Joel 2:11 - Syin Chin Bible

¹¹ Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Joel 2:11 Iomraidhean Croise

Psalm Late 18:14

Ama in a thaltangte hong kap a, a ngalte kithethaangsak hi; khualeng tee vazialte taw amate taisak hi.

Psalm Late 46:6

Minamte lau uh a, kumpi ngam liinglawng hi. Pathian aw ngingin, tuaciang leitung tuitham hi.

Psalm Late 68:18

Ama in a saangna munte ah kaato a, a ngalmat sa tam mama tonpui hi; ama in a leedo mite tung panin letsong saang hi. Tua munah Topa Pathian teang tu hi.

Isaiah 13:4

Mualtung ngamlumna — mihonpite aw, a kikhawm tua minamte le kumpi ngamte ii ngamlumna awte ngai vun. Ngalkaphonpite ii Topa in a ngalkapte ngalsim tu in kithoaisak hi.

Isaiah 42:13

Topa sia ngalhang pa bangin ngalsim tu in kuan hi; Ama sia ngal do tu lawpin kinging hi. Ama in ngal phawngin au a, hanla sam hi; Ama in a ngalte tungah a vaangletna lak hi.

Isaiah 7:18

“Tua hun hong thet ciang Egypt te atu, Nile ngunnaak a khuala belna pan tho bangin hong pai natu le, Assyria te atu in amate ngam pan khuai bangin hong pai natu, a limlakna in, Topa in phiit tum tu hi.

Jeremiah 25:30

“Jeremiah awng, ka son theampo nangma in taangko tu ni hi. Hi mihingte tungah, ‘Topa in vantung panin hawk tu a, vantung a saangna panin vanto tu hi. Ama in a mite hawksan tu a; sapitnga a cilpa khat bangin ama au tu hi. Leitung ah a om theampo in ama aw za tu a,

Jeremiah 30:7

A lauhuai mama ni khat hong theng tu a; nidang taw kitee thei ngawl tu hi — ka mite ii ngimna thuak hun hi tu a, ahihang amate suakta veve tu uh hi,” ci hi.

Jeremiah 50:34

Ahihang amate a suatak tu pa sia thahat a — ama min sia Vaanglianbelpa Topa ahi hi. Ama mama in amate vai teng vaansak tu a, leitung ah kilemna thengsak tu hi, ahihang Babylon mite tungah ngimna thengsak tu hi,” ci hi.

Ezekiel 22:14

Na tungah kong vawt tu teng ka man zawkciang na khut uh laamto zo tu in hanna, ahibuale hatna a khom nei lai tu in na ki um uh ziam? Keima, Topa in ka pau zo a, ka pau bangin ka ngamta hi.

Joel 1:15

Topa ni nai hi; Vaanglianbelpa ii siatna hong tunsak tu ni ahi hi. Tua ni in bangza launa piang tu ziam!

Joel 1:6

Khaumaw ngalkaphonpi khat in ih ngam hong sim hi; tuate thahatin tam leih a, kisim zo ngawl hi; a hate tawpi ha bangin hiam hi.

Joel 2:1

Lemle tum vun; Pathian mual thiangtho Zion tungah patau daak tum vun, Judah mite awng, liing vun! Topa ni hong theng pal tu hi.

Joel 2:2

Tua ni sia khuatuapin, a zing le meeivom kaai ni khat hi tu hi. Mualte tungah khuazing kizel bangin khaumaw ngalkaphonpi in maisang nawk hi. Hi bang peuma om ngeingawl a, om kik ngei nawn ngawl tu hi.

Joel 2:25

Khaumaw honte ii na lo an hong neaktumsak kumte sungah na sup uhte kong pia kik tu hi. Hi khaumaw honpi hong puak sia keima khi hi.

Joel 2:31

A lian le a lauhuai Topa ii ni hong pai ma in, ni kimialsak tu a, tha zongh chi bangin san tu hi.

Joel 3:14

A tul a tulin Thukhenna Kuam sungah om uh hi. Tua munah Topa ii ni hong theng pal tu hi.

Joel 3:16

Zion mual pan Topa hawk hi; Jerusalem pan a aw vanto bangin nging a; van le lei liing hi. Ahihang ama in a mite sungsia tu hi.

Amos 1:2

Amos in, “Topa sia Zion mual pan hawk a; Jerusalem pan a aw sia hong nging keak hi. Ngan thana munte ko a, Carmel mual a lopate vul hi,” ci hi.

Amos 5:18

Topa ni ngaingam in a ngakla note atu in bangza in lauhuai tu ziam! Tua ni in note bang phattuamna hong pia tu ziam? Note atu in tua sia khuavak ni hi ngawlin khuazin ni hi tu hi.

Amos 5:20

Topa ni in khuazing hong paipui tu a khuavak hong paipui ngawl tu hi; tua ni sia maitaina om ngawlin lungzin ni khat hi tu hi.

Obadiah 1:15

“Keima, Topa in Minamte theampo tungah thu ka khen tu ni nai zo hi. Edom awng, na ngamtatna bangin nang hong kivawt tu hi. Na piak bangin na nga kik tu hi.

Nahum 1:6

Ama a thin uuk ciang akua nungta zo lai tu ziam? A lauhuai mama a thinsona ah akua nungta zo nawn tu ziam? A thin uukna meikuang tha suk a; suangte tamhthamin ama ii mai ah leivui suak hi.

Malachi 3:2

Ahihang ama ii hong pai ni ciang, akua peuma in thuak zo tu hi ziam? Ama hong kilangh ciang akua nungta zo tu ziam? Ama in a pha satpia le thik a thiangsak meikuang taw kibang hi.

Mi Simna 24:23

Balaam in hi bang kamsaanna pualaak hi: “Sak sangah a kikhawm hi mihingte a kuate ziam?

1 Thessalonica te 4:16

Vantunglalangte sung pan a lianbel sia ii aw taw thupiak auna, Pathian lemle aw om tu a, tuaciang Topa ama mama vantung pan hong tuaksuk tu hi. Christ um a, a thite hong tho masabel tu a,

Thupualaakna 18:8

Hisia hu in ni khat ni ciang ama in ngimna liante ahi — natna, heena, kial tunna, thuak tu hi. Ama thu a khen Topa Pathian sia thahat ahikom, ama sia mei taw kihal tu hi.”

Thupualaakna 6:17

Amate ii thin uukna a kiitakhuai mama ni sia hi sungah hong theng a, akua in thuak zo tu ziam?” ci uh hi.