Jeremiah 9:8 - Syin Chin Bible

⁸ Amate ii leeite sia thi theina thaltangte bang ahi hi; leilot thu veu son uh hi. mi simin a innpaamte tungah kamthiam pau hi, ahihang thaang siana kam hi nginge hi.

Jeremiah 9:8 Iomraidhean Croise

2 Samuel 3:27

Hebron ah Abner hong thet ciangin, Joab in ama nguak taw thu son tubangin kongpi ah a tuamin paipui a, tua munah a ngil pan naam taw hol hi. Tuabangin Abner sia kisuamlum hi, banghang ziam cile ama in Joab ii suapuipa Asahel thalupsak hi.

Psalm Late 12:2

Amate in khat le khat kitheam uh hi; Amate in khat le khat kisial pokna taw kitheam uh hi.

Psalm Late 12:3

Topa awng, sialpok thei te ii a leeite na thimsak in! Hi bang a, kihisakna taw a paute ii kam na huksak in.

Psalm Late 120:3

No a leilot theite awng, Pathian in bang hong law tu ziam? Bangbangin daan hong pia tu ziam?

Psalm Late 28:3

Mihing seksolte taw hong puavawk heak in, ngitlo nasep a seamte, a kam teng taw lawm bang a kithoai ahihang a thinsung uh ah etsatna a neite taw hong puavawk khawm heak in.

Psalm Late 35:20

Amate in ngualtamh bangin pau ngawl uh hi; kilemna a dei mihingte taw kisai in, leilot thu a tuatuamte phuak tawm zawsap hi.

Psalm Late 55:21

A kammal ahile noaidiat sangin neal zaw ahihang, a thinsung ah etsatna om hi; a kammalte sia sathau bangin neal a, ahihang tuate in namsau hiamte bangin bantan hi.

Psalm Late 57:4

Ngalte in kei hong kiim uum a, amate sia mihing sa a du tawpite bang ahi uh hi. Amate ii hatangte sia tei bang thaltang bang ahi uh hi; amate ii leeite sia a hiam namsau bang ahi uh hi.

Psalm Late 62:5

Keima in Pathian bek ka suang hi; ama ii sungah ka lametna ka koi hi.

Psalm Late 64:8

Ama in tua kammalte hu in amate susia tu hi; amate a mu theampo in a lu pei san tu uh hi.

Paunakte 25:18

A maan ngawl kimawsakna sia, namsau, moltawng, ahibuale thaltang hiam bangin kiitakhuai hi.

Jeremiah 5:26

“Mi ngilote ka mite ii sungah teang uh hi; Amate in ngeen taw vacim thaang a sia mite bangin mihingte man tu in thaangsia uh hi.

Jeremiah 5:9

Hi thute hangin amate daan pia ngawl, hi bang minam tungah phula ngawl tu khi ziam?

Jeremiah 9:3

Amate sia leilot thu son tu in kinging tawntung uh hi; thumaanna taw sangin thumaan ngawlna taw ngam uk zaw uh hi. Topa in, “Ka mite in thusia khat zawkciang khat vawtin kei sia a Pathian bang zongh in hong sim bua uh hi,” ci hi.

Jeremiah 9:4

A kuama po in a lawmpa tungtaang a kikep kul tu hi, kuama in a suapuipa muang thei ngawl hi; banghang ziam cile suapui theampo sia Jacob bangin ngualtheam thei a, a kuama po in a lawmte sonsia hi.

Jeremiah 9:5

Amate theampo in a lawmte lampui khial uh a, kuama in thumaan son ngawl hi; amate in a leeite uh leilot thuson hil uh a mawna khialna a vawt uh sia thasua peuma ngawl tu hi. Amate in ngoltol ngamtatna khat zawkciang khat vawt uh a; theamna taw a ngamtatnate khat zawk khat kizom hi. A mite in ama nial hi Topa in ci hi.

Micah 6:12

Na mihaute in mizawngte duupkang a, note theampo leilot thusonte na hi uh hi.