Joel 2:13 - Syin Chin Bible

¹³ Na thin tapthapna taw in na heena lak vun; na puansilh balthapna bek sia kicing ngawl hi,” ci hi. Topa na Pathian kungah pai kik vun. Ama cingh a, hesuakna taw kidim hi; ama a thinsau a, a kamciam len hi; ama in khialna mawna maisak tu le daan piak ngawl tu in kinging tawntung hi.

Joel 2:13 Iomraidhean Croise

Pianciilna 37:29

Reuben hong theng kik a, tuikhuk sungah Joseph a mu ngawl ciang khuangai in a puan balkeak hi.

Pianciilna 37:34

Jacob khuangai in a puan balkeak a, khau-ip puan silh hi. A tapa hangin khuangai a ngei hialma kaikut hi.

2 Samuel 1:11

David khuangai in a puan eaukeak a, a mite theampo tuabang ma in ngamta uh hi.

1 Kumpite 21:27

Elijah ii a pau tu teng a man ciang Ahab in a puansilh lai te baltham in, suut a, khau-ip puan silh hi. Ama in an ne ngawlin khau-ippuan te taw lum a, mainuu in thin lalin vavak hi.

2 Kumpite 22:11

Kumpipa in laibu a kisim sia thu a zaak ciang, thinnop ngawlna taw a puan eaukeak a,

2 Kumpite 22:19

tuaciang Jerusalem le a mite daan piak tu ka tawn na te na zaak ciang kisiik kikin kiniamkhiakna taw ka mai ah na puansilh eaukeak in kap ni hi. Mit mu bek zongin a lauhuai mama na mun ka suaksak tu a, mihingte in tua mun ii min sia haamsiatna kammal in a zangh tu hi. Ahihang na thungetna hong za zo khi hi,

2 Kumpite 5:7

Israel kumpipa in tua laithak a sim ciangin, thinkiamna taw a puante eaukeak in, “Bangbangin Syria kumpipa in hisia pa damsak thei tu in kei hong um ziam? Nuntakna le thina tungah vaang a nei Pathian vei hong sa ziam? Ama kei taw kihau nuam in hanciam ahi hunlam kician hi!” ci in au hi.

2 Kumpite 6:30

Kumpipa in hi thu a zaak ciang a khuangai in a puansilh lai eautham hi, tuaciang ama kung nai ah a pai mite in a puansilhte ii sungsang ah khau-ip puan a silh sia mu uh hi.

2 Khangtaanghthu 6:27

Oh, Topa awng, vantung panin ngai in a, na naseamte le Israel mite ii mawna khialnate na maisak in, tuaciang a maan a sep natu amate na hil in. Tuaciang Oh Topa, na mite ii a tawntung a neisa tu in na piak hi na leitang tungah nguatui puak in.

Nehemiah 9:17

Na thu ni nuam ngawl a; na nasep sate theampo amate in mangil uh hi, na vawtsa nalamdang laknate mangil uh hi. Saltanna Egypt ah a heakpui kik tu in, kiphatsakna taw amate in lampui khat teal uh hi. Ahizong nangma in maw maisak Pathian na hi a; thuthiamna le itna nei in na thin uai hi. Na hesuakna lian a; amate na nusia bua hi.

Job 1:20

Tuasia ciang Job dingto a, khuangai in a puansilh teng baltham hi. A sam meet a, lei ah bokcip hi.

Psalm Late 103:8

Topa in hong hesuak a hong it in, thin uuk hak a, itna kip taw kidim hi.

Psalm Late 106:45

Amate atu in a thuciamna phawk a, ama ii itna lianpi hu in amate maisak hi.

Psalm Late 34:18

Topa in a thinkiam mihingte taw a kinai in om a, lametna a nei nawn ngawlte hun hi.

Psalm Late 51:17

Pathian dei sangaw biakpiakna sia a kiniamkhiak thinsung ahi hi; Pathian awng, a kiniamkhiak le a kisiik kik thinsung na nial bua hi.

Psalm Late 86:15

Ahihang Topa awng, nang sia, a hesuak thei le a it thei Pathian na hi a, a thin uai tawntung, a dik tawntung le a thumaan tawntung na hi hi.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 58:5

An na tan ciang noma le noma ngim kipia na hi uh hi; lopate bangin na lu na kunsuk uh a, na lup natu in khau-ip puan le vutte na pha uh hi. Tua sia an tang na ci uh sia ahi ziam? Tuasia taw lungkim tu in nong um uh ziam?

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Jeremiah 36:7

Topa in a lauhuai thin uukna le a thinsona taw hi mihingte tawng zo ahikom amate in Topa tungah thu ngenin, a tatsiatnate panin kikheal thei tha tu uh hi.”

Jeremiah 41:5

Shechem, Shiloh le Samaria panin mihing sawmliat hong theng uh hi. Amate sia a khamul uh meetin a puan uh eaukeak in, amate le amate tetek kiliamsua ngawp uh hi. Amate in Biakinnpi ah piak tu in antang le paaknamtui keng uh hi.

Jeremiah 42:10

‘Hi ngam ah na teang suak nuam uh le, kong laamto tu a, kong lalsak buatu hi; kong phut tu a, kong phaikeak buatu hi. Siatna kong thetsak sia in hong heesak mama hi.

Ezekiel 9:4

“Jerusalem khuapi bup sungah va pai ta'n a, khuapi sungah a kivawt, a kiihuai nate theampo hu in, a khuangai a thinngim theampo ii talki tungah tepteena vawt ta'n,” ci hi.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Jonah 3:9

Pathian a thin kheal kik tha tu hi; a thin uukna thaisak tha tu a ih thi buatu hi!” ci hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Nahum 1:3

Topa thin uuk papaih ngawl a, ahihang ama vaanglian in a maw a khial te daan pia ngawlin tha thong ngeingawl hi. Topa paina munah vuipi suangval va a; meeite sia a peang taw a sina pan a leang leivui khute ahi hi!

Mi Simna 14:18

‘Keima Topa sia thin uuk hak a, itna lian le thumaanna a lak, mawna le leedona a maisakpa ka hi hi. Ahizong a pate mawna hangin tate le tute tungah khang thum, khang li dongin daan ka pia tu hi’ ci in nong ciamsate taangtungsak in.

Romete 2:4

Tua ahibuale ama ii cikna, thiamna le dual zawknate zawnsak vawt na hi uh ziam? A tatakin Pathian cingh mama hi, banghang ziam cile na kisiik kik natu in ama in hanciam in lam hong pui hi.

Ephesus te 2:4

Ahihang Pathian ii hesuakna sia kicing lawlawm a, tuaciang eite hong itna sia lian mama hi.

1 Timothy 4:8

Pumpi thasaalin kisinna in phatna pawlkhat nei hi, ahihang thaa thu ah kisinna in, tu hun le maisang hun atu nuntakna ahikom manpha zaw pek lai hi.