Joel 2:22 - Syin Chin Bible

²² Nganhingte awng lau heak vun, Ngan thana munte hing a; thingkungte a nga nga in, thei le sapitngate tam mama om hi.

Joel 2:22 Iomraidhean Croise

Pianciilna 4:12

An ciin tu na hanciam zong lei pan bangma piang ngawl tu a, inn nei ngawlin leitung ah na vakthap tu hi,” ci hi.

Psalm Late 36:6

Na thutang sia mualpite bangin saang a, na thutang khenna in tuipi bangin thuk hi. Mihingte le nganhingte in nangma khoina sungah om hi.

Psalm Late 65:12

Nganthana munte sia nganhon taw kidim hi; muallimveite sia lungdamna taw kidim hi;

Psalm Late 65:13

Lote sia tuu taw kidim a; ngamkuamte sia zungtaang taw kidim hi. Na theampo lungdamna taw au in lasa uh hi.

Psalm Late 67:6

Leitang in lo ante piangsak zo hi; Pathian, eite Pathian in thupha hong pia zo hi.

Isaiah 51:3

“Keima in a lalsa Jerusalem ah a teangte theampo ka hesuak tu hi. Ama ii ngam sia sennealngam ahihang Eden huan taw kibangin, huan khat ka suaksak tu hi, Tualai ah lungdamna le thinnopna om tu a, kei tungah lungdam hong ko in pokna la hong sak tu uh hi.

Ezekiel 36:30

Minamte sungah kialpi hu in na mindai ngawl natu na thingnga kungte le na lote pan an tam mama ka piang thuasak tu hi.

Ezekiel 36:35

Mihingte theampo in hi lo duipui a sua ngei hang, tu in Eden Huan bang hi zo a, khuapite kisutham, kiphuulin a kisia sa in om ngei, hikale tu in mihing teang kik zo a, kulh taw ki uum zo hi ci tu hi.

Ezekiel 36:8

Ahihang, Israel ka mite awng, Israel mualte tungah nang atu in thingkung pote a tee boai in a nga nga kik tu hi. Hai ngawlin inn ah nong cia kik tu uh hi.

Jonah 4:11

Tua ahile tua khuapi lian Nineveh tungah bangzata in hesuak zaw kan tu khi ziam. Tua son ngawlin tua khuapi sungah mawbaang ngawl patang mealmawl 120,000 vaal le nganhing tam mama zongh om hi!” ci hi.

Haggai 2:16

ansaal khat ah an kilogramme za nii mu tu in muangmaw a, na pai uh hang kilogramme za khat bek om hi. Bung khat sung pan sapittui litre zakhat duup tu in na pai uh hang sawmli bek om hi.

Zechariah 8:12

Amate in thinnuam takin lo ante ciing tu hi. A sapitkungte hong nga tu a, leitang in ante piangsak in, ngua tam mama hong zu tu hi. Hi thuphate theampo ka minam sung pan a nungta lai ka mite tungah ka pia tu hi.

1 Corinth te 3:7

A poaipa le tui a buakpa sia a thupi tatak bua hi. A thupi sia in Pathian ahi hi, banghang ziam cile ama in a kung khangsak hi.