Joel 2:17 - Syin Chin Bible

¹⁷ Biaknatau le Biakinnpi tumna kilaklaw a, Topa na a seam thiampite kapin thu a nget uh kul tu hi: “Topa awng, na mite hesuak in. Minam dangte in, ‘Na Pathian koisung om ziam?’ ci in hong zawngsak hong nunausak heak in,” ci tu uh hi.

Joel 2:17 Iomraidhean Croise

1 Kumpite 6:3

A tumna inndoi sia metre 4.5 saangin, a zaina metre 9 hi a, biakinnpi cia ma zai hi.

1 Kumpite 9:7

tuasia ciang ka Israel mite sia ka piaksa ngam panin ka heam tu hi. Kei hong kibiak natu in ka koituam sa, hi Biakinnpi zongh ka nusia tu hi. Mun theampo pan mihingte in Israel sia nunau tu a, simmaw tu hi.

2 Khangtaanghthu 7:20

kong piaksa ngam panin kong heam tu hi, tuaciang keima hong kibiak natu mun tu in ka thiansua sa, hi Biakinnpi ka nusia tu hi. Israel sia mihing theampo in zawnsak vawtin ngaimaw tu uh hi.

2 Khangtaanghthu 8:12

Solomon in Biakinnpi mai ah a sak biaknatau tungah Topa atu in sangaw biakpiaknate pia hi.

Nehemiah 9:36

Tu in nong piakna ngam, kote an hong vaak, hi ngampha ah sila ka suak uh hi.

Psalm Late 115:2

Banghangin minam tuatuamte in, “Na Pathian uh koisungah om ziam?” ci in hong dongh tu ziam?

Psalm Late 42:10

“Na Pathian sia koisungah om ziam?” ci in amate ii hong dawdok ciangin amate ii hong selnonate in kei hong supeak hi.

Psalm Late 42:11

Banghangin tuaza in khuangai khi ziam? Banghangin tuaza in ngim nga khi ziam? Ka lametna Pathian tungah ka koi tu a, ka hunpa le ka Pathian khatvei ka pok kik tu hi.

Psalm Late 42:3

“Na Pathian koi sungah om na ziam?” ci in ka ngalte ii hong dok hunsung bup, sun taw zan taw kapin ka thitui bek an in ka nei hi.

Psalm Late 42:4

A bosa hun sungah lasakna le auna taw Pathian a pok a lungdam mihing hon khat keima in lampui in Pathian inn ah ka paina uh ka ngaisut ciangin ka thin tamhtham hi.

Psalm Late 74:10

Pathian awng, bang tanvei, ih ngalte in nang hong nuisan tu ziam? Na min a tawntungin hong selno tu ziam?

Psalm Late 79:10

Banghangin minamte in “Na Pathian uh koi sungah om ziam?” ci in hong dongh tu ziam? Na naseamte chisan a buaksak hu in tua minamte tungah daan na piak sia kote in hong musak ta'n.

Psalm Late 79:4

Kiimkot minamte in kote hong selno zazaan hi; amate in kote hong selno zazaan a hong nunau uh hi.

Psalm Late 89:41

Kaantan in a pai po in a neisate nguksak hi; a innpaamte theampo in ama nui san uh hi.

Psalm Late 89:51

Topa awng, thaankhuk panin na ngalte in na tealsa kumpipa selno zazaan hi! a paina po ah amate in selno zazaan uh hi.

Pusuana 34:9

Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Isaiah 22:12

Tuaciang Vaanglianpipa Topa, Vaanglianbelpa in a kap tu a mau tu le sam meettol in, khau-ip puan silh tu in note hong sam hi.

Isaiah 37:20

Tu in Topa kote Pathian awng, nangma bek Topa na hina thu, leitung ngam theampo in a heak natu in, Assyria te khut sung panin kote hong suatak ta'n,” ci hi.

