Joel 2:31 - Syin Chin Bible

³¹ A lian le a lauhuai Topa ii ni hong pai ma in, ni kimialsak tu a, tha zongh chi bangin san tu hi.

Joel 2:31 Iomraidhean Croise

Jeremiah 4:28

Leitung sia naangin kap tu a; van sia zing vanuai tu hi. Topa ii sonsa hi a, a thin kheal kik ngawl tu hi. Ama in a khensat sa hi a, kheal kik ngawl tu hi.

Ezekiel 32:7

Nang kong lalsak ciang, van ka seal tu a, aksi te ka mitsak tu hi. Ni sia meei in ka liasak tu a, tha taang ngawl tu hi.

Joel 2:1

Lemle tum vun; Pathian mual thiangtho Zion tungah patau daak tum vun, Judah mite awng, liing vun! Topa ni hong theng pal tu hi.

Joel 2:10

Mai ah a manaw uh ciang lei liing a; van kilok hi. Ni le tha mial a, aksite taang nawn ngawl hi.

Joel 2:11

Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Joel 2:2

Tua ni sia khuatuapin, a zing le meeivom kaai ni khat hi tu hi. Mualte tungah khuazing kizel bangin khaumaw ngalkaphonpi in maisang nawk hi. Hi bang peuma om ngeingawl a, om kik ngei nawn ngawl tu hi.

Joel 3:1

Topa in, “Tua hun in Judah le Jerusalem puuapha in nopsakna ka pia kik tu hi.

Joel 3:15

Ni le tha zing a, aksite taang nawn ngawl hi.

Zechariah 14:6

Tua hun hong thet ciang, khuasik, ahibuale thuamluak

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Malachi 4:5

“Ahihang a lauhuai le a lian Topa ni hong thet ma in kamsaangpa Elijah kong paisak tu hi.

Matthew 24:29

“Tua hun ngimnate zawk a hai ngawlin, ni hong taang nawn ngawl tu a, tha zongh taang nawn ngawl tu hi, aksite van panin taaksuk tu a, van ah a om nate sia amate ii zin tek panin kipialsak siat tu hi.

Matthew 27:45

Nisun ciangin ngam bup sia khuazing in siin cip a, nai thum sung khuazing hi.

Luke 21:25

“Ni le tha le aksite tungah nalamdangte piang tu hi. Leitung ngam bupte sungah thin lalna om tu a, tuipi tuihawkte le tui kihualte kiita tu uh hi.

Sawltakte 2:20

Ni hong mial a hong zing tu hi. Tha in chi bangin san tu hi. A lian a minthang Topa Ni hong thet ma in, tuabang hong piang tu hi.

Thupualaakna 8:12

Vantunglalang a lina sia in, a lemle tum hi. Ni sia see thum sua see khat, tha see thum sua see khat, aksi see thum sua see khat kivaattham a, tuasia ciangin amate ii taanna sia see thum sua see khat bo hi; sun see thum sua see khat le zan see thum sua see khat sung, khuavak a om nawn bua hi.