Joel 3:12 - Syin Chin Bible

¹² “Minamte kithoai in, Thukhenna Kuam ah hong pai kul tu hi. Tua munah kiim le paam minamte theampo tungah thukhen tu in keima, Topa ka to tu hi.

Joel 3:12 Iomraidhean Croise

2 Khangtaanghthu 20:26

A ni li ni in amate sia Beracah Kuam ah kikhawm a, ama ii vawtsa theampo atu in Topa pok uh hi. Tua ahikom tua kuam sia “Beracah” kici hi.

Psalm Late 7:6

Topa awng, na thin uukna taw hong tho to ta'n! ka ngalte thinsona a nalh tu in nangma hong ding ta'n; nangma le nangma hong kithaw ta'n a, hong hu ta'n! Nong tangkal sia thutang khenna ahi hi,

Psalm Late 96:13

leitung uk tu in Topa hong pai ciang, lungdam in au tu uh hi. Ama in leitung mite sia thukhaikim taw a pha in a uk tu hi.

Psalm Late 98:9

banghang ziam cile ama in leitung uk tu in hong pai hi. Ama in leitung mite sia thumaanna taw a pha in uk tu hi.

Isaiah 2:4

Ama in minam liante sungah thu nawngkaite khensat tu hi. Amate in a namsaute lo thawna tumanh le a teite thingbaak heuna namte in seak tu uh hi. Ngam khat le ngam khat kido kik ngei nawn ngawl tu a, ngal sim tu in kithoai kik nawn ngawl tu hi.

Isaiah 22:1

Hisia in Mukholna Kuam taw kisai thupuak ahi hi. Bang thu piang ziam? Banghangin khua mite theampo in innkhum tungah poai vawtin om uh ziam?

Isaiah 3:13

Topa sia ama ii thu sung tu in kinging hi; ama in a mite tung thukhen tu in kithoai zo hi.

Ezekiel 30:3

A ni hong nai zo hi, Topa ii a dian tu ni hong nai zo hi. Minamte atu in meeikaai ni le ngimna ni hi.

Ezekiel 39:11

Topa in, “Hi thu teng hong pian ciang, Gog kiphumna tu mun khat sia Tuipi Thi ii nisuana sang Israel ngam Khualhawte Ngamkuam sungah ka pia tu hi. Gog le a ngalkapte theampo tua munah kiphum tu a, tua kuam sia ‘Gog ii Ngalkaphonpi Kuam’ kici tu hi.,

Joel 3:14

A tul a tulin Thukhenna Kuam sungah om uh hi. Tua munah Topa ii ni hong theng pal tu hi.

Joel 3:2

Minam theampo ka khawmtua tu a, Thukhenna Kuam ah ka paipui tu hi. Ka mite tung a, a vawt na sa theampo huvau in tua munah amate thu ka khen tu hi. Amate in Israel te ngamdang ah thethaang in, ka Israel ngam khentham uh hi.

Micah 4:3

Ama in minamte sung ahizong, a nai a khuala a vaanglian ngamte sungah ahizong, ama in a kituu uh thute lemtua tu hi. Amate in a namsaute lothawna in seak tu a, a teipite thingbaak heuna nam sua tu uh hi. Ngamte ngal kido kik ngei nawn ngawl tu a, ngal kido kik tu in kithoai ngei nawn ngawl tu hi.

Zechariah 14:4

Tua hun ciang Jerusalem nisuana sang Olive mual tungah ama ding tu hi. Tuaciang Olive Mual sia nisuana sang pan nitumna sangah phel nii in kikhen a kuam lian khat om tu hi. Mual a lang sia saksangah kikhiin tu a, a lang sia thang sangah kikhiin tu hi.

Thupualaakna 19:11

Tuaciang vantung a kihongin ka mu a, tua ii sungah siphu kaang khat om hi. A tung to pa sia Thumaan Thutang kici hi; ama in khaikim takin thukhen a, a ngalte do hi.