Joel 2:16 - Syin Chin Bible

¹⁶ Mite khawmtua vun; a thiangtho kikhop natu in kithoaisak vun; khanghaamte hong paipui tavun; patangte le nausente zongh khawmtua vun. A kiteang tuung nupate zongh a inn nusia in hong pai uh kul tu hi.

Joel 2:16 Iomraidhean Croise

2 Khangtaanghthu 20:13

Judah mi theampo a zite a tate taw tualai Biakinnpi ah ding uh hi.

2 Khangtaanghthu 29:5

thu son hi. Ama in “Levi te awng noma le noma a thiang tak ki aap vun a, na taanghpupite ii Pathian, Topa Biakinnpi thiangthosak vun. Biakinnpi a ninsak te theampo Biakinnpi pan heam vun.

2 Khangtaanghthu 30:17

Mipite tam mama sia a zeksa om bangin thiang ngawl ahi hu in Paisan Poai tuute ngo thei ngawl ahikom amate taangin Levi te in ngoin Topa tungah tuuno te aap uh hi.

2 Khangtaanghthu 30:19

“Ka taanghpupite ii Pathian, Topa awng, a zeksa om bangin thiang ngawl ahitazong a thinsung theampo taw nang hong bia amate tungah na thin phatna taw maisak in,” ci hi.

2 Khangtaanghthu 35:6

Noma in Paisan Poai atu in tuunote le kealte ngo tu nu hi. Tu in Topa ii Moses tungah a piak thuhilnate Israel na mipuite ii a zui thei natu in noma le noma a zeksa om bangin kithiangsak vun a, sangaw biakpiaknate pia tu in kinging vun,” ci hi.

Job 1:5

A anneakpoai khuavak ni zing simin Job sia zingtuung in tho a, a tate khat sim a thiansua natu in sangaw biakpiakna vawt hi. Ama in hi bangin vawt tawntung hi, banghang ziam cile a tapate khat po in, a tupkhol ngawl bul Pathian a simmawkna taw in khialna nei tha thei tu hi ci in, a ngaisut hang hi.

Psalm Late 19:5

a lungdam zinei pa bangin zingsang in hong pusuak hi, tai kidem tu a lawp kimai thiamte bang ahi hi.

Pusuana 19:10

Topa in ama tungah, “Mipite kungah va pai ta'n a, biakna pia tu in tuni le zing ciang a kithiansua natu in son in. A puante sawp hamtang in,

Pusuana 19:15

tuaciang Moses in amate tungah, “Thai ciang atu kinging khol tavun a, hi hun sungin numei le pa omkhopna nei heak vun,” ci hi.

Pusuana 19:22

Kei kung hong pai tu thiampite zongh a kithiansua phot kul tu hi, a kithiansua buale daan ka pia tu hi,” ci hi.

Joel 1:14

Antan natu thupia vun; kikhoppi khat sam vun! Lampuite le Judah mi theampo Topa na Pathian Biakinnpi sungah khawmtua in, ama ko in au vun!

Matthew 21:16

Tua ahikom amate in Jesus munah, “Amate in bang teng ci ziam, na za ziam?” ci in dongh hi. “Ka za takpi hi, laithiangtho sungah sim ngeingawl nu ziam? ‘A cialcing pokna a pia thei tu in Patangte le nausente na sinsak zo hi,’ ” ci in Jesus in zo hi.

Matthew 9:15

Jesus in, “Mopoai sungah zi neipa a om lai teng a leangnate khuangai thei tu in na um uh ziam? Ni khat ni ciang zi neipa amate sung pan kila tu a, tuasia ciang amate an tang tu uh hi.

1 Corinth te 7:5

Hun khat sung thungetna in hun na zak thei natu uh thukimna nei masa na hi bua na uh le, khat le khat na kinial heak vun; ahihang tua zawkciangin nupa ngeinate zom kik vun. Hi bangin hi le uhte pumpi kitek laakna hangin, a piang Satan ze etna na lel natu uh pan kikeam zo tu nu hi.

Joshua 7:13

Thoto in! Mipite thiansua in a, ka mai ah hong pai tu in kingingsak in. Zing ciang a kinging kholsa in a om natu son in, banghang ziam cile Kei, Israel ii Topa, Pathian in hi teng son tu ka nei hi: ‘Israel awng, suksiat tu a thu kong piak vanh pawlkhat la nu hi! Hi nate na suksiat uh mateng na ngalte na zo buatu uh hi.’

Joshua 8:35

Moses ii thupiakte theampo, numei, patang, ngamdangmi, amate sung a teangte zongh a kihel, a kikhawm buppi tungah Joshua in sim siat hi.

1 Samuel 16:5

Ama in, “Hi hi, Topa tungah sangaw biakpiakna khat vawt tu in kong pai hi. Kithiansua vun a, hong pai tavun,” ci in zo hi. Ama in Jesse le a tapate zongh amate le amate kithiansua tu in sawl a, sangaw biakpiakna munah sam hi.