Joel 1:2 - Syin Chin Bible

² Khanghaamzawte awng, nadon vun; Judah ngamsung a om mihing theampo awng ngai vun. Hi bang thu peuma noma khan sung ahizong na taanghpupi te khan sung ahizong a piang ngei ziam?

Joel 1:2 Iomraidhean Croise

Job 12:12

Pasal haamte in ciimna nei hi, ahihang Pathian in ciimna le vaangletna nei hi. Pasal haamte in thuthuk mu hi; Pathian in thuthuk muna le vaangletna nei hi.

Job 15:10

Ka ciimna uh sia na pa ii pian ma in a piangte — puakkaang sa mite tung pan ka heak uh hi.

Job 21:7

Banghangin Pathian in misia te a huai dong a nuamsa in nungtasak ziam?

Job 8:8

Taanghlai hun a ciimna kan pak in; ih taanghpupite heak thumaan thutak te ngaisun in.

Psalm Late 49:1

A kuama po in hi thu za vun! Mun theampo a om mihingte awng,

Isaiah 34:1

Minam theampo te awng, hong pai tavun! Hong kikhawm tavun a hong ngai tavun. Leitung buppi le leitung ah a teang mihingte theampo hi lai ah hong pai in thu ngai hen.

Isaiah 7:17

“Judah ngam pan Israel kumpi ngam a kikhen zawk a, a tung ngeingawl ngim ngana nite sia Topa in nangma, na mite tung le kumpi innkuan bup tungah tungsak tu hi — ama in Assyria kumpipa hong puak tu hi.

Jeremiah 30:7

A lauhuai mama ni khat hong theng tu a; nidang taw kitee thei ngawl tu hi — ka mite ii ngimna thuak hun hi tu a, ahihang amate suakta veve tu uh hi,” ci hi.

Jeremiah 5:21

No, a ngaisun thei ngawl a nangh mi mawmawte, mit nei napi a mu thei ngawlte, bil nei napi a za thei ngawlte awng, ngai vun.

Daniel 12:1

Puanneal a silh vantunglalang in, “Tua hun laitak na mite a cing, a lian vantunglalang Michael kilangh tu hi. Tua zawkciang minamte hong pianciil pan kipan a om ngeingawl a nasiabel ngim ngana hun theng tu hi. Tua hun a thet ciang Pathian ii laibu sungah a min a ki at, na ngammite theampo kingum tu hi.

Hosea 4:1

Hi ngam sungah a teang mite tungah Topa in mawsakna khat nei hi. Israel awng, ama pauna ngai vun: “Hi ngam sungah thumaanna hikale ki itna hikale om ngawl a, mite in keima Pathian in hong saang ngawl hi.

Hosea 5:1

“No thiampite awng, hi thu ngai vun! Israel mite awng, nadon vun! Kumpi bangkua sung a omte awng, ngai vun! No sia, thutang khen tu in hong kituat ahiciang — no tungah thukhenna hong theng tu hi! Note in Mizpah ah thaang khat, Tabor mual tungah ngen kikhak khat,

Joel 1:14

Antan natu thupia vun; kikhoppi khat sam vun! Lampuite le Judah mi theampo Topa na Pathian Biakinnpi sungah khawmtua in, ama ko in au vun!

Joel 2:2

Tua ni sia khuatuapin, a zing le meeivom kaai ni khat hi tu hi. Mualte tungah khuazing kizel bangin khaumaw ngalkaphonpi in maisang nawk hi. Hi bang peuma om ngeingawl a, om kik ngei nawn ngawl tu hi.

Amos 3:1

Egypt ngam pan minam bup in ama ii hong pusuasak Israel mite awng, note huvau Topa pauna hi thu ngai vun:

Amos 4:1

A thaneamte vawtsia a, mizawngte a nengniam, na pasalte ii zuhang hong piak tan tu a ngen, pha takin a kivaak, Bashan a khuipuite bangin a thau, no, Samaria numeite awng, hi thu ngai vun!

Amos 5:1

Israel mite awng, note atu in hi mithi vuina la kong sak sia ngai vun:

Micah 1:2

No minamte theampo awng, hi thu za tek vun; simlei tungah a teang theampo awng, hi thu ngai vun! Vaanglianpipa Topa in note langkhat panin tetti pang tu hi. Ngai vun! Ama in a vantung biakinn panin son hi.

Micah 3:1

No, Israel a ukte awng, ngai vun! Note in thumaan thutang dei tu hong kimuangmaw hi,

Micah 3:9

Thukhaikim ngaimaw in, a maan sia a khial a sua, no Israel ngamukte awng, hong ngai tavun.

Matthew 13:9

“Bil nei po in za tavun!” ci in Jesus in a thuson khup hi.

Matthew 24:21

Banghang ziam cile tua hun ah ngimna sia leitung a kipat pan kipan, tuni dong a piang ngei ngimnate theampo sangin nasia zaw pek tu hi. Tuabang ngimna sia maisang zongh ah om kik ngei nawn ngawl tu hi.

Thupualaakna 2:7

“Bil na nei uh le pawlpite tungah Thaa thusonnate ngai vun! “Pathian ii huan sungah a po nuntakna thingkung ii nga sia, zawna a ngate ii a neak thei natu thu ka pia tu hi.