Joel 2:30 - Syin Chin Bible

³⁰ “Tua ni hun atu kidop thei natu in van le lei ah limte ka pia tu a; chisan luanna, meikuang le meikhu lomte om tu hi.

Joel 2:30 Iomraidhean Croise

Pianciilna 19:28

Ama in Sodom le Gomorrah le a ngamkuam bup ensuk a, meiphualpi khat pan meikhu suak taw a kibang, lei pan meikhu a suakto mu hi.

Solomon ii La 3:6

Sennealngam pan meikhu khuam khat bang, ngimnamtui le sum vawtte ii zuak paaknamtui bang, myrrh thingnaai namtui taw hong pai sia a bang ziam?

Jeremiah 4:28

Leitung sia naangin kap tu a; van sia zing vanuai tu hi. Topa ii sonsa hi a, a thin kheal kik ngawl tu hi. Ama in a khensat sa hi a, kheal kik ngawl tu hi.

Zechariah 14:6

Tua hun hong thet ciang, khuasik, ahibuale thuamluak

Matthew 24:29

“Tua hun ngimnate zawk a hai ngawlin, ni hong taang nawn ngawl tu a, tha zongh taang nawn ngawl tu hi, aksite van panin taaksuk tu a, van ah a om nate sia amate ii zin tek panin kipialsak siat tu hi.

Luke 21:11

A lauhuai zinliinna, kialpi tunna, pulpi tunna sia mun theampo ah om tu a, a lamdang a lauhuai nate van panin piang tu hi.

Joshua 8:20

Ai mite in a lee et kik uh ciang, meikhu van ah a kaato mu uh hi. Amate atu in suatak natu lampi om ngawl hi, banghang ziam cile Israel te ngam kolhna sangah a taite sia tu in a sim tu in hong kingeilee kik uh hi.

Thupualaakna 18:18

ama a kaanghtum meikuangte pan meikhu sia a mu uh ciang, “Hi khuapi lian taw a kibang khuapi dang om ngeingawl hi!” ci in au uh hi.

Thupualaakna 18:9

Ama taw paktatna sungah a kihel leitung kumpite in tua khuapi kak tumna meikuangte pan meikhu a mu ciangin au in kap tu uh hi.

Thupualaakna 8:7

Vantunglalang a masabel sia in, a lemle tum hi. Ngialtang le meikuang sia chi taw kihelin leitung ah hong kibuaksuk hi. Leitung ii see thum sua see khat, thingkung see thum sua see khat le lopa hing theampo kaanghtum siat hi.

Thukhente 20:38

Israel ngalkaphonpi sia le a buk sak mite in lim taw kilak natu khat vaihawm uh hi. Amate in meikhu lom lian khat khua sung pan a zaamto a mu uh ciang,

Thukhente 20:40

Tuasia ciang lim sia hong kilangh hi; meikhu lom khat khua sung pan hong zaamto hi. Benjamin te in nungsang a et uh ciang a khuapi bup mei kaangh sia mu in lamdang sa uh hi.