Joel 2:1 - Syin Chin Bible

¹ Lemle tum vun; Pathian mual thiangtho Zion tungah patau daak tum vun, Judah mite awng, liing vun! Topa ni hong theng pal tu hi.

Joel 2:1 Iomraidhean Croise

1 Khangtaanghthu 15:28

Tuabangin Israel te theampo in Thuciamna Thingkuang sia lungdamna taw au in lemle, sakii, daalkopsai le tengtonghte tum kawmin Jerusalem khua ah tonpui uh hi.

Psalm Late 119:120

Nangma hu in ka lau hi; na thukhennate hu in launa taw ka kidim hi.

Psalm Late 87:1

Mual thiangtho tungah Topa in ama ii khuapi saat hi;

Pusuana 10:14

Khaumawte a hon a hon in hong theng a, Egypt ngamsung bup ah teang hi. Tua in a kimu ngeingawl le a kimu kik ngeingawl tu khaumaw hon tambel ahi hi.

Isaiah 13:6

Na sa in kap keak vun! Vaanglianbelpa ii sukcip tu ni, Topa ni, hong nai hi.

Isaiah 13:9

Topa ni — a kiitakhuai, a thin uuk, a thinso vilvel, ni ngilo ni hong theng tu hi. Leitung sia dui kisuaksakin, mawnei theampo kilalcipsak siat tu hi.

Isaiah 2:12

Tua ni ciang Vaanglianbelpa Topa in a vaanglian theampo le, a kiphasakte, a kiliansakte theampo niamsuksak tu hi.

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Isaiah 66:5

No, ama kiita in a thu a nite in, Topa ci bang ngai vun: “Kei tungah nong thumaan hu in, na mite sung pan ma in pawlkhat sia note hong ensan in bangma hong heang ngawl tu hi. Amate in no hong nunau in, ‘Lungdam takin na nuntak uh kong mu thei natu uh in, Topa in a letna hong lak hen a, hong ngum tahen’ hong ci uh hi. Ahihang amate mama maimawl tu uh hi!

Jeremiah 16:10

“Hi thu teng amate tungah na son ciang, amate in, banghangin keima in daan nasia mama piak tu in khensat khi ziam ci sia nangma hong dongh tu hi. A khialna lian sia a bang hi a, Topa, a Pathian tungah bang mawna khialna vawt ziam ci sia amate kidongh tu uh hi.

Jeremiah 16:7

A it khat a thi ciang heenepna in, kuama in ama tui le an neak pui ngawl tu hi. A pa ahibuale a nu a thite ngawngawn kuama in khuangai pui ngawl tu hi.

Jeremiah 4:5

Ngamsung theampo ah lemle tum vun! A nging le a kitelthiangin au vun! Judah mite le Jerusalem khua mite tungah a muanhuai khuapite ah a tai natu son vun.

Jeremiah 5:22

Keima in Topa ka hi hi; banghang hong kiita ngawl nu ziam? Banghang ka mai ah liing ngawl nu ziam? Tuipi ii ngamngi tu in sen ka koi a, tui ii kaantan zawk ngawl a tawntung a kho ngamngi ahi hi. Tuipi a kilok hial zong kaantan zo ngawl tu a; tuihualte a hawk ngawp zong phultan zo ngawl tu hi.

Ezekiel 12:23

Tu in Kei Vaanglianpipa Topa in tuasia huvau ka ci nop sia amate munah son in. Tua paunak sia ka bosak tu hi. Tuasia Israel ah kison kikik ngawl tu hi. Tuasia sangin hi bang sonzaw in: a hun hong theng zo hi, sonkholnate hong taangtung tu hi!

Ezekiel 21:12

Thasiatna taw au in, a thithei mihing awng; hi namsau sia keima mite tung le Israel lampuite tungah a kizangh tu ahi hi. A taanglai ka mite theampo taw cipin amate kithatlum tu hi. Thinkiam in na awm beang in!

Ezekiel 30:3

A ni hong nai zo hi, Topa ii a dian tu ni hong nai zo hi. Minamte atu in meeikaai ni le ngimna ni hi.

Ezekiel 33:3

Ngalte hong nai a mu ciang a kidop thei natu in ama in patau daak tum hi.

Ezekiel 33:6

Ahizong ngalvilpa in ngalte hong pai mu napi, patau daak a tum buale ngalte hong pai in tua mawneite that tu uh hi, ahihang mawneite thina sia ngalvilpa ka mawsak tu hi.

Ezekiel 7:10

Israel atu in tuasiatna ni hong theng tu hi. Ngoltol ngamtatna pung vaial hi. Kiphatsakna sia a saangbel mun theng hi.

Ezekiel 7:12

A hun hong theng hi. Vanh lei vanh zuak sia khiakna a nei nawn ngawl tu ni hong nai hi, banghang ziam cile Pathian ii daan piakna sia a kuama theampo tungah a kibangin tung tu hi.

Daniel 6:26

Ka kumpi ngamlian sung a om mihingte theampo in Daniel ii Pathian a kiitak natu le a zatak natu in thu ka pia hi. “Ama in a nungta Pathian hi a, a tawntungin uk tu hi. A ngam kisiasak ngeingawl tu a, a vaangletna bo ngeingawl tu hi.

Daniel 9:16

Nidang in kote nong huu zo hi, tua ahikom Jerusalem tungah hong thin uuk nawn heak in. Tua in na khuapi, na mual thiangtho ahi hi. Kote ii mawna khialnate le ka taanghpupite ii tatsiatna hangin ka kiim ka paam ngamte theampo in Jerusalem le na mite hong nomu uh hi.

