Joel 1:13 - Syin Chin Bible

¹³ No, biaknatau ah naseam thiampite awng, khau-ip puan silhin kap vun! Biakinnpi sungah tumin, zankhuateak khuangai vun! Na Pathian na piak tu uh antang, ahibuale sapittui om ngawl hi.

Joel 1:13 Iomraidhean Croise

2 Samuel 12:16

David in a ta dam natu Pathian tungah thu ngen hi. Ama in bangma ne nuam ngawl a, zan simin ama ii inndoi sungah pai in suat tungah lum hi.

1 Kumpite 21:27

Elijah ii a pau tu teng a man ciang Ahab in a puansilh lai te baltham in, suut a, khau-ip puan silh hi. Ama in an ne ngawlin khau-ippuan te taw lum a, mainuu in thin lalin vavak hi.

Isaiah 22:12

Tuaciang Vaanglianpipa Topa, Vaanglianbelpa in a kap tu a mau tu le sam meettol in, khau-ip puan silh tu in note hong sam hi.

Isaiah 61:6

Note sia Topa ii thiampite, Ih Pathian ii naseamte hong kici tu hi. Note in minamte haunate na nopsak pui tu uh a, Note in amate ii hauna sia noma hauna ahikomin Na kiphatsak pui tu uh hi.

Jeremiah 4:8

Tua ahiciang khau-ip puan silh in, kapin tau vun banghang ziam cile Topa thin uukna sia Judah panin puapial ngawl lai hi.

Jeremiah 9:10

Keima in, “Mualte atu in khuangai a mau in, ngamsung lohingna munte atu in ka kap tu hi. Banghang ziam cile tua munte kongaw a, kuama khualhawin kaantan ngawl hi, ngannote haamna aw kiza nawn ngawl hi; vacimte le ngamsate tai siat zo hi,” ka ci hi.

Ezekiel 21:12

Thasiatna taw au in, a thithei mihing awng; hi namsau sia keima mite tung le Israel lampuite tungah a kizangh tu ahi hi. A taanglai ka mite theampo taw cipin amate kithatlum tu hi. Thinkiam in na awm beang in!

Ezekiel 27:31

Nang atu in amate a lu uh meettol a, khau-ip puan silh uh hi. Amate kapin a thin na sa mama uh hi.

Ezekiel 7:18

Amate in khau-ip puan silhin liing ngawp tu uh hi. A lute uh kimeet tol tu a, kimaizumsak tu hi.

Hosea 9:5

Tuaciang Topa patoai natu poaipi khaam hunte a tun ciang, amate in bang law peuma tu ziam?

Joel 2:12

Topa in “Ahihang tu mama zongh in, thintak taw kisiik kik in kei kungah an tanna, kaana le mauna taw hong heak kik tavun.

Joel 2:14

Topa na Pathian in a thin kheal tha tu a, an hauna taw nang thupha hong pia tu hi. Tuasia ciang antang le sapittui te ama na pia thei tu uh hi.

Joel 2:17

Biaknatau le Biakinnpi tumna kilaklaw a, Topa na a seam thiampite kapin thu a nget uh kul tu hi: “Topa awng, na mite hesuak in. Minam dangte in, ‘Na Pathian koisung om ziam?’ ci in hong zawngsak hong nunausak heak in,” ci tu uh hi.

Mi Simna 28:14

Piak ngengei sapittui biakpiakna sia khuital khat ciang sapittui litre 2, tuutal sia sapittui litre khat le lang le tuuno khat ciang sapittui litre khat veu taw piak tu ahi hi. Hisia kum khat tawntung tha sim, a ni khat ni in meihal biakpiakna ah zui tu ngeina ahi hi.

Mi Simna 28:4

Tuuno a khatna sia zingsang in kipia tu a, a niina sia nitakin kipia tu hi.

Mi Simna 28:7

A masa tuuno sia taw sapittui biakpiakna na piak uh bangin biaknatau ah sapittui litre khat buak vun.

Mi Simna 29:6

Hi biakpiaknate tha sim a ni khat ni in piak ngengei meihal biakpiakna le antang biakpiakna, ni sim meihal biakpiakna le antang biakpiakna le sapittui biakpiaknate belapna in pia vun. Hi an taw biakpiaknate sia Topa a lungkimsak ngimnam khat ahi hi.

1 Corinth te 4:1

Kote sia Pathian thumaan thukute a keamcing tu a, hong kikoi Christ ii naseamte hi ci in nong ngaisut tu uh ahi hi.

1 Corinth te 9:13

Biakinn sungah naseamte in Biakinnpi panin an nga a, biaknatau tungah sangaw biakpiakna seamte in, a satel nga uh hi.

2 Corinth te 11:23

Amate sia Christ ii naseamte ahi uh ziam? A mawmaw bang ka hi tha ta zong, amate sangin a phazaw naseampa ka hi hi! A nasia zaw in na ka seam a, thong zong tamvei ka taak zaw hi, tamvei hong kivel zaw a, a tamvei zaw ka thi dektak bul hi.

2 Corinth te 3:6

Lai taw ki at Thukham pan hi ngawl a, Thaa pan hong piang thuciamthak a tu in, hong seamsak thei sia ama ahi hi. A ki at thukham in thina piangsak a, ahihang Thaa in nuntakna pia hi.

2 Corinth te 6:4

Na ka sepna sung theampo ah Pathian naseamte ka hina uh ka lakna uh in, thinsau takin ngimna thuak zawkna, haksatna le buainate ka thuak kenkon zaw uh hi.

Thupualaakna 11:3

Ka tetti te nii khau-ip puan silh in, ka paisak tu a, amate in ni 1,260 sung teng Pathian ii thu vaithak thangsak tu uh hi,” hong ci hi.