah pai nawn ngawl tu uh hi.

Isaiah 42:13

Topa sia ngalhang pa bangin ngalsim tu in kuan hi; Ama sia ngal do tu lawpin kinging hi. Ama in ngal phawngin au a, hanla sam hi; Ama in a ngalte tungah a vaangletna lak hi.

Isaiah 51:16

Keima in vantungte ka phalhkeak a, lei ii tawdapte ka pha hi; Jerusalem tungah, ‘Nang in keima mihing na hi hi! Nang tungah thu kong hil zo a, ka khut taw nang kong dal hi,’ ka ci hi,” a ci hi.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Jeremiah 17:17

Nang sia ka launa hong hi heak in; ngimna hong thet ciang ka ngammuanna mun na hi hi.

Ezekiel 38:19

Ka thin uuk mama hu in tua ni ciang Israel ngam ah nasia takin zinliing tu hi ci in ka thangsak hi.

Hosea 11:10

“A ngalte tawpi bangin ka hawksan ciang ka mite in kei hong zui tu hi. Amate in nitumna sang pan kei kung manlang takin hong zuan tu uh hi.

Amos 1:2

Amos in, “Topa sia Zion mual pan hawk a; Jerusalem pan a aw sia hong nging keak hi. Ngan thana munte ko a, Carmel mual a lopate vul hi,” ci hi.

Amos 3:8

Tawpi a hawk ciang akua lau ngawlin om thei tu ziam? Vaanglianpipa Topa a pau ciang a thu thangsak ngawlin akua om thei tu ziam?

Nahum 1:7

Topa pha hi; ngimna hun sungah a mite sungsia hi; Ama kung a zuante ama in keamthiam hi.

Haggai 2:6

“Hai ngawlin vantung le leitung, lei le tuipi ka lok tu hi.

Haggai 2:7

Minam theampo ka lawnthal tu a, amate sumngum theampo hi lai ah hong kipuak tu hi, tuaciang Biakinnpi in hauna taw kidim tu hi.

Zechariah 10:12

Keima in ka mite ka hatsak tu hi; amate in kei hong bia tu a, ka thu hong mang tu hi,” ci hi. Topa in ci zo hi.

Zechariah 10:6

“Keima in Judah mite ka hatsak tu hi; Israel mite ka suatak tu hi. Keima in amate khuangaihuai ka sa tu a, a vekpi in inn ah ka ciapui kik tu hi. Amate sia ka nial ngeingawl mite bang hi tu hi. Keima in Topa, a Pathian ka hi hi; A thungetnate ka zo tu hi.

Zechariah 9:12

Tu in lametna a nei no, saltaangte awng, heak kik vun; na ngam muanna munah heak kik tavun. Na thuakna sa theampo hangin a zaa nii in thupha kong piak kik natu thu, tu in note tungah kong son hi.

Hebrew te 12:26

Ama aw in tua hun laitakin, leitung liingsak ahihang tu in ama in, “Leitung bek hi ngawlin, vantung zongh khatvei ma ka liingsak lai tu hi,” ci hi.

Thupualaakna 11:13

Tua hun laitak nasia tatakin zinliing hi; khuapi ii see sawm sua see khat laltham a, mihing tul sali thi hi. A om lai mihingte lau in vantung ah om Pathian letna pok uh hi.

Thupualaakna 11:19

Vantung ah Pathian biakinn sia kihong a, Thuciamna Thingkuang sia tua munah kimu hi. Tuasia zawkciang khualengin, vanto ngawp a, zinliing in ngial nasia takin kia hi.

Thupualaakna 16:18

Khua hong leng vazal a, luum vangam in vanto a, a lauhuai mama in zinliing hi. Hisia in zinliing theampo sung pan a nasiabel hi; mihingte a kibitphua pan kipan tuabang zinliing a om ngei bua hi!

1 Samuel 15:29

Israel ii minthang kumpi Pathian sia leilot ngawl, a thin kheal ngawl hi. Ama sia mihing khat hi ngawl hi — a thin kheal ngawl hi,” ci hi.