Joel 2:12 - Syin Chin Bible

¹² Topa in “Ahihang tu mama zongh in, thintak taw kisiik kik in kei kungah an tanna, kaana le mauna taw hong heak kik tavun.

Joel 2:12 Iomraidhean Croise

2 Samuel 24:10

Ahihang David in mi simna sazian a laaksak zawkciang ama kithasungin a thin hong ngim a, Topa munah, “Hi nasep ka sep sia maw mama khi hi! Nong hesuakna in hong maisak ta'n. Mawmawt nasep a seam hi thong khi hi,” ci hi.

2 Khangtaanghthu 30:6

Kumpipa le a uliante ii thu piakna om bangin Judah ngam le Israel ngamsung theampo ah kamtaite paisak kawkoai in hi bangin samsak hi: “Israel mite awng, Assyria te ii hong zawthalna ngam pan na suakta uh hi. Tu in Abraham ii Pathian, Isaac ii Pathian, Jacob ii Pathian, Topa zuan kik tavun, tuaciang ama zongh no kung hong zuan kik tu hi.

2 Khangtaanghthu 6:27

Oh, Topa awng, vantung panin ngai in a, na naseamte le Israel mite ii mawna khialnate na maisak in, tuaciang a maan a sep natu amate na hil in. Tuaciang Oh Topa, na mite ii a tawntung a neisa tu in na piak hi na leitang tungah nguatui puak in.

Esther 4:16

“Pai in a, Susa khuapi sungah a om Jew mi theampo khawm in; antang in kei atu thu hong ngetsak tavun. Sun thum le zan thum sung an ahizong tui ahizong bangma ne heak vun. Ka khangmoi numeite le keima zongh tuabang ma in ka na vawt tu uh hi. Tua zawkciang, upadi bang ahibuatazong kumpipa kungah ka pai tu hi. Tuabang ka pai hu in ka thi a kul le zong a thi ka hi tu hi” ci hi.

Pusuana 33:5

Amate tungah Moses ii a son natu in Topa in, “Note sia mihing thinpuite hi nu hi. Note taw tawmveino sung ih kithawl bek zong kong mon tha tu hi. Tu in na suangmanpha kizepnate suut vun, tuaciang note tungah ka sep tu sia ka khensat tu hi,” ci in a thupiak hang hi.

Isaiah 22:12

Tuaciang Vaanglianpipa Topa, Vaanglianbelpa in a kap tu a mau tu le sam meettol in, khau-ip puan silh tu in note hong sam hi.

Isaiah 58:4

Na an tanna in nang hong ngoltolsak a, ngual taw kihau in hong kibuansak hi. Hi bang an tannate nam taw nong thungetnate ngai tu in nong um uh ziam?

Jeremiah 3:22

Topa kung pan a puapial note theampo awng, heak kik tavun; ama in note hong damsak tu a, thumaan hong suaksak tu hi. Note in, “Hi hi, ama in ih Pathian ahi manin eite Topa kungah ih pai hi.

Jeremiah 36:7

Topa in a lauhuai thin uukna le a thinsona taw hi mihingte tawng zo ahikom amate in Topa tungah thu ngenin, a tatsiatnate panin kikheal thei tha tu uh hi.”

Jeremiah 4:1

Topa in, “Irsael mite awng, na kiheak nuam uh le, kei kungah hong heak kik tavun. Ka tungah nong thumaan a, ka ngaimawk milimte na vawk uh le,

Jeremiah 4:2

ka min suang a na kiciam tu uh sia no atu in a maan hi tu hi. Tuasia ciang minam theampo in amate thupha ka piak natu hong ngen tu uh a, kei hong pok tu uh hi,” ci hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Daniel 9:3

An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Hosea 12:6

Tua ahikom tu in Jacob suan le paalte awng, na Pathian muang vun a, ama kungah heak kik vun. Pathian tungah citakin thutang vun, tuaciang na Pathian ii note atu hong sep tu sia thinsau takin ngak vun.

Hosea 12:7

Topa in, “Israel mite sia Canaan mite bangza ma in thumaan ngawl uh hi; amate in vanh leite toaisuang maan ngawl taw theam thanuam uh hi.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 6:1

Mite in, “Topa kungah heak kik tawng! Ama in ei hong liamsak zo a, ahihang ama in hong damsak kik nanak tu hi; ama in hong liamsua zo a, ahihang ama in ih liammate hong tuamsak tu hi ngawl ziam?

Joel 1:13

No, biaknatau ah naseam thiampite awng, khau-ip puan silhin kap vun! Biakinnpi sungah tumin, zankhuateak khuangai vun! Na Pathian na piak tu uh antang, ahibuale sapittui om ngawl hi.

Zechariah 7:3

thiampite le kamsaangte tungah hi bangin thu dongh tu in paisak hi, “Biakinnpi a kilalsak hu in kum tam mama sung ka vawt sa uh bangma, tu in a tha nga tha in, an tanna taw khuangai in om lai tu khu ziam?” ci hi.

Zechariah 7:5

Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n.

Malachi 1:9

Tu in no thiampite awng, ei tungah Pathian hong dik natu in hong ngen ka sin vun. Ama in na thungetna hong zo ngawl tu a, tua in noma mawna hi tu hi.

Sawltakte 26:20

A masa phitbel in Damascus le Jerusalem ah, tua zawkciangin, Judea ngam bup le Gentile te sungah, amate in a mawnate kisiik nanak a, Pathian sangah kiheak in, a kisii kikna thu a lak tu nasepte a sep natu in, thu ka hil hi.

Thukhente 2:4

Vantunglalang in hi teng a ci zawkciang, Israel mite theampo kap hi,

Thukhente 20:26

Tuasia ciang Israel mite theampo Bethel ah pai in tau uh hi. Amate Topa ii ompuina tua munah to in, nitak dong an a ne bua uh hi. Amate in pawlkhop sangaw biakpiakna le meihal sangaw biakpiakna pawlkhat a bupin hal uh hi — tua theampo Topa mai ah vawt uh hi.

1 Samuel 7:3

Samuel in Israel mite munah, “Na thinsung theampo taw Topa sangah na kihei tu uh le, ngamdang pathiante le Astarte numeipathian ii limte na vawk siat uh kul tu hi. Topa tungah noma le noma kipum aapna nei vun a, ama bek bia vun, tuaciang ama in Philistine te khut sung pan hong suatak tu hi,” ci hi.

1 Samuel 7:6

Tua ahikom amate theampo Mizpah ah kikhawm uh hi. Amate in tui tawm toai a, Topa biakpiakna in tua tui sung in, tua ni bup an tang uh hi. Amate in, “Topa tungah maw zo khu hi,” ci uh hi. (Israel mite sungah kamtam kinialnate Samuel ii a khensakna mun sia Mizpah ahi hi.)