Joel 2:21 - Syin Chin Bible

²¹ “Lote awng, lau heak vun, Topa hong sepsak sate hu in lungpil in lungdam vun.

Joel 2:21 Iomraidhean Croise

Pianciilna 15:1

Hi teng zawkciang Abram in mukholna nei a, Topa in, “Abram awng, lau heak in, Keima in lauhuaina panin nang kong dal tu a, thaman lian khat kong pia tu hi,” a cisia za hi.

Psalm Late 71:19

Pathian awng, thutang na hina in van ban hi. Nangma in na liante na seam zo a; nang taw a kibang kuama om ngawl hi.

Psalm Late 98:8

Ngunte awng, khutbeang vun; no mualte awng, Topa mai ah lungdamna taw lasa khawm vun,

Isaiah 35:1

Sennealngam lungdam tu a, ngam tawnghtol sungah paakte palh tu hi.

Isaiah 41:10

Lau heak in — nang kong ompui hi! Keima in na Pathian ka hi hi — bangma lau heak in! Kong thahatsak tu a, kong hu tu hi; kong dal tu a, kong ngum tu hi.

Isaiah 44:23

Lungdamin au vun, no vantungte awng! Au vun, lei sung a thuk munte awng! Lungdamin au vun, mualte le ngam sungah a om thingkungte theampo awng! Topa in a letna sia ama mi Israel te a ngupna taw in hong lak zo hi.

Isaiah 54:4

Lau heak in — na mai hong kimawlsak kik ngawl tu hi; hong kizawngsak ngawl tu hi. A khangmoi zi khat bangin na thumaan ngawlna le, meingong khat bangin, thinkiam a na lunglen mamana te na mangil tu hi.

Isaiah 55:12

“Lungdamna taw Babylon na nusia tu uh hi; kilemna taw khuapi pan hong kipaipui tu hi. Mualliante le mualnote in lasa tu uh a, thingkungte lungdam in au tu uh hi.

Jeremiah 33:3

“Kei nong sam uh le kong zo tu hi; a thu na heak ngawl lai a lamdangte le thu tumdangte kong son tu hi.

Hosea 2:21

Tua hun ciang Israel ka mite ii thungetnate ka zo tu hi. Lei tungah ngua ka zusak tu a, tuaciang leitang in lo an, sapit le olive nga te piangsak tu hi.

Joel 2:20

Saksang pan hong pai khaumaw honpite ka heam tu a, pawlkhatte sennealngam sungah ka hawlkeak tu hi. A mai dok ngual teng Tuipi Thi sungah, a nung ngual teng Mediterranean tuipi sungah kihawlkeak tu hi. A thisate muat in ui tu hi. Note tungah hong vawtnate hangin tuate ka susia tu hi,

Joel 2:26

Tu in neak tu tam mama nei in, na lung uh kim tu hi. Na lamdangte no atu hong sepsak Topa na Pathian na pok tu uh hi. Ka mite kizawnsak vawt kik ngei nawn ngawl tu hi.

Zechariah 8:15

Ahihang tu in Jerusalem le Judah mite thupha piak ka sawm hi. Tua ahikom lau heak vun.

Thuhil kikna 4:32

“A bosa hunte, na sua ma hun le leitung ah Pathian ii mihing a piansakna thute kan kik vun. Leitung buppi ah kan vun. Hi bang na lian khat pawpo nidang in piang ngei na ziam? Hi bang thute akua in za ngei ziam?

1 Samuel 12:16

Tua ahikom na dinmun uh kholet vun, tua hile Topa hong sep tu na lianpite na mu tu uh hi.

1 Samuel 12:24

Topa thu ni vun a, thumaan takin na thin theampo taw ama ii na seam vun. Na lianpi no atu hong sepsak te ciamtee vun.