Joel 3:1 - Syin Chin Bible

¹ Topa in, “Tua hun in Judah le Jerusalem puuapha in nopsakna ka pia kik tu hi.

Joel 3:1 Iomraidhean Croise

Psalm Late 14:7

Zion panin Israel te ii zawna hong pai natu in bangza in thungen khi ziam. Topa in Israel te a khantosak kik hun ciang bangza in amate lungdam tu ziam!

Psalm Late 85:1

Topa awng, na leitang na hesuak zo hi; nangma in Israel te na nuamsasak kik zo hi.

Paunakte 1:23

Kong teih ciangin hong ngai tavun; ngaisutna pha kong pia tu a, ka heaknate kong hawm tu hi.

Isaiah 44:3

“A dangko leitang tungah tui ka pia tu a leiko tungah luitui ka luangsak tu hi. Na tate tungah ka thaa ka bua tu a, na suan na paalte tungah ka thupha ka pia tu hi.

Jeremiah 16:15

Amate in, saksang ngam pan le amate ka thethaangna ngamdang theampo panin Israel mite hong paipui, a nungta Pathian, keima min taw kiciam zaw tu uh hi. A taanghpupite tungah ka piaksa amate ngam ah ka ciasak kik tu hi. Keima Topa in ka son zo hi,” ci hi.

Jeremiah 29:14

Hi hi, Kei nong mu tu uh a, na ngam uh ah kong koi kik tu hi, ka ci hi. Note kong thethaangna ngam theampo le mun theampo panin kong kaikhawm kik tu a, saltaang a kong puak ma na omna munah kong ciapui kik tu hi. Keima, Topa in ka ci zo hi.’

Jeremiah 30:18

Topa in, “Ka mite a ngam ka pia kik tu a, a innkuan sim tungah hesuakna ka nei tu hi; Jerusalem khuapi kisa kik tu a, a kumpi inn sia a omna ngei ma ah kikoi kik tu hi.

Jeremiah 30:3

banghang ziam cile Israel le Judah ka mite a ngam ka piak kik tu hun hong theng tu hi. A taanghpupite tungah ka piaksa ngam ah ka heak kik sak tu a, amate in tua ngam tang kik tu uh hi. Keima, Topa in ka son zo hi,” hong ci hi.

Ezekiel 16:53

Topa in Jerusalem tungah, “Keima in amate — Sodom le a khuanote, Samaria le a khuanote khangto in, ka nuamsasak kik tu hi. Hi hi, nang zongh khangto in kong nuamsasak kik tu hi.

Ezekiel 39:25

Vaanglianpipa Topa in, “Ahihang tu in Jacob suan le paal Israel mite ka hesuak tu a, ka nuamsasak kik tu hi. Ka min thiangtho ka sungsia tu hi.

Daniel 12:1

Puanneal a silh vantunglalang in, “Tua hun laitak na mite a cing, a lian vantunglalang Michael kilangh tu hi. Tua zawkciang minamte hong pianciil pan kipan a om ngeingawl a nasiabel ngim ngana hun theng tu hi. Tua hun a thet ciang Pathian ii laibu sungah a min a ki at, na ngammite theampo kingum tu hi.

Joel 2:29

Tua hun in naseam nupite le pasalte tung ngawngawn ah ka Thaa ka buak tu hi.

Amos 9:14

Ka mite a ngam a lei ah ka paipui kik tu hi. A khuapi zaancip sate, sa kikin, tua munah amate teang tu uh hi; Amate in sapithuan vawtin sapittui ne tu uh hi. Amate in huan vawt tu a, a ciinte ne tu uh hi.

Mi Simna 11:29

Moses in, “Kei ngaisut tu teng hong thinnuammaw ni ziam? Topa in a mite theampo tungah a thaa pia in, kamsaangte bangin amate theampo ausak le ka uuk hi,” ci in zo hi.

Mi Simna 12:6

tuaciang Topa in, “Tu in kong thuson tu te ngai vun! Note sungah kamsaangte a om ciang, keima le keima amate kungah mukholnate sung pan ka kilangh a, mangte sung pan amate ka paupui hi.

Thuhil kikna 30:3

Topa na Pathian in no hong hesuak tu hi. Ama in note hong thethaang na ngamte pan hong pui kik tu a, hong nuamsasak kik tu hi.