Joel 2:32 - Syin Chin Bible

³² Ahihang Topa tungah huna a ngen theampo kingum tu hi. Topa ci sa bangin ‘Jerusalem a om pawlkhatte suakta tu a; ka teal mite suakta tu uh hi.’

Joel 2:32 Iomraidhean Croise

Pianciilna 4:26

Seth in Enosh kici tapa khat nei hi. Tua hun panin mihingte in biakpiakna ah Topa ii min thiangtho law kipan uh hi.

Psalm Late 50:15

Ngimna hong pai ciangin keima hong ko tavun; Noma kong hun tu a kei nong pok tu uh hi.”

Isaiah 10:22

Tu in Israel mite sia tuipi hui a om senvui za in tam mama ahitazong mi tawm bek cia kik tu uh hi. Mihingte atu in lalna sia a kikoi sa hi a, thuak tu in a kilawm tatak ma ahi hi.

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 11:16

A taanghpupite in Egypt ngam a nusiat lai in amate atu lampi lian khat a om bangma in, tua munah a nungta lai Israel a mite atu in Assyria ngam pan a suatak natu lampi lian khat om tu hi.

Isaiah 4:2

Topa in ngam sungah a om ankung le thingkung theampo a khantosak tu le, a limciitsak tu hun hong thetheng tu hi. A nungta lai Israel mihing theampo in a ngamsung pan a piang an kungte hu in lungpilna le kiphatsak puina nei tu uh hi.

Isaiah 46:13

Zaw natu ni, kong thengsak pal tu a — khuala nawn ngawl het tu hi. Zawna ka mualsuana kihaisaangsak ngawl tu hi. Jerusalem ka ngum tu a Israel te tua munah minphatna ka pia tu hi,” ci hi.

Jeremiah 31:7

Topa in, “Minamte sung panin a lianbel, Israel atu in lungdamin lasa vun. Pokna lasa vun, ‘Topa in a mite ngum zo a; a taanglaite theampo suatak zo hi,’ ci vun.

Jeremiah 33:3

“Kei nong sam uh le kong zo tu hi; a thu na heak ngawl lai a lamdangte le thu tumdangte kong son tu hi.

Amos 9:8

Keima, Vaanglianpipa Topa in, hi a maw a khial Israel kumpi ngam ka encik nginge a, lei mai panin ka susia tu hi. Ahihang Jacob suan le paalte theampo ka susia buatu hi.

Obadiah 1:17

“Ahizong Zion Mual tungah pawlkhatte suakta tu uh a, tuaciang tuasia a thiangtho mun hi tu hi. Jacob mite in amate nga tu ahi a leitang sia tang tu uh hi.

Obadiah 1:21

Jerusalem ngalzote in Edom ngam simin, uk tu uh hi. Tuaciang Topa ama mama kumpi hi tu hi,” ci hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

John 10:16

Hi tuukhawk sung a om ngawl keima neisa tuu dangte zongh om lai hi. Tuate zongh ka paipui kul hi; amate in ka aw hong ngai tu a, tuucingpa khat ii a cin tuuhon khat suak tu uh hi.

John 4:22

No Samaria te in na biak uh akua ziam, ci in he tatak ngawl nu hi; ahihang ko Jew te in, ka biak uh sia ka he uh hi, banghang ziam cile ngupna sia Jew te tung panin hong pai hi.

Sawltakte 15:17

Tuaciangin midang theampo le, keima neisa tu in ka sapsa Gentile mi theampo in kei hong zuan tu hi ci in,

Sawltakte 2:39

banghang ziam cile Pathian kamciam sia, no le na tate le, a khualana ah a omte atu in a kivawt hi a, tuaciangin Topa Pathian ii ama kungah a samsa theampo atu ahi hi,” ci hi.

Romete 11:26

Tuaciang hi thu in Israel mite theampo a kihut tu zia hi tu hi. Laithiangtho in: “Hunpa Zion panin hong pai tu a, Jacob suante tung panin ngitlona theampo heam tu hi.

Romete 11:5

Tu laitakin zongh tuabang ma ahi hi. Thuthiamna taw Pathian tealsa mihing tawm om lai hi.

Romete 11:7

Tua ahile bang ih ci tu ziam? Israel mite in a zon uh sia mu ngawl hi. Pathian tealtuam mi pawlkhat in mu bek hi. A dangte ahile Pathian samna nangonthaak hi.

Romete 9:24

Banghang ziam cile eite sia Jew te sung pan bek hi ngawlin, Gentile te sung pan zong hong sap a minamte ih hi hi.

Romete 9:27

Tuaciangin Israel mite huvau Isaiah in hi bangin ci hi: “Israel mite tuipi hui ah senvui za in a tam hial zong, amate sung panin tawm bek kingum tu hi;

1 Corinth te 1:2

Corinth khua ah a om Pathian ii pawlpi tung le Pathian ii mi thiangthote suak tu in a kisam sa, Jesus Christ taw kipumkhatna ah ama ii neisa a suak mi theampo, mun theampo ah amate le eite ii Topa ahi ih Topa Jesus Christ a bia mihing theampo tungah lai kong thaak hi:

Hebrew te 12:22

Note Zion Mual le a nungta Pathian khuapi vantung Jerusalem, vantunglalang tul tam mamate omna ah nong pai zaw uh hi.