Joel 1:12 - Syin Chin Bible

¹² Sapitkungte le theikungte kongaw zo hi; thingnga kungte theampo vulin thi zo hi. Mite ii lungdamna bo hi.

Joel 1:12 Iomraidhean Croise

Psalm Late 4:7

Amate ii an le sapittui a neisa theampo tungtawn a, a lungdam na sangin lungdamna a lianzaw ka thinsung ah nong pia zo hi.

Psalm Late 92:12

Thutangte palm kungte bangin limci tu hi; amate Lebanon ah Cedar thingkungte bangin khang tu hi.

Solomon ii La 2:3

Ka itbel ka lawmpa sia tangval dangte taw teengat ciang thingtang sungah apple kung khat taw kibang hi. Ama ii limh sungah ka to nuam a, a nga sia thum ka sa hi.

Solomon ii La 4:13

Tua munah thingkungte dawngin khang hi. Amate sia talee kung bangin po a, nga pha belte nga hi. Henna thingnamtui, nard thingnaai namtui, saffron, calamus le cinnamon pan kipan thing ngimnamtuite kamh ngeingawl hi.

Isaiah 16:10

Tu in lo ngam pha sungah kuama lungdam ngawl hi. Sapit huan sungah kuama au ngawlin lasa ngawl uh hi. Sapittui vawt tu in kuama in sapitngate cil ngawl uh hi; lungdam in, au nate bo hi.

Isaiah 24:11

Sapittui a om nawn ngawl hu in mihingte lampi ah au uh hi. Lungdamna mangtatam siat zo a, leitung pan kibosak zo hi.

Isaiah 24:7

Sapitkungte vul in sapittui tawm hi. Khatvei lai in a lungdamte tu in khuangai a,

Isaiah 9:3

Topa awng, nangma in amate lungdamna lian na pia zo hi; nangma in amate na lungdamsak zo hi. Amate in nangma sepsak sate sungah lungdam uh a, mihingte in an a laak ciangin ahibuale a vanh matte a hawm uh ciangin a lungdam bangma in lungdam uh hi.

Jeremiah 48:3

Horonaim mite in, ‘Ngoltolna! Kisuksiatna!’ ci in au uh hi.

Jeremiah 48:33

Lungdamna le thinnopna sia Moab ngam leiphana panin kila zo hi. Sapit ngoaina panin sapittui a luan ka tawpsak hi; sapit um a lungdam in a au tu kuama om ngawl hi.

Joel 1:10

Lote kolh hi; leitangte khuangai hi banghang ziam cile ankungte kisusia in sapitngate kikosak a, olive kungte kivulsak hi.

Joel 1:16

Ih ante a suksiat ciang cimaw in ih en lel hi. Ih Pathian Biakinnpi sungah lungdamna om ngawl hi.

Jonah 4:7

Ahizong a zing ciang khuavak tuungin, Pathian thupiakna taw lung khat in tua a kung hing sia ne a thi hi.

Haggai 2:19

Antang om nawn ngawl a, sapitkungte, theikungte, talee te le olive kungte nga ngawl lai ahitazong, tu pan kipan thupha kong pia tu hi,” ci hi.

Malachi 3:11

Lungnote in na lo ante a lalsak buatu a, na sapitkungte sapitnga taw kidimsak tu khi hi.

Mi Simna 13:23

Amate Eshcol Kuam theng a, tua munah amate in sapit bom khat a nga sapitbaak khat saattan in, ngit mama ahikom mol thaakin mihing nii in zawng liang uh hi. Amate in talee nga le theinga pawlkhat zongh ciapui uh hi.