Joel 2:19 - Syin Chin Bible

¹⁹ Ama in amate tungah hi bang in zo hi: “Tu in an, sapittui le olive thau kong pia tu a, na lung uh kim tu hi. Minam dangte in no hong zawngsak nawn ngawl tu hi.

Joel 2:19 Iomraidhean Croise

Jeremiah 31:12

Amate hong pai in Zion mual tungah lungdam in lasa tu uh a, ka letsongte taw lungdam mama tu uh hi — Ka letsongte sia antang, sapittui, olive thau, tuu le khuite ahi hi. Amate sia pha tak a, tui a kibuak husuan khat taw kibang tu a; amate in a kisap theampo nei tu uh hi.

Ezekiel 34:29

Leipha leihoi lote ka pia tu a, a ngam sungah ngilkialna ka omsak buatu hi. Ngamdangte in selno ngawl tu hi.

Ezekiel 36:15

Hong selno ngamte ii thu na nadon kul nawn ngawl tu a, a mite ii hong nunauna zongh na mu nawn buatu uh hi. Tua ngam in hi minam ii tate suttol nawn ngawl tu hi. Keima, Vaanglianpipa in ka pau zo hi.”

Ezekiel 36:29

Hong ninsak nate theampo pan kong hun tu hi. No tungah kialpite hong tun nawn ngawl natu in an tam mama a pian natu thupia tu khi hi.

Ezekiel 36:30

Minamte sungah kialpi hu in na mindai ngawl natu na thingnga kungte le na lote pan an tam mama ka piang thuasak tu hi.

Ezekiel 39:29

Israel mite tungah ka thaa ka buak tu a, amate ka nungngat kik ngei buatu hi. Keima, Vaanglianpipa Topa in son zo khi hi,” ci hi.

Hosea 2:15

A sapithuante ama tungah ka piakik tu a, Ngimna Kuam sia lam etna kongpi ka suaksak tu hi. A khanmoi lai Egypt ngam pan hong pusua hun bangma in tua munah ka thu hong ngai kik tu hi.

Hosea 2:21

Tua hun ciang Israel ka mite ii thungetnate ka zo tu hi. Lei tungah ngua ka zusak tu a, tuaciang leitang in lo an, sapit le olive nga te piangsak tu hi.

Joel 1:10

Lote kolh hi; leitangte khuangai hi banghang ziam cile ankungte kisusia in sapitngate kikosak a, olive kungte kivulsak hi.

Joel 2:24

Taang cilna munte sia antang taw kidim tu a; thingngatui sukna hui ah leidumte sia sapittui le olive thau taw dimleet tu hi.

Thiampite 26:5

Na lo ante tam mama tu a, sapitngate law hun dongin lo ante na la lai tu a, thaicii tuu kik hun dongin sapitnga na lo lai tu uh hi. Na du theampo na nei tu a, na ngam sungah ngammuang takin na teang thei tu uh hi.

Zechariah 8:12

Amate in thinnuam takin lo ante ciing tu hi. A sapitkungte hong nga tu a, leitang in ante piangsak in, ngua tam mama hong zu tu hi. Hi thuphate theampo ka minam sung pan a nungta lai ka mite tungah ka pia tu hi.

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Thuhil kikna 11:14

Tuabang na hi uh le, Topa in na ngam sungah a kisap ciangin tuuk ngua, khaal ngua hong zusak tu a, note atu in antang, sapittui le olive thaute,

Ruth 1:6

Tua zawk tawmvei ciangin, Topa in ama ii mite sia thupha pia a, an tam mama la hi ci in Naomi in za hi; tua ahikom a mote nii taw Moab ngam nusia tu in kithoai hi.