Joel 2:23 - Syin Chin Bible

²³ “Zion mite awng, lungdam vun, Topa na Pathian ii note atu a sep sate hu in lungdam vun. Ama in tangngam ngua a khombek khat in hong pia a; ama in phalbi nguate no atu hong buaksuk in, khuapi ngua zongh hong piak ngei bang hong pia hi.

Joel 2:23 Iomraidhean Croise

1 Kumpite 8:36

vantung pan na ngai in. Kumpipa le Israel mite ii mawna khialna te, na maisak in. A maan bang a ngamtat natu amate na hil in. Tuaciang, Oh Topa, na mite ii a tawntung a neisa tu in na piak hi na leitang tungah nguatui na puak in.

Job 33:23

Mite ii a nasep a phawksak kik, vantunglalang khat — Pathian ii vantunglalang a tul sim sung pan khat, amate hu tu in hong pai thei tha tu hi.

Job 37:13

Pathian in lei kawtsak tu in nguatui puak hi; mihingte daan a pia tu ahibuale a deisakna lak tu in ama in nguazusak thei hi.

Psalm Late 104:34

Ka la in ama lungkimsak tahen, banghang ziam cile ka lungdamna sia ama kung pan hong pai ahi hi.

Psalm Late 147:8

Ama in van ah meeite phalh hi; ama in leitung atu in nguatui pia a, mualte tungah lopa posak hi.

Psalm Late 149:2

Israel te awng, nang hong Bitphuapa hangin lungdam vun; Zion mite awng, na kumpipa hangin lawp vun.

Psalm Late 28:7

Topa in hong dal a hong hung hi; ama ka muang hi. Ama in huna hong pia a hong lungdamsak hi. Lungdamna lasa in ama ka pok hi.

Psalm Late 32:11

No thutangte awng, lungdam in lawp vun, Topa sep sate hu in lungdam vun. Ama thu a nite awng, lungdam in au keak vun!

Psalm Late 84:6

Amate in Baca kongaw mualkuam a kaantan uh ciangin tua mun sia ciktui phulna mun hong suak hi; tangngam ngua in tuicin theina munte dimsak siat hi.

Paunakte 16:15

Kumpipa ii maipha a piakte sia khuakhaal kipat hun a, nguazusak meeikaaite bang ahi hi. Tuasung ah nuntakna om hi.

Isaiah 30:21

Lam ziat, ahibuale lam vei ah na pial tha uh le na nungsang pan ama in, “A lampi in hisia hi. Zui in,” hong cina aw na za tu hi.

Isaiah 30:23

Anciite na poai po uh ciang po a, khang a an tam na laak natu in Topa in nguazusak tu hi, tuaciang na ngante in a tat natu mun zai nei tu uh hi.

Isaiah 41:16

Amate sia vui sungah na lawn tu uh hi; vui va in amate len a, vuipi in amate thethaang tu uh hi. Tuasia ciang keima in na Pathian ka hi hu in na lungdam tu uh hi; Israel ii a thiangtho Pathian ahi keima nong pok tu uh hi.

Isaiah 61:10

Topa sepna hangin Jerusalem lungdam hi. Jerusalem sia mothak khat pasal a nei ni in a kizeam bang ahi hi. Pathian in ama sia ngupna le ngalzawna taw tuam zo hi.

Jeremiah 3:3

Tua hu in nguatui hang a, khuapi nguazu ngawl hi. Numei kizuak khat taw na kibang hi; maizumna na nei bua hi.

Jeremiah 5:24

Keima in a hun ciangin tuuk ngua le khaal ngua hong zusakin kum simin anlaak hun hong pia hi napi in kei zatak tu na ngaisun ngei bua uh hi.

Kaa late 4:2

Zion ii tangvalnote sia khamh bangin ei atu in manpha hi, ahihang tu in leibeal thawthongte bangin kivawt hi.

Ezekiel 34:26

“Amate thupha ka pia tu a, ka mual thiangtho kiimkot ah ka teangsak tu hi. Tua munah a kisap hunin thupha nguatui ka zusak tu hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Thiampite 26:4

Keima in nguatui hun maanin kong pia tu a, tua hile leitang in an piangsak tu a, thingkungte a nga nga tu hi.

Amos 4:7

Na lo ante ii kisapbel hun laitakin nguatui ka hangsak hi. Khuapi khat sungah ngua ka zusak a, khat sungah ngua ka hangsak hi. Lo khat sungah nguazu a, a dang lo khat kocip hi.

Zechariah 10:1

Khaal kipat hunin Topa tungah nguatui ngen vun. Ngua a paai meeikaai hong puak a, ngua zusak in, kuama theampo atu lote a hingsak pa sia Topa ahi hi.

Zechariah 10:7

Ngalkapte bangin Israel mite thahat tu uh hi. Sapittui ne te bangin lungdam tu uh hi. Topa nasepna hangin a suan a paalte in hi zawna phawk in, lungdam tu uh hi.

Zechariah 9:13

Keima in Judah sia ngalkap khat ii thal bangin, Israel sia thaltangte bangin ka zangh tu hi. Greece mite do tu in Zion pasalte sia namsau khat bangin ka zangh tu hi,” ci hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Sawltakte 14:17

Ahihang, ama ii na pha a vawtte taw ama a om hunlam sia kitelthiangsak tawntung hi: Ama in note vantung pan nguatui hong pia a, lo ante a hun maanin hong pia hi. Ama in an hong pia a, na thinsung uh lungdamna taw, hong kidimsak hi,” ci in au hi.

Thuhil kikna 11:14

Tuabang na hi uh le, Topa in na ngam sungah a kisap ciangin tuuk ngua, khaal ngua hong zusak tu a, note atu in antang, sapittui le olive thaute,

Thuhil kikna 28:12

Ama in a na kholna van pan a hun zui in nguatui hong zusak tu a, na na sepna theampo uh thupha hong pia tu hi, tua hile note in minam tam mama te tungah sum na pukthaak tu uh a, ahizong kuama tung pan sum na pu buatu hi.

Thuhil kikna 32:2

Kong hilcianna nguamal bangin taak tu a, leitung ah daaitui kia bang hi tu hi. Ka kammalte sia thingkungnote tungah nguamal phiin bangin lopa moite tungah dam takin a zu nguatui bangin taak tu hi.

Philippi te 3:1

Thukhupna ah, ka suapuite awng, Topa taw pumkhat na hina uh taw kisai in lungpil tavun. Ka at sa thute ka at kikik sia phamaw sa tuan ngawl khi hi, note thinmuan natu hi zaw hi.

Philippi te 3:3

A maan vunteap atna a neite sia amate hi ngawl a, eima ih hi zaw hi, banghang ziam cile eite in Pathian sia ama Thaa taw ih bia a, Christ Jesus taw pumkhat a ih nuntakna sung ah, a lawpte ih hi hi. A puatham cii le sa limte tungtaang ah eite in muanna ih nei bua hi.

Philippi te 4:4

Topa taw pumkhat na hi hu in, a tawntung lungdam tavun. Kong ci kik hi: na lungdam tavun!