Joel 2:24 - Syin Chin Bible

²⁴ Taang cilna munte sia antang taw kidim tu a; thingngatui sukna hui ah leidumte sia sapittui le olive thau taw dimleet tu hi.

Joel 2:24 Iomraidhean Croise

Ezekiel 36:8

Ahihang, Israel ka mite awng, Israel mualte tungah nang atu in thingkung pote a tee boai in a nga nga kik tu hi. Hai ngawlin inn ah nong cia kik tu uh hi.

Joel 3:13

Amate seksol mama hi; anlaak hun lai ankungte saattan bangin amate saattan vun; sapitngate a tuisuukna sung dimin a tui let dong a kingoaitham bangin amate sucip vun,” ci hi.

Joel 3:18

Tua hun ciang mualpite sia sapithuan taw kidim tu a, mualno sim ah khuihon kimu tu hi; Judah ngamsung lui theampo atu in tui tam mama om tu hi. Topa Biakinnpi panin lui khat luang tu a, tua lui in Acacia Kuam tui pia tu hi.

Thiampite 25:19

Leitang pan an hong piang tu a, na du theampo nei in, ngammuang takin na nungta tu uh hi.

Thiampite 26:10

An tam mama na la tu uh a, kum khat na khom tu uh hi, tua zawkciang zong saal sungah a taanglai an kumlui teng anthakte koi natu in na heam tu uh hi.

Amos 9:13

Topa in, “Lo ante kila man ngawl liangin a khan tu hun, sapitngate sapittui in kivawt man ngawl liangin a khan tu hun le a tun tu nite hong theng tu hi. Mualpite tung pan sapittui thum taak vakeu tu a, mualnote ah sapittui luang tu hi.

Malachi 3:10

Biakinnpi sungah an tam mama a om thei natu in sawm a khat a cingin hong paipui tavun. Kei hong sin tavun, vantung khelkite ka hong tu a, na pha namcinte kicing takin no tungah kong buaksuk na mu tu uh hi.