Joel 2:2 - Syin Chin Bible

² Tua ni sia khuatuapin, a zing le meeivom kaai ni khat hi tu hi. Mualte tungah khuazing kizel bangin khaumaw ngalkaphonpi in maisang nawk hi. Hi bang peuma om ngeingawl a, om kik ngei nawn ngawl tu hi.

Joel 2:2 Iomraidhean Croise

Psalm Late 10:6

Amate in, “Kei lel ngei bua vak ing; ngim nga ngei bua vak ing” amate le amate kici uh hi.

Psalm Late 97:2

Meeikaai le khuazing in ama kiim uum hi; ama in thutang le thukhaikim taw uk hi.

Pusuana 10:14

Khaumawte a hon a hon in hong theng a, Egypt ngamsung bup ah teang hi. Tua in a kimu ngeingawl le a kimu kik ngeingawl tu khaumaw hon tambel ahi hi.

Pusuana 10:6

Tuate sia na kumpi innte, na uliante le na mihingte inn teng theampo dim tu hi. Tuate sia na taanghpupite mu ngeite sangin sia zaw tu hi,’ hong ci hi” ci uh hi. Tua zawkciang Moses kiheak in paisan hi.

Pusuana 20:21

Ahizong mipite a khualana ah ding veve a, Pathian omna meeivom nai ah Moses bek pai hi.

Isaiah 5:30

Tua ni a thet ciang, amate in tuipi nging bangin nging takin Israel mite hawksan tu uh hi. Ngam hisia en vun! Khuazinna le ngim thuakna! Khuavak sia khuazing in valhtum hi.

Isaiah 8:22

lei a salhsuk zong ngimna khamna le khuazing ngawl buang bangma mu ngawl tu hi, amate sia a lauhuai khuazing sungah kihawlkeak tu hi.

Jeremiah 13:16

Topa in khua a zinsak ma mualte tungah na lutu uh ma in; na lam et uh khuavak sia khuazing bikbek a suasak ma in, Topa na Pathian uh patoai vun.

Jeremiah 13:6

Khuangei dingdeng zawkciangin Topa in Euphrates ngun ah pai kik ta'n a, ngoaipuan tomte va la ta'n hong ci hi.

Kaa late 1:12

“Kei hong en ka ven!” ci in ama kaantan in a pai theampo tungah ko hi. “Kei nat bangin kuama in a na thuak ngeingawl hi. Topa in a thin uuk laitak hong thuaksak natna a hi hi.

Ezekiel 32:7

Nang kong lalsak ciang, van ka seal tu a, aksi te ka mitsak tu hi. Ni sia meei in ka liasak tu a, tha taang ngawl tu hi.

Ezekiel 34:12

tuucing khat in a kithethaang tuute kaikhawm in a kep bangma in ka tuute ka keam tu hi. Tua khuazing le a lauhuai tuasiatna ni in, a kithethaang na mun theampo panin amate ka khawm kik tu hi.

Ezekiel 38:9

Ama le a ngalkapte le ama taw kipawl ngam tam mamate in vuipi bangin sim tu a, meei bangin a ngamsung a tuamcip tu uh hi,” ci hi.

Daniel 12:1

Puanneal a silh vantunglalang in, “Tua hun laitak na mite a cing, a lian vantunglalang Michael kilangh tu hi. Tua zawkciang minamte hong pianciil pan kipan a om ngeingawl a nasiabel ngim ngana hun theng tu hi. Tua hun a thet ciang Pathian ii laibu sungah a min a ki at, na ngammite theampo kingum tu hi.

Daniel 9:12

Kote tung le kote hong ukte tungah kong vawt tu hi nong ci sa bangma in nong vawt hi. Leitung a om khuapi dang khat po sangin Jerusalem khuapi sia a nasia zaw in daan na pia a,

Joel 1:6

Khaumaw ngalkaphonpi khat in ih ngam hong sim hi; tuate thahatin tam leih a, kisim zo ngawl hi; a hate tawpi ha bangin hiam hi.

Joel 2:25

Khaumaw honte ii na lo an hong neaktumsak kumte sungah na sup uhte kong pia kik tu hi. Hi khaumaw honpi hong puak sia keima khi hi.

Joel 2:31

A lian le a lauhuai Topa ii ni hong pai ma in, ni kimialsak tu a, tha zongh chi bangin san tu hi.

Joel 2:5

Mualdawnte ah a lento uh ciang siphu ngalleangte bangin nging vatel a; lopa kote mei taw hal bangin puak vatam hi. Tuate sia ngalsim tu in a kithoai ngalkap honpui khat bangin kingual uh hi.

Joel 3:4

“Tyre, Sidon le Philistia ngamkhente theampo awng, kei, bang hong law nuam nu ziam? Bang khat po hangin hong thuk kik nuamin hanciam nu ziam? Tuabang nong hi uh le keima in manlang takin kong thuk kik tu hi!

Amos 4:13

Pathian in mualte a vawt pa le vuite a bitphuapa ahi hi. Ama in a ngaisutnate mihing in hesak hi; ama in sun sia zan suaksak hi. Ama in leitung saangnate tungah vak hi. Hisia ama min hi: Vaanglianbelpa Topa Pathian ahi hi!

Zephaniah 1:7

Topa thukhen tu ni hong nai zo hi; tua ahikom ama mai ah thim dide in om vun. Topa in a mite pum aap siat tu in kithoai a, Judah a suttol tu in ngalte sam hi.

Zechariah 14:6

Tua hun hong thet ciang, khuasik, ahibuale thuamluak

Matthew 24:21

Banghang ziam cile tua hun ah ngimna sia leitung a kipat pan kipan, tuni dong a piang ngei ngimnate theampo sangin nasia zaw pek tu hi. Tuabang ngimna sia maisang zongh ah om kik ngei nawn ngawl tu hi.

Mark 13:19

Banghang ziam cile tua hun a ngimnate sia Pathian ii leitung a bitphua pan tu hun dong leitung mihingte ii heak ngei sangin nasia zaw pek tu hi. Tuabang ngimna sia maisang zongh ah a om nawn buatu hi.

Thuhil kikna 32:7

“A bosa hunte, nidang lai hunte, ngaisun tavun; Thupiangte hong son tu in na pate dongh tavun, a bosa thute son tu in khanghaamte dongh tavun.

Hebrew te 12:18

Note in Israel mite Sinai mual a zot uh bangin cii le sa ii phaw theinate ahi meikuang ahizong, khuazing le khuangial ahizong, vuipi suangval ahizong,

Jude 1:13

Amate sia tuipi sung a, tui kihualte taw kibang a, amate ii a maizumhuai ngamtatnate sia, tuiphuante bangin kilangh hi. Amate sia khuazing belna sung, a tawntung a om natu mun Pathian ii a koi kholsak, a vakthap aksite taw kibang hi.

Thupualaakna 9:2

Aksi in a hawng thukpui sia hong a, thik huanna meimang sung panin, a pusuak bangin meikhu pusuak hi; a hawng thukpui sung pan a pusuak meikhu in nitaang le vuite zingcipsak hi.