Daniel 9:20

Keima mawna khialna le Israel ka mite ii mawna khialna pualaak in thu ka ngen tan a, Topa ka Pathian tungah a Biakinnpi thiangtho a ngeina bangin a pua kik natu tatsat ngawlin hesuak ka ngen hi.

Hosea 5:8

Gibeah ah ngal dona lemle tum vun! Ramah ah patau daak saat vun! Bethaven ah minsial vun. Benjamin mite awng ngal simin kuan vun.

Hosea 8:1

Topa in, “Patau daak tum vun! Ngalte muvanlai bangin ka ngam sungah hong suktun hi! Ka mite in amate taw ka vawt thuciamna paltan a, ka hilna langpan hi.

Joel 1:15

Topa ni nai hi; Vaanglianbelpa ii siatna hong tunsak tu ni ahi hi. Tua ni in bangza launa piang tu ziam!

Joel 2:11

Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Joel 2:15

Zion Mual ah lemle tum vun; antan natu thupia vun a, mipi kikhop sam vun!

Joel 2:31

A lian le a lauhuai Topa ii ni hong pai ma in, ni kimialsak tu a, tha zongh chi bangin san tu hi.

Joel 3:14

A tul a tulin Thukhenna Kuam sungah om uh hi. Tua munah Topa ii ni hong theng pal tu hi.

Joel 3:17

“Tuasia ciang Israel awng, keima in Topa na Pathian ka hi hunlam nong he tu uh hi. Ka mual thiangtho Zion tungah ka teang hi. Jerusalem sia khuapi thiangtho khat hi tu a; ngamdangte in tuasia zothal kik ngeingawl tu uh hi.

Amos 3:6

Khuapi sungah khua mite a lausak ngawl tu ngal patau lemle a kitum om na ziam? Topa in a puak buale khuapi khat ah tuasiatna theng tu ziam?

Amos 5:18

Topa ni ngaingam in a ngakla note atu in bangza in lauhuai tu ziam! Tua ni in note bang phattuamna hong pia tu ziam? Note atu in tua sia khuavak ni hi ngawlin khuazin ni hi tu hi.

Amos 8:2

Topa in, “Amos awng, bang mu ni ziam?” ci in hong dongh hi. “Thingnga a dim khum khat” ci in ka zo kik hi. Topa in kei tungah, “Israel ka mite atu in a tawpna hong theng zo hi. Amate daan ka piak tu huvau ka thin ka kheal kik buatu hi.

Obadiah 1:15

“Keima, Topa in Minamte theampo tungah thu ka khen tu ni nai zo hi. Edom awng, na ngamtatna bangin nang hong kivawt tu hi. Na piak bangin na nga kik tu hi.

Zephaniah 1:14

Topa ii Ni a thupi sia hong nai zo hi — hong nai mama zo a, manlang takin hong theng tu hi! Tua ni in a thuak hak ni hi tu hi, banghang ziam cile, ngalkap hangsan belte zongh thinkiamin kap tu hi!

Zephaniah 1:16

Luphungte taw a kidal khuapite le tausaangte a sim ngalkapte ii ngal kisimna awnging le ngal lemle aw taw a kidim ni hi tu hi.

Zephaniah 1:7

Topa thukhen tu ni hong nai zo hi; tua ahikom ama mai ah thim dide in om vun. Topa in a mite pum aap siat tu in kithoai a, Judah a suttol tu in ngalte sam hi.

Zephaniah 3:11

Tua hun ciang, kei nong langpan huvau in no ka mite in na maizum tu kul nawn ngawl tu uh hi. A kiphasak le a kisathei theampo ka heam tu a, ka mual thiangtho tungah kei nong do kik ngei nawn buatu uh hi.

Zechariah 14:1

Topa sia thukhenin a to tu ni nai zo hi. Tuaciang Jerusalem kiphuul tu a, na mu tangin a vanh laakte kihawm tu hi.

Zechariah 8:3

Ka khuapi thiangtho Jerusalem ah ka cia kik tu a, tualai ah ka teang tu hi. Tua khuapi sia a citak khuapi kici tu a, Vaanglianbelpa Topa mual sia a thiangtho mual kici tu hi.

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Mi Simna 10:2

“Mipite kikhop tu sapna le ngiaphual phel natu zaaksakna a zak tu in sek taw a kiseak ngunn taw lemle nii vawt in.

Mi Simna 10:3

Lemlete nii, awsau in a kitum ciang keima ompuina Puanbuk tumna kongbiang, nangma kiimkot ah taangpi bup kikhawm tu uh hi.

1 Corinth te 14:8

Tuaciangin ngalkap sungah lemle tumpa in, sapna aw a kitel takin, a tum buale akua ngalsim tu in kinging thei tu ziam?

Philippi te 2:12

Tua ahikom ka itte awng, no kungah kong om lai in ka thu nong nit tawntung uh bangma in, no taw kong omkhop ngawl ciang ngawngawn in, ka thu nong nit tu uh sia thupi zaw lai hi. Na ngupna a cingtaak natu in launa le liinna taw na seam tan tavun,

1 Thessalonica te 5:2

Banghang ziam cile noma ma in Topa Ni sia, zan lai a, nguta khat hong pai bang in, hong pai tu hi, ci in a pha tak na he uh hi.

James 5:8

No zongh na thin uh a sau kul hi. Na lametna uh saangsak vun, banghang ziam cile Topa ii hong pai tu ni hong nai zo hi.

1 Peter 4:7

Na theampo a bo natu hun hong nai zo hi. Thu na nget thei natu in noma le noma ki uk thiamin, na pilvang tavun.

Thupualaakna 6:17

Amate ii thin uukna a kiitakhuai mama ni sia hi sungah hong theng a, akua in thuak zo tu ziam?” ci uh hi.