Joel 2:26 - Syin Chin Bible

²⁶ Tu in neak tu tam mama nei in, na lung uh kim tu hi. Na lamdangte no atu hong sepsak Topa na Pathian na pok tu uh hi. Ka mite kizawnsak vawt kik ngei nawn ngawl tu hi.

Joel 2:26 Iomraidhean Croise

Pianciilna 33:11

Nang atu kong ken hi letsong sia hesuakna taw hong saang ta'n; Pathian in kei tungah hong thuthiam a, ka taangsap theampo hong pia hi,” ci hi. A saan mateng Jacob in sonpui top hi.

Nehemiah 9:25

Na mite in kulh taw a ki uum khuapite, ngamphate, nei le lamh taw a kidim innte, a kito sa tuikhukte, olive kungte, thingnga kungte, le sapithuante la uh hi. Amate in a du a dei theampo ne in thau uh hi; amate in na piak naphate theampo taw lungdamin nuamsa uh hi.

Psalm Late 103:5

Muvanlai bangin hatin ka moisua kik natu in ka nuntakna sia naphate taw ama in hong dimh hi.

Psalm Late 116:7

Ka lungtang awng, kimuang in, banghang ziam cile Topa in kei tungah pha hi.

Psalm Late 13:6

Topa awng, nang, la kong sak tu hi, banghang ziam cile nang in kei tungah nong pha hi.

Psalm Late 22:26

Mizawngte in a du zaza ne tu uh a, Topa kung a zuan peuma in ama a pok tu uh hi. Amate in a tawntungin nuamsa tahen!

Psalm Late 37:19

Hunsia hong tun ciangin, amate in thuak ngawl tu uh hi; kialpi tun hunin a khom tu uh an nei tu hi.

Psalm Late 67:5

Pathian awng, mihingte in nang hong pok tahen; mihing theampo in nang hong pok tahen!

Psalm Late 72:18

Israel te ii Pathian, Topa pok vun! Ama bekma in hi nalamdangte vawt hi.

Paunakte 13:25

Thutangte in a neak tu a kicing nei a, ahihang a seksolte sia a ngil uh kial tawntung hi.

Solomon ii La 5:1

Kong it ka ngaino, ka angkoai awng, Ka huan sungah ka tum zo hi. Ka hel namtuite le ka myrrh thingnamtuite khawmtua in; ka khuaitui le ka khuaiphaangte ka ne a; ka sapittui le ka noai ka ne hi. Lawmtate awng, itna taw na kham teakin ne in, dawn vun!

Isaiah 25:1

Topa awng, nangma in ka Pathian na hi hi; nang kong patoai tu a, na min ka pok tu hi. Nangma in nalamdangte na vawt siat zo hi; taanghlai pek a na ngealnate thumaan takin na vawt siat zo hi.

Isaiah 29:22

Tua ahikom tu in ngimna pan Abraham a suatak, Israel te ii Pathian Topa in, “Ka mite awng, note hong kimaimawlsak nawn ngawl tu a, maizumna taw na mai uh daang nawn ngawl tu hi.

Isaiah 45:17

Ahihang Israel ahile Topa in ngumin, a ngalzawna a tawntungin kip hi; Ama mite kimaimawlsak ngeingawl tu hi,’ ci in pualaak tu uh hi,” ci hi.

Isaiah 49:23

Kumpite sia no tungah pate bang hong hi tu hi; kumpinu te sia nute bang hong hi tu hi. Amate in na mai uh ah kun sukin hong upat tu uh hi; amate kiniamkhiakin note zatakna hong lak tu uh hi. Tuasia ciang Topa ka hina thu na he tu uh hi; keima ii hu tu a ngak peuma thin kiam ngawl tu uh hi,” ci hi.

Isaiah 54:4

Lau heak in — na mai hong kimawlsak kik ngawl tu hi; hong kizawngsak ngawl tu hi. A khangmoi zi khat bangin na thumaan ngawlna le, meingong khat bangin, thinkiam a na lunglen mamana te na mangil tu hi.