Ezekiel 20:9

Ahihang tua bangin ka ngamta bua hi, banghang ziam cile amate teenna mite zaakna ah Egypt ngam pan hong pusuapui tu khi hi ci in Israel te tungah thangsak zo ka hikom tuabangin ngamta leng keima min dai tu hi.

Ezekiel 8:16

Tua ahikom ama in Biakinnpi suum, a sungnung ah hong paipui hi. Tua mun thiangtho tumna nai, biaknatau le kongzin kilaklaw ah pasal kul le nga khawng a om hi. Amate in biakmun thiangtho sia nungngat in, nisuana sang nga in kunsuk a, nisuak sia bia uh hi.

Hosea 14:2

Topa kungah heak kik vun a, hi thungetna sia ama tungah na biakpiakna uh hisak vun: “Koma mawna theampo hong maisak ta'n a, ka thungetna uh hong saang ta'n. Tuaciang kong kamciam bangin nang hong pok tu khu hi.

Joel 1:13

No, biaknatau ah naseam thiampite awng, khau-ip puan silhin kap vun! Biakinnpi sungah tumin, zankhuateak khuangai vun! Na Pathian na piak tu uh antang, ahibuale sapittui om ngawl hi.

Joel 1:9

Biakinnpi sungah piak tu antang ahibuale sapittui om ngawl hi; Topa biakpiak natu bangma nei ngawl ahikom thiampite khuangai hi.

Amos 7:2

Ka mukholna sungah khaumawte in ngam sungah a hing theampo netum a, tuasia ciang keima in, “Vaanglianpipa Topa awng, na mite mawna maisak in! Bangbangin amate nungta zo tu ziam? Amate tawm mama a, thazawm uh hi!” ka ci hi.

Amos 7:5

Tuasia ciang keima in, “Vaanglianpipa Topa awng, tawlnga in! Na mite bangbangin nungta thei tu ziam? Amate no mama a, thaneam hi!” ka ci hi.

Micah 7:10

Tuasia ciang ih ngalte in hi sia mu tu a, kimaimawlsak tu hi — tua ngalte in “Topa na Pathian uh koisung a om ziam?” ci in hong tawtawte ma hi tu hi. Amate ngallelna, lamlai ah buan bangin a kitotcil nate ih mu tu hi.

Malachi 1:9

Tu in no thiampite awng, ei tungah Pathian hong dik natu in hong ngen ka sin vun. Ama in na thungetna hong zo ngawl tu a, tua in noma mawna hi tu hi.

Mi Simna 25:6

Moses le Israel taangpi bup khuangai in Topa ompuina Puanbuk kongbiang ah kapin a om laitak, amate mu tangin Israel te khat in Midian numei khat ama puanbuk sungah tumpui hi.

Matthew 23:35

Tua hu in mawna nei ngawl Abel pan a kipan, sangaw na biaknatau le Biakinn kilaklaw a na thalup uh Berechiah tapa Zechariah le mawna nei ngawl bul a na thalup uh theampo hangin thuak tu daan sia note tungah hong tung tu hi.

Matthew 27:43

Ama in Pathian muang a, Pathian Tapa ka hi ci hi. Tua ahile Pathian in tu in a hunnuam ziam en tawng!” ci uh hi.

Thuhil kikna 28:37

Topa ii hong thethaang natu ngam tuatuam ah note tungah thupiangte hangin mihingte in lamdang sa tu uh hi; amate in note hong nunau in hong ciammui vawt tu uh hi.

Thuhil kikna 32:27

Ahizong amate a hualcip pa keima ma ka hi ciang a ngalte in ka mite a zawna thu sia kiphatsakna in ka neisak thei buatu hi,’ ci hi.

Joshua 7:9

Canaan mite le ngam sungah om midang theampo in hi thu za tu hi. Amate in hong kiim uum tu a, kote hong that siat tu hi. Tuasia ciangin nangma min kihuk natu in bang vawt tu ni ziam?” ci hi.