Joel 1:15 - Syin Chin Bible

¹⁵ Topa ni nai hi; Vaanglianbelpa ii siatna hong tunsak tu ni ahi hi. Tua ni in bangza launa piang tu ziam!

Joel 1:15 Iomraidhean Croise

Psalm Late 37:13

Ahihang Topa in mihing seksolte nuisan lel hi, banghang ziam cile amate hai ngawlin kilalcipsak tu hi ci in he hi.

Jeremiah 30:7

A lauhuai mama ni khat hong theng tu a; nidang taw kitee thei ngawl tu hi — ka mite ii ngimna thuak hun hi tu a, ahihang amate suakta veve tu uh hi,” ci hi.

Jeremiah 46:10

Tuni sia Vaanglianpipa Topa, Vaanglianbelpa ii ni hi: tuni in ama in phula tu hi; tuni in ama in a ngalte daan pia tu hi. A namsau in a kham dong amate ne tu a, a lungkim dong a chi dawn tu hi. Tuni in Vaanglianbelpa in saksang Euphrates ngunhui ah a ngalmatte biakpiakna in nei hi.

Ezekiel 30:3

A ni hong nai zo hi, Topa ii a dian tu ni hong nai zo hi. Minamte atu in meeikaai ni le ngimna ni hi.

Joel 2:11

Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Joel 2:31

A lian le a lauhuai Topa ii ni hong pai ma in, ni kimialsak tu a, tha zongh chi bangin san tu hi.

Joel 3:14

A tul a tulin Thukhenna Kuam sungah om uh hi. Tua munah Topa ii ni hong theng pal tu hi.

Obadiah 1:15

“Keima, Topa in Minamte theampo tungah thu ka khen tu ni nai zo hi. Edom awng, na ngamtatna bangin nang hong kivawt tu hi. Na piak bangin na nga kik tu hi.

Zephaniah 1:7

Topa thukhen tu ni hong nai zo hi; tua ahikom ama mai ah thim dide in om vun. Topa in a mite pum aap siat tu in kithoai a, Judah a suttol tu in ngalte sam hi.

James 5:9

Ka suapuite awng, note khat le khat tungah lungkim ngawlna taw na kiphunsan heak vun, tua hile Pathian in no tungah thu hong khen ngawl tu hi. Thukhenpa sia hong nai zo a, hong kilangh tu in kithoai zo hi.

Thupualaakna 6:17

Amate ii thin uukna a kiitakhuai mama ni sia hi sungah hong theng a, akua in thuak zo tu ziam?” ci uh hi.