Isaiah 55:2

Banghangin ngilva dangva na ngawl po in sum zangh thawthong nu ziam? Banghangin na thalaw sa sumte zangh napi ngilkial lalai nu ziam? Hong ngai tavun a, kong ci bangin seam vun, tua hile an limbel na ne tu uh hi.

Thiampite 25:19

Leitang pan an hong piang tu a, na du theampo nei in, ngammuang takin na nungta tu uh hi.

Thiampite 26:26

Nupi sawm ii a nei anluum theampo a em natu sia anluum emna khat bek a kisap natu zaa dongin na anneak nga natu kong khaktan tu hi. Amate in hong hawmsak tu uh a, na neak zawk uh ciang ngawngawn in na ngilkial lai tu uh hi.

Thiampite 26:5

Na lo ante tam mama tu a, sapitngate law hun dongin lo ante na la lai tu a, thaicii tuu kik hun dongin sapitnga na lo lai tu uh hi. Na du theampo na nei tu a, na ngam sungah ngammuang takin na teang thei tu uh hi.

Micah 6:14

An na neak uh hang na lungkim buatu uh a — a tatakin na ngil uh kial veve lai tu hi. Vanhte pua in, nate paipui tu na hi uh hang na keamcing zo buatu uh hi. Na top uh vanh pawpo ngal sungah ka susia tu hi.

Zephaniah 3:11

Tua hun ciang, kei nong langpan huvau in no ka mite in na maizum tu kul nawn ngawl tu uh hi. A kiphasak le a kisathei theampo ka heam tu a, ka mual thiangtho tungah kei nong do kik ngei nawn buatu uh hi.

Zechariah 9:15

Vaanglianbelpa Topa in a mite sungsia tu hi, tuaciang amate in a ngalte susia tu uh hi. Amate sia ngal kisimna sungah zukhamte bangin au in, a ngalte chisan luangsak tu uh hi; tua chisan sia biaknatau tungah beal sung pan a kisung sangaw biakpiakna khat ii chi bangin luang tu hi.

Zechariah 9:17

Tua ngam sia bangza in pha a et hoi tu ziam! Khangnote in tua ngam pan a piang thaw an le sapittui neakna taw a thahat tu uh hi.

Romete 10:11

Laithiangtho in, “A kuama theampo ama a umte in a thin a kiam buatu hi,” ci hi.

Romete 5:5

Hi lametna in hong thinkiamsak bua hi, banghang ziam cile Pathian hong piakthong letsong ahi Thaa Thiangtho zangh in ih thin sungah ama ii itna hong buak hi.

Romete 9:33

“En vun, Zion ah suang khat ka koi a, tua in mihingte lutusak hi, amate a puksak tu suangpi ahi hi. Ahihang ama a umte a thin a kiam buatu hi.”

Thuhil kikna 11:15

le na ngannote atu in lopa om tu hi. Na du an pawpo na nei tu uh hi.

Thuhil kikna 12:12

Tua mun Topa mai ah na tate, na naseamte le na khuate sungah a teang Levi te taw lungnuam khawm tavun; Levi te in lo ngam a nei ngawl natu thu phawk tavun.

Thuhil kikna 12:18

Nang le na tate in na naseamte le na khuate sungah a teang Levi te taw Topa na Pathian ii tealsa biakna mun, Topa na Pathian ompuina mun bek ah hi biakpiaknate nekhawm tu nu hi. Na nasepna sa theampo hu in tua munah na lungdam tu uh hi.

Thuhil kikna 12:7

Tua munah note thupha hong pia Topa na Pathian mai ah nangma le na innkuanpuite in an ne in na vawt sa thuphate tungtawnin na lungdam tu uh hi.

Thuhil kikna 8:10

Na du theampo na nei tu uh a, ngampha hong piakna hangin Pathian tungah lungdam na ko tu uh hi.

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

1 John 2:28

Hi hi, ka tate awng, ama taw pumkhat in na om vun, tua hile ama hong kilangh ciangin eite sia thinletna taw ih kidim tu a, ama ii hong pai Ni ciangin maizum in ih buk a kul buatu hi.